آنا والفيلسوف..قيثارة الصمت .حلقة 1

[αЛαstoOorα]

آنا اللون الآسود
ومنة اللون الآحمر
///
السلام عليكم
انتى ضيفتى ف البرنامج الجديد
/
وعليكم السلام
برنامج ايه؟ /
برنامج جديد ف العام اسمه فك اللغز
بصي عليه متثبت فوق
/
الغاز
وكشف مستور
وصفحه سودا
ياساتر يارب
ده انتقام ولااستضافه
وملقتش غيرى ضحيه اول حلقه
/
البرنامج غير آي برنامج
وهيكون فيه كبار شخصيات المنتدي
وفيه اسآلة كبيرة وفقرات كتيرة
منها فقرة اسمها اتهامات
بنعمل تقرير عنك من معظم الآعضاء وهو بالفعل اتعمل
كل واحد بيقول فيكي حاجات وانتي بتردي عليه
بدون متعرفي هو مين..
عندك حاجة تخافي منها؟؟
/
هخاف من ايه يابنى
حلو انى اشوف الاعضاء بيقولوا عنى ايه
وخصوصا الاتهامات دى
موافقه
/
ايوة بس علي فكرة فيه كلام معدي الخطوط الحمرا
وفي آتهامات وصلتني ليكي فيها تشبيه بالآساءة
ودا كله لازم تردي عليه بعيداً عني آنا عشان متحسسنيش ان انا اللى بقول دا وتتعصبي عليا انا؟؟
انا مجرد صاحب برنامج بستضيف ضيف وبجبله الاراء ودي طبيعة البرنامج
/
ابعتها مش هتعصب
/
ماشي تحبي نبدء بالآتهامات؟
/

هههههه ياريت
/
ايه بيضحك طيب؟
/
لا مفيش عادى بس عشان البدابه اتهام يارب اخد فى اخرها البراءه
/
والله بقة الحكم هيكون للجمهور ^^
سواء بالبرائة او بالآدانه
/
اوك
/
آول آتهام كان من حد معانا ولما بعتناله قال عنك اللي هتشوفيه دا وآدي الرسالة

//////
السلام عليكم
آنا بعمل برنامج جديد آسمه فك اللغز
واول ضيف معايه قيثارة الصمت
وطبيعة البرنامج اني باخد تقرير للضيف
بيشمل اراء بعض الآعضاء فيه ولو في
حد يعرف عنه او عن حياته الخاصة حاجة
بيقولها
ايه رآيك ف قيثارة الصمت؟ وبتشوفها آزاي
وهل لديك معلومات عنها ؟
/

ازيك يامنشاوى
اولا مبروك البرنامج الجديد ويارب
يكون برنامج ناجح
اما قيثارة الصمت
انا معرفهاش ولا احب اعرفها بصراحه
بس بلاحظ فيها ثنة غرور وتكبر شنيع
ودايما بتتعامل مع الأعضاء بمرتبة المشرفة
ف انا الشخصيات دي مبحبش اتعامل معاها
او اخلق معاها صداقة لأنى بصراحه بستصغر الناس اللي بتعمل كدا وبتقع من نظرى
[/QUOTE]
طب في حاجة عن حياتها الخاصة تعرفها
وعاوز تقول حاجة تاني عنها؟
[/QUOTE]
لاء معرفش حاجة عن حياتها الخاصه
وكفايه دول عليها
[/QUOTE]
اوك متشكر اوي
[/QUOTE]
تحت امرك يافارس
[/QUOTE]
دا آول اتهام؟
[/QUOTE]
اولا بشكر صاحب او صاحبة الرساله
الغرور عمرى مااعرفه ربنا يبعدنا عنه بالعكس بعامل كل الاعضاء كانهم اخواتى
وحتى قلمى عمرى ماشدت بيه وبقول انه اضعف قلم بيكتب
ولكن ان كان الغرور فى تنفيذ قوانين القسم على الصغير والكبير فاهلا به
لو كان فى منظورهم اسمه غرور
/
تمام في آتهام تاني بيقول
وهختصرلك واجبلك الكلام علي طول
///////

يامنشاوى ملقتش غير دى يامنشاوى؟
[/QUOTE]
ليه؟ دي عضوة كويسة
[/QUOTE]
يابنى دى بنت دمها تقيل وربى
ومبتنزليش من اوم زورى
ياعم غيرهلنا هاتلنا الماجيك ولا حاجة
[/QUOTE]
ياستي براحه بس وعيب طيب هي مش معانا
انا بقولك قولي رآيك فيها؟
[/QUOTE]
يابنى مالك زعلان عليها كدا فى حاجة ولا ايه؟
[/QUOTE]
يابنتي حاجة آيه؟ انتي في ايه؟؟
عشان بس هي مش قدامك قولي رآيك فيها بآختصار
[/QUOTE]
تيب بقة ياسيدى عشان خاطرك وعشان برنامجك
اولاً
هى اول ما جت هنا كان ليا معاها موقف
ومن يوم الموقف دا عرفت انها مش جدعه
وكدابة جداً فوق متتخيل لابعد حد يعنى
وتحس انها حقودة من جواها على الناس كدا
انا عن نفسى بستتقل دمها موت وبقول عليها
بروته وثقيله
[/QUOTE]
يابنتي كل دا حرام عليكي ههههه
هي عملتلك ايه لكل دا؟
[/QUOTE]
هو انت مش عاوز رأيي يامنشاوى؟
هو دا رأية ويارب تعرف ان انا اللى قولت كدا كمان
[/QUOTE]
لاء طبيعة البرنامج اسمك مش هيروحلها
طب عندك حاجة تاني ليها؟
[/QUOTE]
لاءه سيبك منها بقة
انت ازيك؟
[/QUOTE]

دا تاني اتهام؟
ردك عليها ايه؟
/
هههههه
اصلا مش معايا موقف مع حد اصلا ردها ضحكنى سورى يعنى
حاسه البرنامج بتاعك ده مقلب ولو مش مقلب احب اقولها
شكرا من هنا لحد ماتتخيلى ياقمر
/
مقلب !
طيب
حيث كدا بقة خدي الآتهام الثالث
طبعاً فيه كلام حلو اتقال عليكي
بس انا بجبلك الحاجات اللي فيها اتهامات
والآتهام بيقول
////////
قيثارة ؟
قيثارة اصلا اسمها عزة انا عارفها كويس
وعلي فكرة كبيرة ف السن عندها 33 سنة
وعندها عيلين واحد اسمه رجب والتانى سمير
وهى من المنوفيه وتخينه جداً اناشوفتها حقيقى
تقدر تقول شبه الخزان كدا
[/QUOTE]
هههههه ياراجل؟
طب هي ليه بتدعي انها بنت وبتاع؟
ياعم انت بتهرج بلاش رمي بالمحصنات كدا
[/QUOTE]
يابنى بتكلم بجد انا عارفها ياعم شوفت صورها
وصورها مغرقة الدنيا عندى ف الجهاز
[/QUOTE]
ليه هو انت كنت بتكلمها؟؟
[/QUOTE]
يابنى اخوك مش سهل وانت عارف
بقولك كانت كل يوم بتكلمنى
بس بصراحه انا اللى عطتها الرجل
ومبقتش اكلمها
اصلها تخينه اوى ودمها يلطش يخربيت العكننه اجدع
[/QUOTE]
ههههه
طب تحب تبعتلها رسالة من خلال برنامجي؟
[/QUOTE]
عاوز اقولها شيلى القناع اللى لبساه
وفوكك من اللى بيشوكك
بس ياعم
[/QUOTE]
/
دا تالت اتهام ^^
/

هههههههههههههههه طلع اسمى عزه وانا اخر من يعلم
وطلع متجوزه ولى ولدين لا ولا الاوصاف
مش عاوزه احلف
بس ده مقلب امنشاوى

/
ههههههه

مش قادر من الضحك
/

ضحك ايه دى ماما قالت البنت اتجننت من كتر الضحك
بتعمل فيا مقلب يامنشاوى
/

على فكرة كل الكلام اللى جالك تآليفي
وانا كل الناس اللى قالت رآيها دي؟
ودا برنامج اسمه انا والفيلسوف
وهيتعرض ف رمضان القادم ^^
نزيع؟
/
زيع امنشاوى
وبجد انبسط كتيييير بالحلقه كفايه الضحك اللى ضحكته
ربنا يسعدك انت والفيلسوف

[حازم34]

كدا برضك يا منشاوي ياراجل

ما عرفت تحبك الدور كويس


ههههههههههههههههههههه

اولا النقد اللازع لنجمه موجوده مش كدا

دي نجمه يا باشا

كنت استضفت حد بجد وعلمته انه مقلب

ويقول رايه باسمه واسلوبه

هههههههههههه

انت عسل يا منشاوي

دا انا اتخضيت بقا كل دا راي

وبها الفظاعه ههههههههههه

بس عموما مقلب يضحك حقا

وكل رمضان وانتم بالف خير

ومنوره دايما اختنا الكريمه دمثه الخلق قيثاره

لكي مني خالص التحيه والتقدير


ومنور يا منشاوي رمضان مبارك

[O.o°•حكــاياتـ كتيــر O.o°•]

ههههههههههههههههه جامـــــدة امنشــاوى ^ــ^

منورةة بس كنتــى عرفيـــنا بنفســك ^_*

[كريم عاصم]

لا جامدة ههههههههههههههههههههههه هى قيثارة معروف عنها بالطيبة ومعاملتها مع الاعضاء ممتازة وهى كشفت اللعبة بسرعة بس فصلت ضحك تسلم أخى على البرنامج اللذيذ تحياتى

[فداااااااااااء]

ههههه انا اول ما أشوف كلمة غرور دى بتجننى ضحك هههههههه
حلقة جميلة منك اخى المنشاوى مع عزة هههه اقصد منة
ناصحة يا منون كشفتي المقلب بسرعة
سلمت اخى المنشاوى ويتعمل فيك اللى بتعمله يا شيخ هههه

[الفيلسـوف]

ههههههههههههههه استمرى اولدى اوع توقف يخرب بيت عقلك

[ايمان طلعت]

عزة سدة الشاشه
قصدي منورة الشاشه
بقي الرقه دي شبه الخزان
ههههههههههه
يخربيت دماغك يا منشاوي
هتولع في نار جهنم

[ويبقى الأثر]

اكتر الحلقات اللى ضحكت فيها بجد
اول رساله دخلت عليا
بدات اشك انه مقلب من تانى رساله
والتالته متقلوش ضحك السنين
بس ايه الضحك ده طلع من عينى بعدها
هو الظاهر كده ان قيثاره نجمة المقالب فى رمضان ده
يارب تترد فيكم
ومنتظره اشوف باقى الحلقات بقا

[Lamees]

دماغك دي ولا بلاش
المقلب جامد مفيش كلام
منورة يا منة

[جبل عالي]

ههههههههههههههههههههههههههههههههههه
لاوالله .... عزة !!!! وولدين !!!! وتخينه !!!

يابني هات أمارة لده كله ؟؟
ده لو كنت قلت الكلام ده ع جبل
يمكن كنا نصدق نصه !!

لكن الغلبانة دي ؟؟ يلهوي يلهوي

حبيبتي امنامينوووو حقك علياااا
بيحبوكي ياشابه وبيحفلوا عليكي ؟؟

انا بهدي النفوس امنششششششششششش
كل مقلب وانتوا طيبييييين بقااااا