انجي في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه كل سنة وانتي طيبه حبيبتي كيف تستعدي لاستقبال الشهر الكريم ؟ بستعد لاستقبال الشهر الكريم ماديا ومعنويا ماديا يعني بروح السوق اجيب كل الاغراض الي هتلزمني في رمضان وانظف البيت بقا وكده معنويا .. الصلاة وقراءة القران والتقرب الى الله اكثر لسة بجد مش عارفة هروح اصلي التراويح في المسجد ولا اصلي في البيت بس زمان كت افطر واروح مع صحباتي المسجد نصلي التراويح الوقتي مينفعش ورايا شغل طول اليوم وبعد الشغل الوقفة في المطبخ فاظن مش هيكون فيا حيل اخرج بعد الفطار او اروح المسجد ان شاء الله اصلي في البيت وربنا يتقبل منا ومنكم جميعا . شهر رمضان شهر مختلف عن باقي الشهور فماذا يعني لكِ رمضان ؟ اقول لك ايه يا ايمان رمضان كان بيعني لي الكثير زي كل الناس اللمة والعيلة وصعوبة الصيام طول اليوم واللهفة لمائدة الفطار وفرحتنا والاهل بيزوقو لنا السفرة بما لذ وطاب وفرحة الخروج بعد الفطار الي يروح المسجد والي يتفسح وكل واحد بقا وبيختار يعمل ايه واللي يريحوا انا معدش في بيتنا غيري انا واختي وبقا رمضان عندنا كئيب اوي السنة الي فاتت والسنة دي مفيش في البيت غيري انا واختي والحياة بقت صعبة اوي فقدنا كل من كان يعيش معانا تصوري بقا ؟ بس برضه بنحاول انا واختي نعيش ونكمل حياتنا من غيرهم بس الحمد لله على كل حال ربنا ما يبتلي حد بفقد الاهل والاحبة وكل سنة وانتي طيبه . ما هي مظاهر رمضان في بيتك و مدينتك ككل ؟ انا حكيت لك فوق عن بيتنا كانت لمة وحياة حلوة اوي راحت الوقتي البيت كئيب وفااارغ بفطر انا واختي وسعات صحبات اختي يجوا يفطرو معانا ومظاهر رمضان في المغرب حلوة برضه زي كل البلاد العربية صوم بالنهار والشوارع فاضية الصبح وبعد الظهر تنتعش الاسواق وقبل الفطار هدوء تاااااااام في الشوارع وبعد الفطار تراويح وجو جميل . ما الشيء المميز جدًا بكِ في رمضان؟ مفيش حاجة مميزة فيا في رمضان غير اني اتذكر اني تحجبت في رمضان كل لما يجي رمضان افتكر اني اتحجبت فيه . يومك الرمضاني كيف يكون ؟ اروح الشغل الصبح الساعة 9 اجي الساعة 4 اقف في المطبخ اعمل الفطار بصلي اوقاتي واقرا قران نفطر واغسل المواعين اصلي عشان السنة الي فاتت معرفتش اروح اصلي التراويح في المسجد وباين السنة دي كمان كده افتح النت شوية وبعدها نتسحر وننام . موقف حدث معكِ في رمضان ولن تنسيه ؟ مش فاكرة بصراحة رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ الاكلة المميزة في بيتي بل في كل البيوت المغربية هي شوربة الحريرة بحب حجات كثير بحب البيتزا على الفطار والكفتة والحريرة وبحب العصير طبعا ولازم قهوة بحليب دي ضروري لازم ابتدي بيها فطاري والمغرب مشهور بحلويات كثير من اهمها حلوى الشباكية دي لازم تكون موجودة في كل بيت في رمضان بس انا مش بحبها يعني . هل تدخلي المطبخ في رمضان وان دخلتي ماذا تفعلي ؟ بدخل يا اختي بدخل زمان كانت ماما وجدتي وخالتي بيعملو كل حاجة انا اجي من الشغل اصلي وانام واصحى على الفطار افطر واروح التراويح مع صحباتي الوقتي لازم اجي من الشغل ادخل المطبخ اعمل كل حاجة بنفسي . اذكري أكلة مميزة أعددتيها بنفسك و طريقتها ان أمكن ؟ بعمل حجات كثير ممكن اقول لك على اكلة كفتة سمك السردين بجيب كيلو سردين ده يكفيني انا واختي و2 اشخاص كمان يعني يكفي 4 اشخاص بنظف السردين واشيل منه العظام والجلد واطحنه و اعمله كفته تفرمي شوية قزبرة وبقدونس وتوم وتضفيهم على كفتة السردين وتضيفي لهم شوية ملح شوية بس عشان السردين بيكون اصلا مالح تضيفي شوية فلفل اسود وشوية زنجبيل مطحون وشوية فلفل احمر حلو مطحون وشوية زعفران مطحون برضه - اقصد بشوية دي نص معلقة صغيرة - تخلطيهم مع بعض وتخليهم على جنب في طاسة او طنجرة تبشري طمطماية وتبشري شوية توم وتحطي زيت وشوية قزبرة وبقدونس مفرومين وبرضه ملح ومن البهارات الي ذكرتها انا فوق الي حطيتي منها في الكفتة وهم بيتقلو كده في قلب الطاسة تبتدي تعملي كويرات من كفتة السمك وتضيفيها في الطنجرة وتضيفي شوية ميه وتخليهم يستوا مع بعض وكل لما ينشف من الميه تضيفي شوية وانتي عينك عليهم وبالهنا والشفا ويارب اكون عرفت اشرح لك الوصفة كويس. . . متى أخر مرة ملكتي فانوس رمضان ومن أهداه لكِ ؟ لا معندناش زيكم في مصر جو الفوانيس دون في رمضان محدش عمره جابلي فانوس عشان مفيش في المغرب كده . هل تتابعي المسلسلات التي تعرض في رمضان ؟ زمان اه الوقتي معنديش وقت بجد . ما رأيك فيما يقدمه التليفزيون الآن في رمضان ؟ مش متابعة والله ما هو المسلسل أو البرنامج الذي يذكرك دائما برمضان قديمًا ؟ المسلسلات التاريخية الي بتحكي عن الدين والاسلام والصحابة وانا صغيرة وكمان لما كت في الاعدادي والثانوي اتذكر رمضان بالمسلسلات الدينية دي عشان في المغرب كانو بيعرضوها لنا كثير وكنا بجد بنحس بجو رمضان . كيف تستعدي لاستقبال العيد ؟ عادي بنجيب لبس انا واختي واجيب كعك من بره وحلويات واروح السوق اجيب الحجات الي هتلزمني في البيت عشان العيد ممكن نتعزم انا واختي وممكن نعيد في البيت انا وهي . ما هي مظاهر العيد في مدينتك ؟ العيد حلو في المغرب زي كل الدول الاسلامية بنجيب لبس العيد كلنا العيال والكبار بنعمل الكعك والحليوات في البيت وبما اني بشتغل ومفيش وقت ولوحدي بجيب من بره يوم العيد نصحى الصبح نعيد ونسلم على بعض ونعمل الشاي والقهوة ونحط حلويات وكعك وفطاير مغربية ونلبس اللبس الجديد ونبتدي نستقبل الزيارات بقا زيارات العيلة او نروح نزور احنا قرايبنا وكده نعمل غدا ونتلم طول اليوم قاعدين نهزر وناكل الكعك والحلويات ونشرب الشاي بيكون يوم جميل طبعا . هل تشتري ملابس للعيد الى الان ؟ اه والله لازم واشتريت كمان دي عادة عندنا بنجيب ملابس العيد للصغار والكبار كمان بيجيبو يوم العيد كلو لابس جديد رجالة وستات واطفال هل تأخذي عيدية ام تعطي؟ وانا صغيرة بقى وايام الدراسة كت باخد وبلم فلوس بالهبل الوقتي بعطي طبعا الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ على فكرة انا معرفش اعمل الكعك والحلويات مش بحب اعملهم لو كت بحب كده كت اتعلمت زي ما انا اتعلمت اطبخ بس مش بحب اقعد اعمل الحلويات بحس انها حجات مملة زمان ماما وجدتي وخالتي كانو بيعملو لنا الحجات دي في البيت الوقتي انا بجيب جاهز من بره . موقف حدث معكِ في العيد ولن تنسيه ؟ احلى عيد في حياتي قبل ما تموت جدتي كل الي بحبهم اتجمعو في العيد ده وقضينا احلى عيد في حياتي كلها اظن في عيد 2012 يعني كل عيلتنا الي بره المغرب دخلو صامو رمضان في المغرب واتجمعنا طول الشهر وفي العيد عيدنا مجمعين مش هقول لك على فرحتي وفرحة عيلتنا ساعتها يعني بنت خالتي الي في ايطاليا وبنت خالتي الي في فرنسا وابن خالتي الي في فرنسا برضه وولاد خالتي الثانية الي في فرنسا خالاتي وخوالي وولادهم تقدري تقولي اني العيلة كلها اجمعت في رمضان ده وف العيد الجميل اننا مكناش بنفترق طول رمضان وعيدنا مع بعض يعني مش كل حد بيفطر في بيته لاء بنجمع كلنا وكل بيت بيجيب اكله ونفطر ف بيت جدتي ويوم العيد عيدينا مع بعض وكنا فرحانين مع بعض من اجمل الايام في حياتي كلها عمري ما انساه . كلمة لاعضاء منتدى بنات مصر؟ انا بحبكم اوي ولقيت نفسي وسطيكم بعتبر نفسي وحدة منكم وكل سنة وانتم طيبين . شكرا ليكي يا ايمي على الاستضافة وكل سنة وانتي طيبه الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي

[دمعه حائره]

انجى حبيبتى كل سنه وانتى طيبه
وهجرب الوصفه واشوف عمايل ايدكى الحلوين
تسلمو على الاستضافه الجميلة
ورمضان مبارك عليكم يارب

[كريم عاصم]

اسئله حلوة وذكريات أجمل للضيفة وكل سنه وانت طيبة انجى تسلمىى ايمو على المجهود

[حازم34]

حقيقي حلقه فيها نجمه من النجوم التي لها في كل مكان

ومضه وضوء جميل

بس حقيقي اجابات فيها جمال والم انا تاثرت بها كتير


معهلش اختي الكريمه انجي

اسال الله ان يبارك فيكي واختك يارب

وان يسعد قلبيكما وان يمر عليكم الشهر وانتم

في منتهي السعاده

ومجهود طيب تبذليه اسال الله ان يجعله في موازين اعمالك

من العمل والرجوع الي البيت ودخول المطبخ

حقيقي شئ اسعدني والله

وربنا يحفظك ويسعدك يارب انجي يارب

انتي واختك يارب

واحنا كتير بنعزك والله اخت غاليه اسال الله الا يحرمنا

من تواجدها الراقي

يارب

وربنا يبارك فيكي يارب يا شمس المنتدي ايمان

علي جمال ما تقدمين ويبارك لكي في اهلك ومن تحبين

ما اجمل البرنامج

وما اجمل الحلقه

اسعد الله قلبيكما

يارب

ولا حرمنا الله تواجدك الجميل ايمان يارب

[انجي_1]

شكرا ليكي ايمان على الاستضافة
تسلميلي
---------
جربيها يا منه الوصفة تحفة ولديدة
كل سنة وانتي طيبه حبيبتي
-----------
كل سنة وانت طيب اخي كريم
تسلم
-----------
اخي حازم ربنا يكرمك يارب
وكل سنة وانت طيب

[جبل عالي]

نووووجه حبيبة قلبي والله العظيم انتي

ربنا يسعد قلبك يارب ويخليلك اختك
ويلم شملك بعيلتك كلها تاني ... ويرحم من رحل عنكم

بجد استضافه حلوة اوي اوي
ولمست قلبي اوي

[احساسى صحيح]

حلقة حلوة مع انجى رغم ما تعانيه
ربنا يهون عليكى يا رب
ويعوضك خير باذن الله

تسلمى كتير
وشكرا ايمان على الاستضافه الجميله
تحياتى لكما

[♥○ moOoOoOna ♥○]

جميييلة الحلقة

منورة يا نوجا

تسلمى يا ايمى

[BaAnoOta]

جميل البرنامج ايمان وفكرته تحفه
انجي حبيبتي انا حاسه بيكي والله
لاني عايشه ف نفس الواقع الاليم
قد ايه رمضان والعيد و الفرحه بقت ناقصه من غير حباببنا
ربنا يشيل عنك الهم ‘ وكل سنه وانتي طيبه

[انجي_1]

حبايب قلبي
نورتوني
وكل سنة وانتم طيبين