بعد الفراق

[a7med -3del]

انا كل حاجة حسبتها
وفي خيالي رسمتها
بعد الفراق لاقيتها سهلة
ولاقتني عايش عكسها
ومفيش دموع نزلت عليه
ولا يوم سالته بعدنا ليه
مانا زي ماعيشت الدنيا قبله
كان سهل عندي اعيش بعديه
لا سهرت عشانه
ولا كان بيموتني الشوق
ناسي كل كلامه
وحالف دايما ابص لفوق
مفيش مخلوق هيستاهل
اعيش علشانه يوم مجروح
ولو فعلا ده يستاهل
ماكنش يسبني يوم ويروح
ولسه الحياة قدام
شايلة غنا واحلام
حبه زي اي حكاية
عديت كده والسلام
لاخسرته
ولا قولت خسرني
بس هاروح
للي يقدرني
يحس بفرحي.. يبكي في جرحي
يفهمني من غير كلام

A7med .3del
10-6-2016
5 ramadan

[ويبقى الأثر]

اللى يحب عمره مايجرح او يخون
جميله اوى حروفك
دام ابداعك اخى
ودام التواجد الجميل
نجومى

[الفيلسـوف]

اللى يعرف فعلا يحب عمره ما يعرف يحب او يخون
واى حد عكس ذلك فهو انسان لم يتذوق معنى كلمه الحب والنقاء
تسلم ايدك كلمات جميله تقبل مرورى

[حكاية حب]

اكيد الفراق صعب

والأصعب انك تكوني وحداني

بعد ما فاتك خلك

رجعت للوحده من تاني


كلماتك جميله وخفيفه

تحياتي احمد

[دمعه حائره]

الفراق صعب بس ساعات بيكون قدر ولازم نرضى بيه
كلمات رائعه تسلم اخى

[احساسى صحيح]

اصعب حاجه انك تحب
وتعرف ان حبك له نهايه آخرى غير ما تتمنى
قلم راقى عودنا على الروائع
يدوم احساسك الجميل ابو حميد

[مُنـــــايا]

الحياة جميلة ولاتقف على شخص أو موقف..
أطلق العنان للحب والأمل الساكن في قلبك.
ويبقي الأمل جسرا نسير عليه فوق بحر الجروح والحماقات. .
فحتى لو بقي من العمر ساعات .. فلنسعد بالحياة والحب والابتسامات ..
دمت متألقا تنثر الأمل فى الأرواح في زمن الاحباطات والعثرات ..
لروحك السعادة...

[ايمان طلعت]

كلمات رقيقه
دام نبض قلمك
تحياتي