وياما الحظ ضيع ناس =)

[محمود الصاروخ]

السلام عليكم ورحمة الله وبركاته
--



الحظ
أحيانا ممكن يعليك ويخليك في سابع سما
وأحيانا ممكن ينزلك لسابع أرض وكتير بنشوف المواقف دي في كرة القدم
كتير من المباريات بيكون بطلها هو الحظ سواء في المكسب أو الخساره

السوبر المصري لعام 2014
البطوله اللي فاز بيها الاهلي عن طريق الحظ وبالفعل الزمالك كان الاقرب
ولكن كوفي خانه الحظ وضيع ضربة الجزاء وفاز الاهلي بالبطوله
وهنا لعب الحظ دوره مع المنافس وفي ثانيه اضاع الحظ
بطوله من الزمالك وده مش تقليل من الاهلي انا بتكلم
علي موضوع الحظ بشكل عام وممكن يتفق معايا
ناس كتير في الموضوع ده

السوبر المصري لعام 2015
المباراه فيها نقطة حظ لصالح الاهلي برضه وهي ضربة جزاء كهربا
اللي كانت نقطة تحول المباراه بشكل عام بمعني إن الزمالك متقدم بهدف
وله ضربة جزاء لو سجلها يتقدم بهدفين ويقترب أكتر من البطوله ولكن
لعب الحظ دوره وكهربا ضيع ضربة الجزاء ومن هنا تحول الماتش
بشكل عام وقدر الاهلي يستغل النقطه دي ويتقدم علي الزمالك
بضربتين جزاء وهدف وعارف إن الاهلاويه مش هيوافقوني
علي النقطه دي بالتحديد بس انا شخصيا شايف نقطة
تحول اللقاء هي ضربة جزاء كهربا اللي ضاعت

شريف اكرامي واحمد عادل
أكتر هزايم او تعادلات الاهلي بتكون عن طريقهم وبغلطات منهم ولو شوفنا
غلطاتهم بشكل عام هتدل علي انهم حارسين في مستوي متواضع جدا وهنا
بيبان الحارس المحظوظ من الحارس المتألق بمعني إن ممكن اكرامي يجي
ماتشين وره بعض يكون متألق ويجي في ماتش حاسم يضيع الاهلي
وهنا بيدل علي انه حارس محظوظ مش أكتر في الوقت الحالي
مش تقليل من قيمة اكرامي ولكن الحقيقه اللي ممكن يكون أكتر
من نص الاهلاويه مقتنعين بيها بس ماشيين بمبدأ ساند
كل ماهو اهلاوي حتي لو كان وحش ولكن دي وجهة نظري

الشناوي وجنش
اتفقنا أو اختلفنا يبقي الشناوي هو حارس مصر الاول ومش هتكلم عليه
وممكن يكون عنده أخطاء ولكن أقل بكتير من اكرامي واحمد عادل وده
اللي بيميز الشناوي عن حارسي الاهلي بشكل عام أما جنش في بداية
فرصته الموسم اللي فات شكيت انه ممكن يكون حارس محظوظ
وهيجي وقت ويقع جنش ولكن في كل ماتش بتفرج عليه
بتأكد ان الحارس ده متألق جدا ويستحق فرصه للمنتخب
وطبعا ممكن كتير يتفقو معايا في النقطه دي بالتحديد
وبرضه مش تقليل من اكرامي ولا عادل ولا الشناوي
بس الحق لازم يتقال إن جنش كل ماتش يثبت انه
مش حارس محظوظ ومتألق بالفعل وكتير بينقذ
فريقه من كوارث باستثناء هدفي النهارده
اللي مايتسألش عليهم عموما وغلطات دفاع

الهدف من الموضوع
لو جنش حارس محظوظ زي ماكتير من الناس بتقول بما فيهم
أهلاويه أو زملكاويه بالتأكيد الحظ هيتخلي عنه ولو ماتش ولكن
في كل ماتش بنشوف جنش فيه لازم يطلع من بعيد ب بصمه كبيره
يثبت من خلالها انه حارس مميز ومش محظوظ أقصد ان ممكن
الحظ يسيبه زي مثلا ما ساب الزمالك في ماتش زي السوبر
مش كده ولا ايه ؟؟؟

السؤال بقي
في معانا الشناوي وعصام الحضري واكرامي وجنش
الناس اللي شايفه إن اكرامي مميز عن جنش بتحكم بناءا علي ايه ؟؟
طيب ازاي بنختار حارس يكون يستحق انه يلعب للمنتخب ؟؟؟
اكرامي للخبره يعني ؟؟ طيب ما الحضري موجود وخبره اكتر
من الاخر والسؤال بوضوح - اكرامي ولا جنش ؟؟؟
الاجابه بعيدا عن الانتماء وبعيد عن موضوع الخبره والكلام ده
بتكلم بناءا علي اداء جنش واداء اكرامي وكله في النهايه لصالح منتخب مصر
شايف مين الحارس المحظوظ - اكرامي ولا جنش ؟؟
ومين يكون الحارس الاساسي والحارس البديل للمنتخب ؟؟
وازاي هتختار بينهم ؟؟؟



تحياتي لكم جميعا محمود الصاروخ

[حازم34]

اهلين اهلين اهلين كابتنا الكبير منور


ما في شئ اسمه حظ في كره القدم ولا غيرها فيه شئ اسمه توفيق ولا لا


الحارس يتم اختياره بناء علي رؤيا لناس تفهم في الكوره


ويتم تدريبه ايضا بلاعبين من ذوي الخبره والمهاره في كل شئ


الفرق يكون في اللياقه والفهم للكره

يعني ممكن اكرامي يمرر كوره لمهاجم تيجي هدف يعني ممكن يتحكم في سير المباراه

ياكابتن جنش لسه لسه بدري وهتشوف


اكرامي افضل من جنش طبعا خبره وذكاء وابن اكرامي

ودايما الله يسعدك يارب سيبك بقي من المقارنه مع الاهلي

ممكن تقارن لاعبي الزمالك باي لاعبين اخرين


يعني تقول ان الاهلي اخد بطوله بالحظ ولا كدا فدا ما بيكون في كوره القدم


كوره القدم عباراه عن اداره وتكتيك وعمل متكامل


لن يصل اليه الزمالك الا بمثل لاعب اداري ومدرب ومحترم مثل طارق غنيم


غير كدا يا راجل سبعه جالسين بجوار اللاعبين في التدريب علي الدكه مش ممكن جمال عبد الحميد واسماعيل وطولان


ومين تاني مش كدا الاداره يا باشا


الاهلي فريق كبير بجهد وعمل متواصل


والزمالك نادي محترم وله احقيه بطل المركز التاني ما فيها شئ


عادي كل فريق وامكانياته


تسلم استاذنا

[Stop Ana Eltop]

انا مش معترفه بحتة الحظ دى قد ما انا شايفه انه نصيب واجتهاد
الاهداف بتبقى ترجمة الاخطاء وماتش الكوره من غير اخطاء مابيبقاش له معنى لانه بيبقى بارد مش حظ ولا خلاقه

جنش كويس وامبارح مثلا اخطاء الدفاع ظلمته شويه
الشناوى كويس بردك

من وجهة نظرى التى لا قيمة لها ان الى ساند اكرامى كحارس مرمى هو خط دفاع الاهلى

الحضرى مهما حصل بيفضل حارس كويس وعنده خبرات كتير وبيقاتل عشان يسترد نجوميته ودا بيخليه فى احسن حالاته لو معاه دفاع كويس

جنش اختاره عن اكرامى لان اكرامى وقت الاختبار الجد بيقع ومش بينقذ الاهلى الا خط دفاعه

الحارس الاساسى الشناوى او الحضرى والبديل جنش او المهدى سليمان

[حكاية حب]

اهلا بالصاروخ ومناقشه رياضيه مميزه

تحليلك رائع فوق الوصف يا محمود

بصراحه بشعر باستمتاع لتحليلك ومناقشتك الرياضيه

بعيدا ً عن التعصب الرياضي وانا اهلاوي لكن بسجل اعجابي بمواضيعك

ندخل للموضوع

الحظ او بالاصح ضربة حظ موجوده في كل شئ حتي في الرياضه

كمثال لنجوم كتير ضيعو ضربات جزاء او فرص سهله مؤكده لتسجيل اهداف

ومن الطبيعي تحول المباراه بيكون مبني علي اهدار ضربة جزاء او فرصه اكيده للتسجيل والعكس

كثيرا ً ما يلعب الحظ في النهائيات لصالح فريق ربما يكون هو الأسواء في المباراه

نيجي للنقطه التانيه ( حراس المرمي )

رغم اني اهلاوي لازم كلنا نعترف ان شريف اكرامي حارس جيد ولكن هنا نحط الف خط

شريف اكرامي متذبذب المستوي

يعني ماتش تلاقيه اسد المباراه وممكن فاجأه خطاء يضيع كل شئ

وماتش تاني تلاقيه تايه وخايف ويدخل فيه اهداف تافهه سهله علي حارس من فرق حواري مصر

هو لا يصلح للمنتخب بالظبط زي اللاعب اللي لا يصلح للاحتراف

من رآيي اعطاء الفرصه لجنش أفضل

تحياتي ليك يا صاروخ

[محمود الصاروخ]

اقتباس اهلين اهلين اهلين كابتنا الكبير منور ما في شئ اسمه حظ في كره القدم ولا غيرها فيه شئ اسمه توفيق ولا لا الحارس يتم اختياره بناء علي رؤيا لناس تفهم في الكوره ويتم تدريبه ايضا بلاعبين من ذوي الخبره والمهاره في كل شئ الفرق يكون في اللياقه والفهم للكره يعني ممكن اكرامي يمرر كوره لمهاجم تيجي هدف يعني ممكن يتحكم في سير المباراه ياكابتن جنش لسه لسه بدري وهتشوف اكرامي افضل من جنش طبعا خبره وذكاء وابن اكرامي ودايما الله يسعدك يارب سيبك بقي من المقارنه مع الاهلي ممكن تقارن لاعبي الزمالك باي لاعبين اخرين يعني تقول ان الاهلي اخد بطوله بالحظ ولا كدا فدا ما بيكون في كوره القدم كوره القدم عباراه عن اداره وتكتيك وعمل متكامل لن يصل اليه الزمالك الا بمثل لاعب اداري ومدرب ومحترم مثل طارق غنيم غير كدا يا راجل سبعه جالسين بجوار اللاعبين في التدريب علي الدكه مش ممكن جمال عبد الحميد واسماعيل وطولان ومين تاني مش كدا الاداره يا باشا الاهلي فريق كبير بجهد وعمل متواصل والزمالك نادي محترم وله احقيه بطل المركز التاني ما فيها شئ عادي كل فريق وامكانياته تسلم استاذنا

نقطة الحظ المقصود بها هنا ضربات الجزاء في الجزء الاول من الموضوع
وبالفعل ضربات الجزاء يطلق عليها في كرة القدم ضربات الحظ الترجيحيه
وبالفعل في مباراة السوبر الاول الزمالك خسر المباراه بضربة جزاء
وفي مباراة السوبر التانيه نقطة تحول المباراه كانت ضربة جزاء
أما بخصوص جنش واكرامي شايف في كلامك إن غلطات
اكرامي مقتصره علي انه بيباصي كوره ف تيجي جول
انت متاكد انك متابع اكرامي بشكل جيد ؟؟

ياحازم باشا أكتر تعادلات أو خسارة الاهلي بتكون بسبب اكرامي
أما الزمالك بيكون كله واقع في مباراه ويكون جنش متالق بشكل ملفت
وهنا هاخد من كلامك كلمه واحده اكرامي بيلعب عشان ابن اكرامي
أما اكرامي في مركز الحراسه متواضع جدا وهناك افضل منه
مش شرط جنش وهناك حراس مميزين عن اكرامي بكتير
وأكبر دليل علي كلامي عايزك تكلمني عن تاريخ
اكرامي بشكل عام وبداياته مع الفريق اللي احترف فيه
كان حارس رقم كام طيب ؟ ولعب ايه وعمل ايه ؟؟
وفي الوقت نفسه كلمني عن بدايات جنش
وكلمني عن تألق جنش في الفتره الحاليه مع الزمالك
ممكن ولا هو كلام علي ورق فقط لاغير ؟؟

اتفق معاك تمااما في أن كرة القدم الحديثه عباره عن تكتيك
ولكن هناك أنديه كثيره تتألق في مباريات ولكن تخسر اللقاء
بضربة حظ ولنا في مباراة السوبر الاول أكبر دليل الزمالك كان متالق
في المباراه بشكل عام وضربة جزاء كوفي أضاعت البطوله
والعديد من المباريات دليل علي ذلك وأخيرا مباراة الاهلي
وحرس الحدود في الموسم الماضي حينما سيطر الاهلي علي المباراه
وكان صاحب البصمه الاولي والاخيره في اللقاء ولكنه خسر اللقاء
بضربة حظ من فريق حرس الحدود وكان السبب فيها اكرامي أيضا
مش كده ولا ايه ياغالي ؟؟؟

ازاي مقارنش بين الاهلي والزمالك ياغالي ؟؟
الزمالك صاحب بطولات كتيره جدا كانت من حقه واخدها فريقك عن طريق
المجاملات والتحكيم وأشهرهم لقب القرن وكان من حق الزمالك
ولكن ماذا حدث ؟؟ بالفعل ياغالي لا يوجد مقارنه بين الاهلي والزمالك
ولكن ف نقطه تانيه تماما محبش نتكلم فيها هنا

بطل مركز تاني
طيب ماتكلمني عن وكاله الاهرام ؟؟
وكلمني لما اخدت انت لقب القرن كان الزمالك ايه ؟؟


معلومه
كهربا بالاحصائيات يتفوق علي رمضان صبحي اللي طلعتوه
احسن لاعب في مصر وفي المراوغات والمهارات فتحي أمهر واحرف
طارق حامد يتفوق تفوق كلي علي حسام عاشور اللي طلعتوه
أفضل لاعب في مركزه يبقي ازاى هنا بتطلعو لاعيبتكو افضل
لاعيبه وفي الوقت نفسه تقوله متقارنش ؟؟؟

منورني دايما ياكبير بردود مميزه
^_^

[محمود الصاروخ]

اقتباس انا مش معترفه بحتة الحظ دى قد ما انا شايفه انه نصيب واجتهاد الاهداف بتبقى ترجمة الاخطاء وماتش الكوره من غير اخطاء مابيبقاش له معنى لانه بيبقى بارد مش حظ ولا خلاقه جنش كويس وامبارح مثلا اخطاء الدفاع ظلمته شويه الشناوى كويس بردك من وجهة نظرى التى لا قيمة لها ان الى ساند اكرامى كحارس مرمى هو خط دفاع الاهلى الحضرى مهما حصل بيفضل حارس كويس وعنده خبرات كتير وبيقاتل عشان يسترد نجوميته ودا بيخليه فى احسن حالاته لو معاه دفاع كويس جنش اختاره عن اكرامى لان اكرامى وقت الاختبار الجد بيقع ومش بينقذ الاهلى الا خط دفاعه الحارس الاساسى الشناوى او الحضرى والبديل جنش او المهدى سليمان

الأخطاء بالفعل جزء من متعة كرة القدم بشكل عام
ولكن انا هنا بدأت كلامي ب ماتشين كانت نقطة الحظ فيهم
أو نقطة التحويل هي ضربات الحظ الترجيحيه

متفق معاكي في باقي كلامك
واختيارك للمهدي سليمان موفق جدا
حارس مجتهد ويستحق الفرصه

منوراني دايما بردود مميزه
^_^

[محمود الصاروخ]

اقتباس اهلا بالصاروخ ومناقشه رياضيه مميزه تحليلك رائع فوق الوصف يا محمود بصراحه بشعر باستمتاع لتحليلك ومناقشتك الرياضيه بعيدا ً عن التعصب الرياضي وانا اهلاوي لكن بسجل اعجابي بمواضيعك ندخل للموضوع الحظ او بالاصح ضربة حظ موجوده في كل شئ حتي في الرياضه كمثال لنجوم كتير ضيعو ضربات جزاء او فرص سهله مؤكده لتسجيل اهداف ومن الطبيعي تحول المباراه بيكون مبني علي اهدار ضربة جزاء او فرصه اكيده للتسجيل والعكس كثيرا ً ما يلعب الحظ في النهائيات لصالح فريق ربما يكون هو الأسواء في المباراه نيجي للنقطه التانيه ( حراس المرمي ) رغم اني اهلاوي لازم كلنا نعترف ان شريف اكرامي حارس جيد ولكن هنا نحط الف خط شريف اكرامي متذبذب المستوي يعني ماتش تلاقيه اسد المباراه وممكن فاجأه خطاء يضيع كل شئ وماتش تاني تلاقيه تايه وخايف ويدخل فيه اهداف تافهه سهله علي حارس من فرق حواري مصر هو لا يصلح للمنتخب بالظبط زي اللاعب اللي لا يصلح للاحتراف من رآيي اعطاء الفرصه لجنش أفضل تحياتي ليك يا صاروخ

حكاية حب والله ردودك هي اللي حكايه وفيها لمسه كرويه جميله
متفق معاك تماما في كلامك بشكل عام والحظ كتير بيلعب دوره
ونطقة شريف اكرامي بالفعل لا يصلح للاحتراف وبدايته في الاحتراف
أكبر دليل علي كلامك وكان حارس رابع في فريقه قبل كده

منورني ياكبير
^_^

[عهود~]

أممم

اني مااعترف بشيء اسمه حظ

نعم .. ممكن يكون فريف هو الافضل لكنه لايستغل الفرص بشكل صحيح

والفريق الاخر رغم انه غير جيد لكنه بيستغل فرصة او فرصتين ويفوز في الماتش

واحيانا الحكم يلعب دور كبير

خصوصا اذا كان الاهلي طرف في المبارة الانحياز واضح

اتمنى التوفيق للزمالك ويستغل كل فرصه في المباريات

شكرا

[محمود الصاروخ]

اقتباس أممم اني مااعترف بشيء اسمه حظ نعم .. ممكن يكون فريف هو الافضل لكنه لايستغل الفرص بشكل صحيح والفريق الاخر رغم انه غير جيد لكنه بيستغل فرصة او فرصتين ويفوز في الماتش واحيانا الحكم يلعب دور كبير خصوصا اذا كان الاهلي طرف في المبارة الانحياز واضح اتمنى التوفيق للزمالك ويستغل كل فرصه في المباريات شكرا

هي بتكون وجهات نظر وبعيدا عن ده ضربات الجزاء عموما معروفه بكده
والمبارتين اللي اتكلمت عليهم كان سببهم ضربات الحظ الترجيحيه
وبالفعل الاخطاء التحكيميه بيكون ليها دور في نتيجة المباراه
والخطأ التحكيمي المقصود بيكون واضح جدا
بالتوفيق للزمالك فيما هو قادم
منوراني عهود
^_^