" تعالو نلعب عاميه " ..!

[*فجر الاسلام*]

مفكرين الحب يملانا
اتاريه وهم عايش جوانا
ولو كلمه حلوه اتقالت
فجاه تبقى ساحرانا

ولو دورنا فى قلوبنا
هنلاقى حروف تقلقنا
كلامنا ده مش حب
دى الدنيا كانت سارقانا

كتبتها بسرعه معلش ^___^

[αЛαstoOorα]

تخيل يوم تقوم من النوم
على قصة هواك بتضيع
تحاول تفهم ده ليه وازاى
وتغرق جوا صمت فظيع
ووهم كبير
بحجم كل كلمة حب
قولتوها وطلعت كدب
وبدون تفسير
اتبنى بينكم سد منيع
تخيل يامنشاوى
ده تخيلى للموقف ايه رايك؟


آنتي نجمة مفيش كلام يامنة ^^
آحساس فظيع وبتقولي الكلام بمشاعرك بجد
طب يلا نعمل حاجة كويسة
كل واحد يقولنا فكرة نكتب عليها كام بيت

[دمعه حائره]

هو احنا نيجى جمبك ايه ياكبير
ده انت المعلم ومنك بنتعلم
يلا نلعب على فكره جديدة
بفكر فيك
بمناسبه الخاطره الجديدة بتاعتى
وده جزء منها
ومش بإيديك ولا بإيديا
نعيش قصتنا من تانى

وأكيد عارف وحاسس بيا
فى غيابك قد إيه أنا بعانى

ولسه ليك جوايا حنين يناديك
بيعزف غنوة ألحانها بفكر فيك

[αЛαstoOorα]

طب يافجر بصي كدا ..
/
مفكرين الحب مالينا
اتاريه وهم وعايش فينا
تخرج من جوانا الكلمة
كلها حب وشوق يهوينا
وتبقة معاني الهوي سحرانا
بس العجلة آكيد سرقانا
لو هندور جوه قلوبنا
هنلاقي كله كلام يقلقنا
وآن شعورنا آساسه الكدب
علشان آحنا ف حاجة للحب
/
\
آيه رآيك ف دي؟؟

[ويبقى الأثر]

فى يوم جانى وفكرنى
بحبه زمان
وقالى فاكره انا وانتى
واللى بينا كان
وقولتله!!
اكيد فاكره حكايه كدب
عشناها
ولو اقدر امحى الماضى
وانساها
مش اتاخر عشان بالوهم
بدأناها
ياريت تمشى وتنسى
كلمه قولناها

فى لحظة ضعف انا وانت
ظلمناها

ده اصل الحب مش كلمه
يادوب تتقال

ده صدق مشاعربيترجم
كده لاافعال

وجوه القلب مقداره سنين
متشال

وبس كده😊

[*فجر الاسلام*]

نقدر نعدل وراك يا استاذ
عملتها بيتين شبه بعض
كلها حب وشوق يهوينا
زى يهوانا كده
كده احلى اكيد

[د/ عبد الله]

يعني وصلنا فين كده يا كبير
نكتب عن ايه؟

[αЛαstoOorα]

طب يا منة يادمعة حائرة
انا هعمل شغلانة وارجع اسهر معاكم بقة
ههههه
عشان كدا القعدة هتحلو

[*فجر الاسلام*]

يا دكتور ده الموضوع الاول
آتنين عايشين زي الآغراب
وآساسهم كان مُصطلح الحب
قفلو ف آحاسسهم مليون باب
ومحدش فيهم حن بقلب
/

كتبنا كلنا اكتب انت بقى

[*فجر الاسلام*]

طيب خلاص لو دخلت انا تانى ابقى اكمل معاكوا