موووونه في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه ربنا يخليكى ♥ كيف تستعدي لاستقبال الشهر الكريم ؟ عادى يعنى بنجيب حاجات رمضان اللى هى التمر و اللوز والفستق والحاجات دى شهر رمضان شهر مختلف عن باقي الشهور فماذا يعني لكِ رمضان ؟ اكيد طبعاً مختلف .. شهر جميل جداً واكتر شهر بكون مبسوطة فيه تحسى كده ان ليه جو تانى لما بسمع اغانى رمضان بحس انى مبسوطة كده وبيعنى حاجات كتير زى العبادة بقى والصيام ما هي مظاهر رمضان في بيتك و مدينتك ككل ؟ كانوا بيعلقوا فانوس فى الشارع هههههههه بس انا عشان مش بخرج فى رمضان بقالى كتير معرفش بيعلقوا ولا لا دلوقتى بس اكيد يعنى وساعات بسمع اغانى رمضان عندنا فى الشارع فى بيتى على طول فى رمضان بيعملوا خشاف هههههههه ما الشيء المميز جدًا بكِ في رمضان؟ كل حاجة .. هو سبحان الله جميل بكل حاجة فيه يومك الرمضاني كيف يكون ؟ هو بيختلف من سنة لسنة .. بس غالباً كنت بنام بعد السحور شوية وبعد كده اقوم بقى وبقرأ اللى بقدر عليه من قرآن عشان الواحد بيبقى خلصان خالص وقت الصيام بعد كده بيستعيد نشاطه بقى موقف حدث معكِ في رمضان ولن تنسيه ؟ امممم .. مش فاكرة بس لما كنا بنسافر فى رمضان بتبقى حاجة صعبة اوى رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ هى الاكلة المميزة بالنسبة ليا انا الفراخ بحبها عموماً يعنى العصائر عندى فى البيت بيحبوا الخشاف وساعات بيعملوا مانجا بس انا بحب عصير الفراولة لما ماما بتعمله يعنى قليل لما بشرب العصائر بتاعتهم الحلويات بقى ساعات ماما بتعمل جلاش او بسبوسة او كنافة او ام على حاجات كده يعنى هل تدخلي المطبخ في رمضان وان دخلتي ماذا تفعلي ؟ لا بصراحة ههههههه .. مش بدخل غير قبل الفطار بشوية احط مع ماما الاكل اذكري أكلة مميزة أعددتيها بنفسك و طريقتها ان أمكن ؟ طب ليه الاحراج دا بقى ؟ ههههههه .. لسه بس هتعلم ان شاء الله متى أخر مرة ملكتي فانوس رمضان ومن أهداه لكِ ؟ كان من زمان .. وبابا اللى كان بيجيبلى الفوانيس على طول هل تتابعي المسلسلات التي تعرض في رمضان ؟ بعضها .. ومش متابعة يعنى ممكن اشوف حلقة وعشرة لا بعد رمضان بقى ببتدى اعرف اسماء المسلسلات اللى كانت بتتعرض عشان فى رمضان الواحد بيبقى خلصان خالص ومالوش خلق يشوف حاجات كتير يعنى ما رأيك فيما يقدمه التليفزيون الآن في رمضان ؟ فيه حاجات راقية وحاجات الواحد مايحبش يشوفها زى مثلاً بكار دا كارتون جميل جداً بيقولوا هيتعرض فى رمضان اللى جاى دا ما هو المسلسل أو البرنامج الذي يذكرك دائما برمضان قديمًا ؟ بكااااااااار .. وظاظا فظاظا هههههههه كانت ايام عسسسسسسسسل والله كيف تستعدي لاستقبال العيد ؟ والله غالبا فى العيد بابا بياخدنا ونسافر قبلها بكام يوم يعنى بنسافر آخر رمضان ما هي مظاهر العيد في مدينتك ؟ ايام بقى ما كنت بحضره فى مدينتى كنت بروح عند تيته ولمة العيلة بقى الجميلة .. بس دلوقتى بابا بقى ياخدنا نسافر ونصيف بقى هل تشتري ملابس للعيد الى الان ؟ هو احنا فضلنا سنتين كده بنطنشه وبنقول ماهو احنا كده كده مسافرين بس ممكن نجيبه السنة دى هل تأخذي عيدية ام تعطي؟ اعطى مين بس هههههه .. انا بلم العيدية بس ههههههههه الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ بنعمله عند تيته موقف حدث معكِ في العيد ولن تنسيه ؟ امممم .. مش فاكرة والله بس هو العيد بفتكره دايما بايامه الجميلة كلمة لاعضاء منتدى بنات مصر؟ كل سنة وانتم طيبين وربنا يتقبل منا ومنكم ونخلى بالنا من الصور اللى بتتحط وكده مش عشان رمضان بس .. خلينا على طول محافظين على مناظر الصور اللى بتتحط الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي

[Aya 7ekaya]

اكتر حاجة عجبتنى ف الحلقه الكلمه الاخيرة الخاصه بالصور كنت عايزة اتكلم فيها من زمان بصراحه

حلقه جميله ي موونه
وربنا يتقبل منككك

تسلمى ايمى ع الاستضافه

[دمعه حائره]

كل سنه وانتى طيبة يامنونتى
ويارب يخليلك اسرتك وكل حبايبك
تسلمى ايمى على الحلقه

[BaAnoOta]

تسلـمي ايمان البرنامج جميل طبعا ..
ومني انسانه جميله ودمها شربات
وفعلآ آحلي حاجه اخر جملة هيآ قالتها دي مهمه جدآ

لـ روحكمم السعادة

[بحر الثلاثين]

موضوع جميل

[♥○ moOoOoOna ♥○]

ايه دا انا طلعت على الشاشة ههههههههه

الحقوا يا جماعة انا طلعت فى التليفزيون ههههههه

تسلمى يا ايمى الاستضافة كانت جميلة

ومعلش ماعرفتش اشكرك ساعتها عشان كنت بلحق اكتب اى حاجة عشان الجهاز كان بيقفل منى

كل سنة وانتم طيبين

[فداااااااااااء]

حلقة جميلة مع عسولتى الحبيبة مونة
كل عام وانتى بخير عسولتى واتعلمى شغل البيت ادلعنا كتييييير ههههههه

سلمتى ايما ودام رقى نشاطك قمرى

[O.o°•حكــاياتـ كتيــر O.o°•]

منـــــــــى متميزة عســـولة نشيطـــة دمها خفيف ^^

بجد تستاهلى كل خير

بالنسبة للصور فعلا والله الناس مش بتاخد بالها من الصور اللى بتحطها سواء رمزية او mms او توقيع

ما علينـــــــــــــا

نورتـــــــــــى يا مونةة

تسلــــمى ايمان ع حلقتكـ وبرنامجكـ الاكثر من رائع اللى بيتميز حتى بتنسيقةة ^^

[Doaa Hammam]

كل سنة وانتي طيبة يا منمن

وجزاكي الله خيرا على تنبيهك وتذكيرك لنا بالصور

احنا بنصوم ساعات طويلة ومش عايزين ننقص من أجرنا

وربنا يهدينا ويهدي الجميع

ورمضانك مبارك حبيبتي وتسلمي يا ايمي على برنامجك الممتع

رمضان أحلى مع بنات مصر