حبيبتى

[احساسى صحيح]

حبيبتى غير اى حد
من اول ما حبتنى
معرفتش اى حد
كتير اتخانقنا
وياما زعلنا
ومهما كان بينا شد
بترجع تحن
وتفضل تزن
علشان عليها ارد
ياما جرحتها
وكتير كذبتها
وبردوا ايدها ترجع تتمد
صفاتها خيال
مثيلها دا شىء محال
دى بنت جد الجد
حبيبتى اللى زيها
ع الصوابع يتعد
مهما بعدت عنها
او حتى خاصمتها
هفضل احبها
حتى لو عاملتنى
الند للند
قلبى اتعلق بيها
وهفضل متمسك بيها
ولو حتى
نيمتنى دموعى ع الخد
حبيبتى دى اروع حد
عمرها ما حطتنى
او حتى خيرتنى
بينها وبين اى حد
حبيبتى هتفضل حبيبتى
غصب عن اى حد ...!

[Aya 7ekaya]

كلمات جميله استاذ ياسر فيها بساطه العاميه وتوصيل الاحساس ببساطه

تسلم ايدك
ويدوم الابداع

[bobaOo]

راقت لي..
مبدع كالعاده..
تحياتي

[ويبقى الأثر]

الله عليك ياسر
احساسها حلو اوى
يسلم قلمك يارب ووجودك

[مُنـــــايا]

تنزف سطورك معطّرة بأريج العاطفة والروعة!!
أسعدك الله ودمت مبدع
سلمت والنبض
لروحك السعادة

[Lamees]

كلمات جميلة جداً
وفقت كتير في التعبير ياسر
عامية سهلة وبسيطة وفيها اصرار واضح
دامت ابداعاتك
تحيتي

[حكاية حب]

همسة عتاب لمن ملكة القلب

همسه رقيقه ومصالحه لعل الحبيبه تسمع النداء

أشكرك اخي لرقة حرفك

مودتي وتقديري

[العاشق الذى لم يتب]

يسلام على كظه كلام تمام التمام
هى دى حكاية العاشقين
ربنايحوش عنهم
منورياسر

[*فجر الاسلام*]

راااااااااااااائعه يدوم الابداع

[دمعه حائره]

جميل الحب والاخلاص
والاصرار على التمسك بالحبيب
كلمات بسيطة تدخل القلب
تسلم والله يخليكوا لبعض