مسحراتى

[دمعه حائره]

مسحراتى فى رمضان ليلاتى

أندة وأنادى محمد وشادى

إصحى يانايم

وحدوا الدايم يامسلمين

وانت يافادى

قوم صحى نانى وكمان شيرين

إصحى يا مريم ونادى وريم

اصحوا وقولوا رمضان كريم

هاتوا السحور

رمضان ده بركة وأيامه نور

واللمة أحلى

ويا الجيران فرحة وسرور

مسحراتى

بنادى اللى نايم والسهرانين

مسحراتى

بلف الشوارع والميادين

فرحان سعيد بندة وأنادى

انووا صيام اليوم الجديد

وبقول ياهادى

تحفظ بلادى من الحاقدين

ويقبل صيامنا ويغفر ذنوبنا

ونكون فى عيدنا مبسوطين

رمضان كريم

mena_hassan

17-6-2016

[Aya 7ekaya]

المرة الجايه ضمى اسمى للقايمه بقا ي منون ولا مش نافع للقافيه ههههههههه
مبدعه ف كل حاجة ي منون
تسلم ايدك
وتجننى وانتى مسحراتى بقا

[طبيب الهوى]

اللهم تقبل اللهم آمين

أحلىَ ما في خاطرتك يا مِنَة أن فيها اسم أبنتي الحبيبة ريم

الله يسعدك بأبنتك نور وتفرحي بنجاحها وزفافها

بس مش تنسي تعزمي أخوكِ أبو عصام

تحياتي لفكرك الراقي وقلمك المُبدِع

أبو عصام

[bobaOo]

فين هبه

هههههههه

مبدعه كالعاده حبيبتي.
تحياتي

[شاعرة الرومانسيه]

تسلم ايديك حبيبة قلبى

دائما راقيه كرقى شخصك ياقمر

[*فجر الاسلام*]

رمضان كريم ياقمر
تسلم الايادى

[فداااااااااااء]

ههههههه لا حلوة الاسامى دى عاملة خليط الوحدة انتى هههه
والله بتجننى منون هههه
كلمات جميلة حبيبتى يدوم نبضك

[Doaa Hammam]

رائعة يا منه كالعادة

انا من اشد المعجبين بقلمك وكتاباتك

اجمل ما فيكي انك متنوعة الافكار ومتجددة

ولديكي روح جميلة وخفيفة الظل وبسيطة

تقبلي ورودي وارق امنياتي لكي بالتوفيق

[حكاية حب]

لا بجد تنفعي مسحراتي يا دمعه

كلمات جميله مغناه

سلاسه وانسيابيه مع موسيقي الكلمات

كل سنه وانتي طيبه

مودتي وتقديري

[ويبقى الأثر]

ايه ده
احنا نلحن دى بقا ونغنيها ع السحور
بدال بتاعت سيد مكاوى
جميله والله حبيبتى ربنا يفرحك دايما
ويديم تواجدك الجميل