خسر الاهلي من زيسكو - ولكن

[morshooo]

فين التناقض فى كلامى
انتا بتقول المجموعه سهله
بقولك مبقاش فى الكلام دا الفرق كلها عايزة توصل
ولو شوفت مباراة الوداد واسيك هتعرف ان المجموعه
مش سهله وطبيعى ان الاهلى يكون مرشح الاول للصعود
انتا اهو مثلا مجموعه البرتغال فى أوروبا كله مرشحها اول المجموعه
واديك شوفت عندها نقطتين من ماتشين وممكن ماتوصلش .

بخصوص أكرامى انتا بتقييم الحراس بناء على ايه
انا مثلا ماجيش اكسب 20 والا 30 ماتش واخسر ماتشين
واجى اقول الحارس مش كويس ^_^
والا بقا كنا شوفنا حراس الانديه كلها فى المنتخب
لما اكون اقوى خط دفاع يبقا اكيد الحارس مش تعبان يعنى
زى الزمالك برضو دخل مرماه 22 جول مش ممعناه ان جنش او الشناوى ضعاف .

بخصوص الاهلى مهدد لما لعب مع المنصورة مش فاكر بصراحه ^_^

بخصوص رمضان صبحى تانى .
اعملى انتا احصائيات وقولى رمضان صبحى
اضعف من محمد ابراهيم وفتحى وحمودى وشيكا ف ايه ^_^

لو هتكلم عن شيكا كان شايل الزمالك لوحدة
دا كان فى وجود مين اصاروخ
ابوتريكه الى كان شايل مصر كلها لوحده
وبركات الى مصر مجبتش لاعيب زيه .

عموما بعيد عن الكلام دا كله عشان مانطلعش عن الموضوع
الاهلى خسر ودا وارد جدا وحصلت قبل كدا مرتين مع الاهلى
وخدنا البطوله فى المرتين .
ولو الزمالك خسر بكره ودا وارد برضو لكن .
هتكون فرص الزمالك برضو كبيرة لانه نادى الزمالك .

[محمود الصاروخ]

اقتباس فين التناقض فى كلامى انتا بتقول المجموعه سهله بقولك مبقاش فى الكلام دا الفرق كلها عايزة توصل ولو شوفت مباراة الوداد واسيك هتعرف ان المجموعه مش سهله وطبيعى ان الاهلى يكون مرشح الاول للصعود انتا اهو مثلا مجموعه البرتغال فى أوروبا كله مرشحها اول المجموعه واديك شوفت عندها نقطتين من ماتشين وممكن ماتوصلش .

في البدايه يامعلم ابقي أخبط اللايك بعد الرد عشان ادخل الاقي الرد
لان شوفت اللايك وخرجت ولسه جاي دلوقتي من بره
:d:d

الله يكرمك افهم كلامي وافهم ان انا كتبتلك كل ده علي الورق ياغالي
بناءا علي تاريخ كل نادي اذا كان نادي بطولات ولا مباريات
طبيعي ان كل الفرق تكون عايزه توصل ولكن الواقع بيقول ايه ؟؟
هسألك سؤال بسيط ياغالي زيسكو عشان كسب الاهلي النهارده
ده يخلينا نفهم ان زيسكو أقوي من الاهلي ؟؟
انا بتكلم علي كده يامعلم ،

وبعدين مفيش مقارنه بين اللي انت بتتكلم عليه وبين الكوره الافريقيه
فرق شاسع بين البطولات هنا و هنا سواء علي مستوي الانديه
أو علي مستوي المنتخبات - والا ده مكنش بقي حالنا
^_^

اقتباس بخصوص أكرامى انتا بتقييم الحراس بناء على ايه انا مثلا ماجيش اكسب 20 والا 30 ماتش واخسر ماتشين واجى اقول الحارس مش كويس ^_^ والا بقا كنا شوفنا حراس الانديه كلها فى المنتخب لما اكون اقوى خط دفاع يبقا اكيد الحارس مش تعبان يعنى زى الزمالك برضو دخل مرماه 22 جول مش ممعناه ان جنش او الشناوى ضعاف

ايه اللي جاب اكرامي للمدافعين يامعلم ؟؟
عايزك بس تكون فاهم اني حكمت علي دفاع الاهلي بناءا علي مباراة اليوم
ومباراة المصري فقط مش بتكلم علي موسم كامل لكن لو هتكلم علي مستوي
موسم كامل هنا يبان ان وقت ما دفاع الاهلي يكون كويس بيشيل اكرامي
لكن قولي بقي كل مرة الاهلي يخسر فيها يكون بسبب مين يامعلم ؟
اختيار حارس المرمي مش كده عموما ودي وجهة نظري
انت لما تيجي تقول فريق دخل فيه اهداف كتير
يبقي تحكم بناءا علي مستوي الحارس
مثلا حارس غزل المحله دخل فيه اهداف كتير جدا
ولكن بأخطاء دفاعيه يامعلم بس الحارس في الحاجات الخاصه بيه هو
مميز فيها وشوفناه كتير - وجهة نظري وصلت ؟؟

انا بس عايز أسمعها منك ،
في الوقت الحالي اكرامي افضل من الشناوي وجنش ؟؟
بعيد عن الانتماء بشكل عام انا بتكلم لصالح المنتخب
وعلي فكرة انت كمان الوحيد برضه اللي معجب بإكرامي
وفي الوقت نفسه أكتر من نص جماهير الاهلي مش طيقاه
:d:d:d:d

اقتباس بخصوص الاهلى مهدد لما لعب مع المنصورة مش فاكر بصراحه ^_^

عندي والله الفيديو والجرايد يومها هشوفهالك واوريهالك
والاهلي يهزم المنصوره ومازال يصارع ع الهبوط
طبيعي انك تكون مش فاكر لانها مش عادتكو عموما
:d:d:d

اقتباس بخصوص رمضان صبحى تانى . اعملى انتا احصائيات وقولى رمضان صبحى اضعف من محمد ابراهيم وفتحى وحمودى وشيكا ف ايه ^_^

مساء الفل يامورشو
انت هتقارن بين رمضان وابراهيم وحمودي وشيكا ؟؟
ليا والله موضوع مقارنه بين رمضان وفتحي وكهربا في القسم تقدر تبص عليه
بس الكلام ده من فتره بسيطه وهعملك مقارنه في الوقت الحالي
عشان الاحصائيات تقول كلمتها عموما
بس وقتها هيكون ردك ايه ؟؟
^_^

عرفني بس انت عاوز تتكلم " كورة " ولا تقليل ؟؟
انا هنا بتكلم كورة اقسم بالله بس عاوز اعرف انت عاوز تتكلم ايه
^_^

اقتباس لو هتكلم عن شيكا كان شايل الزمالك لوحدة دا كان فى وجود مين اصاروخ ابوتريكه الى كان شايل مصر كلها لوحده وبركات الى مصر مجبتش لاعيب زيه .

مش بقولك كلامك متناقض يامعلم ؟
طيب رمضان صبحي نجم مصر ليه ؟ عمل ايه طيب ؟؟
علي مستوي المنتخب ياكبير ، ماتش نيجيريا الاول صنع هدف ؟؟
طيب ما لولا انقاذ " طلبه " ولا كان له أي لزمه :d
ماتش العوده ، هدف في الزحمه ؟؟
طيب تشوف أهداف فتحي بشكل عام ؟؟ :d
ماتش الشباب ؟ عشان شاط ضربة جزاء اخيره ؟؟
كان أسوء لاعبي المنتخب ف الماتش بشكل عام :d
يبقي ليه تقولي احسن لاعب في مصر يامعلم ؟؟

بقولك يامورشو عاوز منك طلب والله
طريقة لعب رمضان صبحي بتعتمد علي ايه ؟
وطريقة لعب فتحي و كهربا بتعتمد علي ايه بالظبط ؟؟
اعمل مقارنه بقي تانيه بعيد عن الاحصائيات واحكم
^_^

أما بخصوص شيكابالا
عليك بس انك ترجع لوره شويه وتجيب تصريحات أبو تريكه
وتجيب تصريحات بركات وتجيب تصريحات مانويل جوزيه علي شيكابالا
شيكابالا اتفقنا أو اختلفنا هو من " أمهر " اللاعبين في تاريخ الكره المصريه
وقد يكون " امهر " من تريكه نفسه ، بتكلم علي المهاره عشان عارف
ان اهلاويه هيقولو ازاي تقارن بين شيكا وتريكه :d
بتكلم في نقطه معينه يامعلم واللي فاهم كورة هيفهمها
^______^

اقتباس عموما بعيد عن الكلام دا كله عشان مانطلعش عن الموضوع الاهلى خسر ودا وارد جدا وحصلت قبل كدا مرتين مع الاهلى وخدنا البطوله فى المرتين . ولو الزمالك خسر بكره ودا وارد برضو لكن . هتكون فرص الزمالك برضو كبيرة لانه نادى الزمالك

وهو انا قولت غير كده يامعلم ؟؟
انا كلامي في الموضوع عن مباراة النهارده وقولت مش نهاية البطوله
وقولت ان الاهلي استحق الخساره ولكن هو المرشح الاول للوصول
والزمالك بنسبه كبيره هيخسر بكره لأسباب كتير جدا ولكن لو لعب
الزمالك واستاهل المكسب أكيد هيكسب لكن اللاعيبه ماتلعبش
وأقول نستاهل نكسب ؟؟ فاهمني ؟؟

معلومه أخيره يامعلم ودي وجهة نظري برضه
الاهلي مش هيرجع أهلي زمان
ولا الزمالك هيرجع زمالك 2004
ولا الاهلي هيسيطر علي البطولات كلها
ولا الزمالك هيسيطر علي البطولات كلها
والأيام بينا وهي اللي هتحكم
وفي النهايه علي المستوي الافريقي
نتمني وصول الاهلي والزمالك للنهائي بالتأكيد
وبالتوفيق للزمالك بكره ان شاء الله

[فصيح]

اتفق معك جدا . اتمني وصول الفريقين االمصريين الي

النهائي . تحليل مميز . شكرا

فصيح