عشمى فى ربنا كبير

[دمعه حائره]

عشمى فى ربنا كبير

يصلح فى حياتنا حاجات كتير

يهدى ناس محتاجين الهداية

يلهمهم الصواب قبل ماتيجى النهاية

يقربوا منه ويتمسكوا بالعبادة

ويتعاملوا مع بعض من غير اساءة

ده الدين معاملة

قبل مايكون سبحة وسجادة

عشمى فى ربنا

ينزل فى قلوبنا السكينة والراحة

واللي عاوز ينصح حد

يبقى باللين وبراحة

دينا جميل سهل وبسيط

مش محتاج لصوت عالى ولاتعقيد

عشمى فى ربنا

الحب يعمر كل قلب

يتنفس احساس وبالإخلاص يدق

ولا يشيل كره وحقد لحد

عشمي دايما فى ربنا وبس

مش هاستنى اللى يعطف ويحس

ده اللى مع ربنا

عمره فى يوم مايحزن ولايتكدر

وعشان الشيطان يغلبه

مستحيل هايقدر

عشمى في ربنا

هايخلينى راضى ومرتاح

مش هاستنى حاجة من الناس

وهاشوف الكون هادى وبراح

خليك مع ربنا وخلى عشمك فيه كبير

هو اللى هاينصرك وفى أمورك

هايحسن التدبير
mena_hassan

18-6-2016

[فداااااااااااء]

ونعم بالله
صدقتى غاليتى من توكل على الله لا يخشي أحدا من عباده
الله يصلح حال الناس
سلمتى منونتى أسعدك الرحمن قمرى
لقلبك المحبة

[a7med -3del]

وانا عشمان
اعيش لو يوم
انسان
في قلوب الناس يكونلي مكان
بالخير والحب مش اكتر
هاحاول
بس يارب اقدر
تحياتي

[مُنـــــايا]

..ونعم بالله
ومن لنا سواه فهو حسبنا وكيلنا
سلمت يمينك غاليتي
وأسعدك ربي في الدارين
مودتي

[bobaOo]

ومن توكل على الله اغناه

ونعم بالله.

جميله سطورك منه

ولو متعشمناش في ربنا هنتعشم في مين سبحانه وتعالى

ابدعتي كالعاده..
تقبلي مروري..
تحياتي .

[كريم عاصم]

دعوة جميلة من إنسانة تحمل بكل معانى الايمان والصدق في والمصافحة في تلك الشهر الكريم عشمك فى الله كبير لعمل الخير ومن يتقي الله يجعل له مخرجا كما أنتِ وستظلين رمزاً وقدوة لنا دمتى فى حفظ الرحمن

[شاعرة الرومانسيه]

ونعم بالله

تسلم روحك الحلوه حبيبتى

كل سنه وانتى طيبه

[احساسى صحيح]

كلمات جميله دمعه
وربنا يستجاب لدعائك
تحياتى لكى

[Arco Baleno]

موضوع مليان تفائل وامل وانسانيه
ولما الانسان يقرب من الله تصغر الحياه في نظره
ويكون تعامله راقي مع الجميع لانه
يكون في عالم جميل
والله لايوجد احن منه على عباده
يجبر كسر ينصر مظلوم يرحم الجميع
قال العذاب مخصص وليس شامل
اما رحمته قال وسعت كل شي
والعشم في الله لا ينقطع
مبدعه يامنه

[بنت خديجة]

راقتني جدا دمعه
شاكره لك هذه الاضائه التي بعثتها كلماتك