استفتاء :خاص بدورة تعليم الرسم ( الموسم الثالث )

[Aya 7ekaya]

السلام عليكم

الفكرة كانت ف دماغى من فترة بس قولت استنى لما رمضان يخلص

وبناء على طلب نوشه امبارح ولقيت اكتر من حد اتشجع للفكرة
حبيت اخد رايكم ف التوقيت واذا كان رمضان مناسب ولا تتأجل لبعد رمضان ؟

ملحوظه احنا عملنا بالفعل دورة قبل كده والحمد لله نجحت جدا
والدورة اللى بعدها وقفناها بسبب رمضان والظروف ماساعدتنيش انى اكمل بعد رمضان

تانى نقطه بقا

محتوى الدورة حابين تكون ايه ؟
فى ناس حابه تكون البورتريه وملامح الوجه
اللى عنده اى اقتراح هنا يقدر يشاركنا بيه

لو التفاعل كان مش قوى يبقى ناجلها علشان الدروس بتاخد وقت ومجهود
وبتمنى انى اقدر افيد الناس اللى هنا ^^

وماتنسوش الاستفتاء اللى فوق

[O.o°•حكــاياتـ كتيــر O.o°•]

لا ياريـــــــــــــــت تعمليها ع ملامج الوجه وكدا ^^

انا بعرف بس عاوزة اتعلم أكتـــر ^^

[Aya 7ekaya]

اقتباس المشاركة الأصلية كتبت بواسطة هــَـــــايـَــــــــدىُ لا ياريـــــــــــــــت تعمليها ع ملامج الوجه وكدا ^^ انا بعرف بس عاوزة اتعلم أكتـــر ^^

تمام ي هايدى طيب صوتى للوقت فوق بقا ^^

[دمعه حائره]

ياريت ملامح الوش لانى نفسي اظبطها
تسلمى ايوشتى مجهود عالى يافنانه

[ايمان طلعت]

معاكي ايه ان شاء الله
بس ياريت تخليها بعد رمضان
ملامح الوجه انتي عملتيها قبل كدة
بس ممكن تعمليها تاني عشان اللي محضرهاش
وانتي الاستاذة بقي شوفي هتعلمينا ايه

[Aya 7ekaya]

اقتباس المشاركة الأصلية كتبت بواسطة دمعه حائره ياريت ملامح الوش لانى نفسي اظبطها تسلمى ايوشتى مجهود عالى يافنانه

تمام ي منون ان شاء الله هتكون كده ف الغالب

نورتينى ^^

[Aya 7ekaya]

اقتباس المشاركة الأصلية كتبت بواسطة ايمان طلعت معاكي ايه ان شاء الله بس ياريت تخليها بعد رمضان ملامح الوجه انتي عملتيها قبل كدة بس ممكن تعمليها تاني عشان اللي محضرهاش وانتي الاستاذة بقي شوفي هتعلمينا ايه

المرة دى ملامح الوجه بتظليل الوجه وكمان الشعر ان شاء الله ي ايمى

نورتينى

[Arco Baleno]

بعد رمضان افضل ايه لان رمضان فيه ضغوط
عند الكثير
شكرا لمجهودك حبيبيتي

[.Lamar]

انا صوتت اهوه يا كبيرة ههههه

تسلمى على المجهود

ان شاء الله هكون اخيب طالبة عندك

و الاكيد انى هطلع عيونك هههه

واهوه كله هيبقى فى ميزان حسناتك

[Dr. AnOosHo]

ياريت ايوش تبداي بجد
وزي ما تحبوا قبل رمضان او بعد تمام