اللي معاه ربنا - يمشي ع المايه =d

[محمود الصاروخ]

السلام عليكم ورحمة الله وبركاته
--



ملعب زي حمام السباحه بالظبط وفي رمضان وخارج الارض
بالرغم من كل ده لاعبي الزمالك قدمو اداء رجولي أمام انيمبا
وحققوا الفوز الاول في بداية دور المجموعات من البطوله الافريقيه
وأداءهم القتالي النهارده بين أد ايه اللاعيبه دي عارفه يعني ايه زمالك
وعارفه يعني ايه جمهور زملكاوي عظيم مستني الفوز في كل مباراه

باسم مرسي
مهاجم مصر الاول

كهربا وطارق حامد وحماده طلبه وعلي جبر والباقي بشكل عام
فخورين بيكم يارجالة الزمالك

أحمد الشناوي
مصر فيها حراس كتير ولكن انت حاجه خاصه
وستبقي حارس مصر الاول بلا منازع

رساله لكل جماهير الاهلي
بعيد عن إن مفيش دليل ان لاعيبة الزمالك كانو فاطرين بس اللي نعرفه
إن موضوع الصيام ده بيكون مابين اي انسان وربه ومفيش حد فينا
له يتدخل فيها بشكل عام وده بسبب ردود الاهلاويه في كل مكان
علي النت سواء فيس أو منتديات أو غيره - بس عايزكو
ترجعو لمباراة الملعب المالي الموسم اللي فات في نفس الوقت
مش هقول مباراة امبارح لان الله اعلم اللاعيبه كانو صايمين ولا لا

( اسئله للنقاش )

- رأيك في اداء لاعبي الزمالك أمام انيمبا النيجيري ؟؟
- رأيك في ردود أفعال جماهير الاهلي ان لاعبي الزمالك كانو فاطرين ؟؟؟



تحياتي لكم جميعا محمود الصاروخ

[morshooo]

rٌبل ما اقولك رئيى اصاروخ والنبى
لو الزمالك كان خسر كنت هتقول ايه
بخصوص بس كلمه الاداء الرجولى وحمام السباحه .

اقتباس - رأيك في اداء لاعبي الزمالك أمام انيمبا النيجيري ؟؟

انا عايز اعرف رئيك انتا فى الاداء ايه
هو كان فى أداء اصلا
انتا بتلعب فى حمام سباحه زى ما بتقول
وكنتو مجهزين الحجج ان ازاى الملعب يكون كدا
ويلعبو فى الجو دا المباراة لا أداء من الفؤريقين والا اى جمل تكتيكيه
وكانت كلها بتفكرنى بكريزى واتر
فبلاش تمجد فى لاعيبه اساسا المباراة مفيهاش اى نوع من انواع الكورة .
والجول جاى بطريقه ارمى ونط
عموما 3 نقاط الزمالك خدهم وخلاص بس كن تاعترف ان المباراة مفيهاش اى نوع من انواع
كرة القدم من الملعب .


- رأيك في ردود أفعال جماهير الاهلي ان لاعبي الزمالك كانو فاطرين ؟؟؟

ياراجل هتغلب انتا عشان تعرف فطرو والا لا
طيب اهو الفيس كله بيقولك السفير اتصل بكريم شحاته
وقاله الاعبين فطرت والمراسل بتاع الغندور قال نفس الحكايه
ايه الغريب يعنى
عموما البطوله لسه طويله المهم الى يضحك فى الاخر
مش يضحك عشان كسب مباراة اصاروخ

[O.o°•حكــاياتـ كتيــر O.o°•]

- رأيك في اداء لاعبي الزمالك أمام انيمبا النيجيري ؟؟
مخدتش بالى بصراحه ان كان فى حاجة اسمها آداء الماتش كان بارد جدا ومكانش فيه آدااء اصلا >_<
- رأيك في ردود أفعال جماهير الاهلي ان لاعبي الزمالك كانو فاطرين ؟؟؟

No comment
انا شايفة ان احنا مش شاغلين بالنا بيهم علشان نعلق ع انهم صايمين او فاطرين بس الحمد لله اسياد الاهلى كانوا صايمين ولعبوا اينعم خسروا بس مش مشكلة...

[محمود الصاروخ]

اقتباس rٌبل ما اقولك رئيى اصاروخ والنبى لو الزمالك كان خسر كنت هتقول ايه بخصوص بس كلمه الاداء الرجولى وحمام السباحه

الزمالك طول ما معاه حارس عملاق من الصعب يخسر في الوقت الحالي
الزمالك سجل هدف في البدايه ياغالي والشناوي شال أكتر من كوره
وهنا لازم تعرف الفرق بين الشناوي واكرامي زي ماقولتلك قبل كدة
وبعدين في الملعب ده ان اللاعيبه تلعب بالشكل ده
مش اداء رجولي ؟؟؟ مش أحسن من اللي كان بيلعب
علي ملعب من انضف الملاعب وشال ( 3 ) اهداف ؟؟
مش كده ولا ايه يامعلم ؟

اقتباس انا عايز اعرف رئيك انتا فى الاداء ايه هو كان فى أداء اصلا انتا بتلعب فى حمام سباحه زى ما بتقول وكنتو مجهزين الحجج ان ازاى الملعب يكون كدا ويلعبو فى الجو دا المباراة لا أداء من الفؤريقين والا اى جمل تكتيكيه وكانت كلها بتفكرنى بكريزى واتر فبلاش تمجد فى لاعيبه اساسا المباراة مفيهاش اى نوع من انواع الكورة . والجول جاى بطريقه ارمى ونط عموما 3 نقاط الزمالك خدهم وخلاص بس كن تاعترف ان المباراة مفيهاش اى نوع من انواع كرة القدم من الملعب

بالظبط ياغالي المباراه مفيش فيها تكتيك ولا حاجات فنيه نتكلم فيها
لكن المباراه فيها أداء رجولي من لاعبي الزمالك بس الغريبه انكو جمهور
غريب جدا يا مورشو والله يعني دلوقتي بتقول هدف ارمي ونط وفي نفس
الوقت انتو نفس الجمهور اللي طلعتو رمضان أحسن لاعب في مصر
عن طريق هدف في الزحمه في مرمي نيجريا ^_^
أنما واحد زي باسم مرسي ومحمد ابراهيم ولاعيبة الزمالك بشكل عام
يجرو جري زي ده في ملعب زي ده وبالشكل ده ميبقاش أداء رجولي
انا متفق معاك ان الماتش مفيش فيه فنيات لكن الماتش فيه
رجوله من هنا للسنه اللي جايه يامعلم
وده مش رأي لوحدي علي فكرة ده رأي ناس كتير ومنهم ناس بتشجع فريقك

اقتباس ياراجل هتغلب انتا عشان تعرف فطرو والا لا طيب اهو الفيس كله بيقولك السفير اتصل بكريم شحاته وقاله الاعبين فطرت والمراسل بتاع الغندور قال نفس الحكايه ايه الغريب يعنى عموما البطوله لسه طويله المهم الى يضحك فى الاخر مش يضحك عشان كسب مباراة اصاروخ

بص يا مورشو
فاكر ماتش الملعب المالي بتاعكم بتاع السنه اللي فاتت لما شريف اكرامي
الكاميره جابته وهو بيشرب في رمضان ؟؟ وقتها انا ماتكلمتش عن الموضوع ده
لان ملناش فيه عموما لاعب يفطر أو يصوم حاجه خاصه بينه وبين ربنا
احنا نتكلم مع بعض في الكوره فقط لاغير مش كده ولا ايه ؟؟
وبعدين ياعم هو الكلام بفلوس ؟؟
عاوز دليل واحد ان لاعيبة الزمالك كانو فاطرين ^_^
هتقولي كريم شحاته وغيره ؟؟
طيب قولي ايه المشاكل اللي بينا وبين كريم شحاته ؟؟
والمشاكل دي تخليه يقول اكتر من كده ولا لا ؟؟؟

البطوله لسه طويله
بس هنا لازم نشكر لاعيبة الزمالك علي الاداء الرجولي
كونك مش معترف بحاجه زي دي ف حاجه ترجعلك يامعلم
بس بعد كده بقي متجيش تطلع لاعب من عندك افضل أو احسن
لاعب في مصر عشان هدف سجله

[morshooo]

على فكرة لو انتو خسرتو كان زمانك
بتقول الملعب يا جماعه والامطار
ومش واخدين على كدا ....... الخ

عموما الزمالك كسب اوك ومبروك الـ 3 نقاط
لكن مباراة كسبها بالحظ مش اكتر
ماجيش بقا امجد فى الاعيبه والجهاز
واكن الفريق اخد البطولة :d

بخصوص انك بتقول شلنا 3 اهداف
وعلى فكره مباراة المصرى برضو شلنا 3 اهداف
يعنى 6 اخداف فى مبارتين بس عادى
انا اعرف فريق شال 6 فى مباراة واحدة وعادى

بخصوص محمد ابراهيم الى بقا نجم عشان مباراة
ماتعملنا احصائيه من بتوعك عن محمد ابراهيم من يوم مالعب فى الزمالك
مش هقولك الموسم دا بس وورينا كدا قدراته الجهنميه
الى بتتغنو بيها فجأة كدا .

[محمود الصاروخ]

اقتباس على فكرة لو انتو خسرتو كان زمانك بتقول الملعب يا جماعه والامطار ومش واخدين على كدا ....... الخ

علي فكرة يامعلم موضوع الملعب ده بالتحديد أنا اخر واحد بتكلم فيه
انا اه بتكلم علي التحكيم كتير لكن في حاجات معينه وواضحه للكل
أما بخصوص الملاعب يامعلم لو كنا خسرنا وقولت كده قولي مش هكون
علي حق برضه ولا هيكون كلامي مجرد كلام ؟؟ أصل اعرف ناس
كانو بيشيلو من سموحه بـ الـ ( 3 ) والمقاصه بـ ( 1 ) وكانت
حجتهم في البدايه ان بتروسبورت ضيق - ولا نسيت ؟؟
ما علينا مش مشكلتنا ولا موضوعنا اننا نتكلم فيه بشكل عام
لان المباراه انتهت بفوز الزمالك مش بالهزيمه
( زي ناس )

اقتباس عموما الزمالك كسب اوك ومبروك الـ 3 نقاط لكن مباراة كسبها بالحظ مش اكتر ماجيش بقا امجد فى الاعيبه والجهاز واكن الفريق اخد البطولة

غريب وعجيب يامورشو أقسم بالله وكل مره هقولهالك
جاي تكلمني عن مكسب للزمالك وبأداء رجولي وتقولي حظ
وانت نفس الفريق اللي اكتر بطولاتك بتيجي عن طريق " الحظ "
وأشهرهم مباريات سوبر وفي نفس الوقت بتغني بالبطولات دي
وبعدين يامعلم مردتش عليا برضه في سؤالي ،،
كمية الجري والمقاتله اللي علي كل كورة من لاعيبة الزمالك
ده برضه حظ ؟؟ ولا هيكون ردك انهم كانو فاطرين ؟؟

اقتباس بخصوص انك بتقول شلنا 3 اهداف وعلى فكره مباراة المصرى برضو شلنا 3 اهداف يعنى 6 اخداف فى مبارتين بس عادى انا اعرف فريق شال 6 فى مباراة واحدة وعادى

يا أخي تصدق بالله انا اعرف فريق برضه شال أكبر نتيجه
في مباريات القمه وهي ( 6 ) مرتين وعارف ان الرد هيكون
انت كنت عايش ؟ أو معاك فيديو يثبت ؟؟ وفي نفس الوقت
البيدج الرسميه بتاعتكو كانت بتحتفل بذكري فوز الاهلي علي
الزمالك ( 5 ) في كاس مصر عام 1937 تقريبا


بس برضه مفهمتش انت عاوز تتكلم كوره
ولا نظام مؤمن حراق وبننافس برشلونه والكلام ده ؟؟
رسيني بس عشان اكون معاك علي الوضع اللي عاوز تتكلم فيه

اقتباس بخصوص محمد ابراهيم الى بقا نجم عشان مباراة ماتعملنا احصائيه من بتوعك عن محمد ابراهيم من يوم مالعب فى الزمالك مش هقولك الموسم دا بس وورينا كدا قدراته الجهنميه الى بتتغنو بيها فجأة كدا

ياراجل ياطيب هو انا عملت زيكو وقولت انه بقي نجم مصر ؟؟
محمد ابراهيم نجم " الزمالك " في المباريات الاخيره اللي شارك فيها بشكل عام
ولا هتنكر الكلام ده كمان ؟؟ وبعدين احنا لما نيجي نعمل مقارنه بين حد
يبقي نعمل بين " رمضان " وحد يكون في مركزه لانكو طلعتو رمضان
أحسن لاعب علي كوكب الارض - تجيب لي بقي انت احصائيه
ومقارنه بينه وبين كل واحد في مركزه ولا كالعاده " لا " ؟؟


صحيح مش انت برضه اللي يوم هدف " شيكا " في انبي
طلعت وعملت نفس الكلام ده وحظ وحوارات من دي
وتاني يوم صحيفه عالميه اختارت هدف شيكا من افضل اهداف
الاسبوع في العالم ؟؟

[كريم عاصم]

رساله لكل جماهير الاهلي
بعيد عن إن مفيش دليل ان لاعيبة الزمالك كانو فاطرين بس اللي نعرفه
إن موضوع الصيام ده بيكون مابين اي انسان وربه ومفيش حد فينا
له يتدخل فيها بشكل عام وده بسبب ردود الاهلاويه في كل مكان
علي النت سواء فيس أو منتديات أو غيره - بس عايزكو
ترجعو لمباراة الملعب المالي الموسم اللي فات في نفس الوقت
مش هقول مباراة امبارح لان الله اعلم اللاعيبه كانو صايمين ولا لا

( ائلسه للنقاش )

- رأيك في اداء لاعبي الزمالك أمام انيمبا النيجيري ؟؟
- رأيك في ردود أفعال جماهير الاهلي ان لاعبي الزمالك كانو فاطرين ؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
أولا تحليلك فى منتهى الجمال والروعه محمود
اللى عجبنى فيك إنك فاهم كورة وبما انك فاهم كورة
يبقى مارست لعب كرة القدم إيا كان المركز اللى كنت بتلعب فية
بمناسبة الرساله اللى موجهه للنادى الاهلى مأيدك فيها تماما
من إمبارح والفيس بوك حرب اعلامية رهيبة
على نادى الزمالك بإن اللعيبة كانت فاطرة
وعلى النقيد الآخر كانت ردود الزملكاويه على مباراة الاهلى
وزيسكو الزمبى ان لعيبة الأهلى كانت فاطرة
ولكن الاعلام الاحمر والتعصب الاعمى من اللون الاحمر
كان أكثر بمراحل لماااااااذا
السبب الأول :_ هو هزيمة الاهلى الثانيه على التوالى
الاولى فى الدورى المصرى من النادي المصرى
والثانية من نادي زيسكو الزمبى فى بطولة أفريقيا
وبنفس النتيجة 2/3
يعنى فى مجمل المبارتين الاهلى شال 6 لهداف
واليوم جماهير الاهلى غبر التواصل الاجتماعى
بتطالب باقالة مارتن يول المدير الفنى للاهلى
وابضا الاتراس الاهلاوى بيتجمع للذهاب لملعب النادى الاهلى
قبل مباراة الاسماعيلى والاهلى لعدم قناعتهم بأداء الأهلى
وخوفا من هزيمة أخرى من الاسماعيلى
وتردد اخيرا من الاعلام الاحمر وجماهيرة ان حسام حسن
هيسيب الماتش لنادى الزمالك
والهزائم المتتالية وغضبها من شريف اكرامى حارس
مرمى الاهلى
بالنسبة للصيام كما ذكرت يامحمود دة نيه بين اللعب وربه
فلماذا كل هذة الاتهامات
فالنفرض ان الفريقين كانوا فاطرين فى مباريات افريقيا
هل الاهلى عندما قابل النادى المصرى وتلقى هزيمة قاسية
كان صايم هههههههه ماكان بيلعب الساعه 10 مساءا
بعد الافطار ... مكسبش ليه وواخد شوط تالت 8 دقايق وقت بدل ضايع
وأحب أفكر مورشو عندما قولت عاجل تم خصم 8 نقاط من النادى الاهلى
من الفيفا
رد وقال حتى لو خد 10 نقاط مش تفرق معانا وبردو هناخد الدورى
مال خايفين ليه كدة ونازلين اتهامات فى نادى الزمالك
يمكن معظم الزملكاويه فاقدين الامل في ضياع الدورى
ولكنى بصفه خاصه انا متفائل لإن ربنا مبيحبش الظلم
فى سوء التحكيم ومجاملة النادى الاهلى فى معظم المباريات
دة كان ردى على رسالتك يامحمود اللى موجهها للنادى الاهلي

نرجع للسؤالين للنقاش
الأول : _ رأيك فى أداء الزمالك أمام إنيمبيا النيجيرى
أداء رجولى بمعنى الكلمة والزمالك تحدى كل الصعاب
وسط بركة فى المياة فى الملعب ودة واقع على الفرقتين
وكل لاعب كأنه فى رجله شيكارة رمل وهذا النوع فى اللعب
يعتمد على اللياقة وقوة التحمل
واللعب برجوله وعدم الاستسلام وحجة سوء ارضية الملعب
من بركة المياة
والدليل على ذلك
من نجوم المبارة
حارس مصر الأول / أحمد الشناوي
تصدى لكور كثيرة بنجاح بالغ لو عملنا مقارنه بينه وبين
شريف اكرامى كان زمان الاهلى شال 3 فى تلك المباراة
ونجم الاخر ورئة الفريق محمد ابراهيم المجهود الكبير
كصانع العاب ونشوف عمل كام أسيست
عندما تحدثنا عن مباراة الاهلى وزيسكو
أنا أول واحد قولت بكل حيادية ان رمضان صبحى
كان نجم المباراة لو تتزكروا
خلاصة الاجابة عن السؤال الاول هو اداء رجولى من نادى الزمالك
واشادة الجميع بانه تحدى كل الصعوبات
والاهم هو حصد الثلاث نقاط

السؤال التانى رأيي فى جماهير الاهلى ان لعيبة الزمالك كانت فاطرة
رديت علية اعلاة
وما هو الا تعصب وتأثر بهزيمتين متتاليتين
ب 6 اهداف فى مجمل مبارتين
المصرى فى الدورى وزيسكو فى بطوله أفريقيا
ولا عزاء لأسياد أفريقيا
تسلم محمود على التحليل الرائع
وأسئلتك للنقاش
كريم

[morshooo]

اقتباس علي فكرة يامعلم موضوع الملعب ده بالتحديد أنا اخر واحد بتكلم فيه

اقتباس انا اه بتكلم علي التحكيم كتير لكن في حاجات معينه وواضحه للكل أما بخصوص الملاعب يامعلم لو كنا خسرنا وقولت كده قولي مش هكون علي حق برضه ولا هيكون كلامي مجرد كلام ؟؟ أصل اعرف ناس كانو بيشيلو من سموحه بـ الـ ( 3 ) والمقاصه بـ ( 1 ) وكانت حجتهم في البدايه ان بتروسبورت ضيق - ولا نسيت ؟؟ ما علينا مش مشكلتنا ولا موضوعنا اننا نتكلم فيه بشكل عام لان المباراه انتهت بفوز الزمالك مش بالهزيمه ( زي ناس )

الله هتقولى بتروسبورت مانتو بتعيطو لما نقولكم
برج العرب والا نسيت تحب افكرك لما رئيسك حلف طلاق ما هيلعب
عليه .
هتقولى سموحه بتكسب بألــ 3 امال مين الى الانتاج ظبطو
وهو بيلعب ناقص شوط كامل و 10 دقايق وقت ضايع والحمد لله
ان ربنا خلقنا بـ 10 صوابع مش بـ 20 والا 30
ماعلينا المهم انى متاكد لو خسرتو كانت هتبقا حجتكم
الملعب والمطر والاجواء وعموما اهو ياعم مش مجموعتك ناريه
وكنت عمال يا جماعه مجموعه الزمالك ناراديكو كسبتو برا ملعبكم
وصن دوانز كسب برا ملعبه يى انيمبا والفريق الجزائرى طلعو فشنك

اقتباس غريب وعجيب يامورشو أقسم بالله وكل مره هقولهالك

اقتباس جاي تكلمني عن مكسب للزمالك وبأداء رجولي وتقولي حظ وانت نفس الفريق اللي اكتر بطولاتك بتيجي عن طريق " الحظ " وأشهرهم مباريات سوبر وفي نفس الوقت بتغني بالبطولات دي وبعدين يامعلم مردتش عليا برضه في سؤالي ،، كمية الجري والمقاتله اللي علي كل كورة من لاعيبة الزمالك ده برضه حظ ؟؟ ولا هيكون ردك انهم كانو فاطرين ؟؟

اهو كلام الزمالكويه يقولك بطولات بالحظ
يعنى لما العب دورى كامل اكتر من 30 ماتش
ابقا واخد البطوله حظ
لما اكسب بطوله افريقيا والعب يجى 14 مباراة جوا وبرا
اكون واخدها حظ
لما العب كأس مصر يجى 5 والا 6 ماتشات اكون واخدها حظ
لما اكون اكتر نادى فى العالم بطولات اكون واخدها حظ
احب اقول لمستر حظ شكرا انك بعشق الاهلى

اقتباس يا أخي تصدق بالله انا اعرف فريق برضه شال أكبر نتيجه في مباريات القمه وهي ( 6 ) مرتين وعارف ان الرد هيكون انت كنت عايش ؟ أو معاك فيديو يثبت ؟؟ وفي نفس الوقت البيدج الرسميه بتاعتكو كانت بتحتفل بذكري فوز الاهلي علي الزمالك ( 5 ) في كاس مصر عام 1937 تقريبا بس برضه مفهمتش انت عاوز تتكلم كوره ولا نظام مؤمن حراق وبننافس برشلونه والكلام ده ؟؟ رسيني بس عشان اكون معاك علي الوضع اللي عاوز تتكلم فيه

بخصوص الـ 6
لا مش هقولك فين الدليل او فين الفيديوهات
لكن هقولك انا بكلم عن الى شوفته وحضرته
انا مش جاى اقولك خسرتو سنه 1925 من الاهلى
انا بكلمك عن واقع انا وانت شوفناه وحضرناه ^_^

اقتباس ياراجل ياطيب هو انا عملت زيكو وقولت انه بقي نجم مصر ؟؟

اقتباس محمد ابراهيم نجم " الزمالك " في المباريات الاخيره اللي شارك فيها بشكل عام ولا هتنكر الكلام ده كمان ؟؟ وبعدين احنا لما نيجي نعمل مقارنه بين حد يبقي نعمل بين " رمضان " وحد يكون في مركزه لانكو طلعتو رمضان أحسن لاعب علي كوكب الارض - تجيب لي بقي انت احصائيه ومقارنه بينه وبين كل واحد في مركزه ولا كالعاده " لا " ؟؟

مانا قولتلك اعملى مقارنه بين رمضان
وكل لاعبى الزمالك الى فى مركزة سكت ^_^
اعمل ياعم مقارنه بينه وبين فتحى او كهرباء او شيكا
وصحيح انتا عمال تقولى جول فى الزحمه جول فى الزحمه
هى دى بقا مصر وانك بتقول نشجع المنتخب
عموما الجول الى فى الزحمه هو الى وصلك بطولة افريقيا .


اخيرا بس :

عجبنى ردكم ان الصيام بين الواحد وربه
واحب اقولك لو مكنتش متاكد انهم فاطرين
كنت جبت اى خبر من هنا او هناك او اى تصريح
وكنت هتفضل معلق عليه لكن قلبى عندك مش لاقى اى حاجا
فعشان كدا بتقول دا بين العبد وربه .

[محمود الصاروخ]

اقتباس رساله لكل جماهير الاهلي بعيد عن إن مفيش دليل ان لاعيبة الزمالك كانو فاطرين بس اللي نعرفه إن موضوع الصيام ده بيكون مابين اي انسان وربه ومفيش حد فينا له يتدخل فيها بشكل عام وده بسبب ردود الاهلاويه في كل مكان علي النت سواء فيس أو منتديات أو غيره - بس عايزكو ترجعو لمباراة الملعب المالي الموسم اللي فات في نفس الوقت مش هقول مباراة امبارح لان الله اعلم اللاعيبه كانو صايمين ولا لا ( ائلسه للنقاش ) - رأيك في اداء لاعبي الزمالك أمام انيمبا النيجيري ؟؟ - رأيك في ردود أفعال جماهير الاهلي ان لاعبي الزمالك كانو فاطرين ؟؟؟ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ أولا تحليلك فى منتهى الجمال والروعه محمود اللى عجبنى فيك إنك فاهم كورة وبما انك فاهم كورة يبقى مارست لعب كرة القدم إيا كان المركز اللى كنت بتلعب فية بمناسبة الرساله اللى موجهه للنادى الاهلى مأيدك فيها تماما من إمبارح والفيس بوك حرب اعلامية رهيبة على نادى الزمالك بإن اللعيبة كانت فاطرة وعلى النقيد الآخر كانت ردود الزملكاويه على مباراة الاهلى وزيسكو الزمبى ان لعيبة الأهلى كانت فاطرة ولكن الاعلام الاحمر والتعصب الاعمى من اللون الاحمر كان أكثر بمراحل لماااااااذا السبب الأول :_ هو هزيمة الاهلى الثانيه على التوالى الاولى فى الدورى المصرى من النادي المصرى والثانية من نادي زيسكو الزمبى فى بطولة أفريقيا وبنفس النتيجة 2/3 يعنى فى مجمل المبارتين الاهلى شال 6 لهداف واليوم جماهير الاهلى غبر التواصل الاجتماعى بتطالب باقالة مارتن يول المدير الفنى للاهلى وابضا الاتراس الاهلاوى بيتجمع للذهاب لملعب النادى الاهلى قبل مباراة الاسماعيلى والاهلى لعدم قناعتهم بأداء الأهلى وخوفا من هزيمة أخرى من الاسماعيلى وتردد اخيرا من الاعلام الاحمر وجماهيرة ان حسام حسن هيسيب الماتش لنادى الزمالك والهزائم المتتالية وغضبها من شريف اكرامى حارس مرمى الاهلى بالنسبة للصيام كما ذكرت يامحمود دة نيه بين اللعب وربه فلماذا كل هذة الاتهامات فالنفرض ان الفريقين كانوا فاطرين فى مباريات افريقيا هل الاهلى عندما قابل النادى المصرى وتلقى هزيمة قاسية كان صايم هههههههه ماكان بيلعب الساعه 10 مساءا بعد الافطار ... مكسبش ليه وواخد شوط تالت 8 دقايق وقت بدل ضايع وأحب أفكر مورشو عندما قولت عاجل تم خصم 8 نقاط من النادى الاهلى من الفيفا رد وقال حتى لو خد 10 نقاط مش تفرق معانا وبردو هناخد الدورى مال خايفين ليه كدة ونازلين اتهامات فى نادى الزمالك يمكن معظم الزملكاويه فاقدين الامل في ضياع الدورى ولكنى بصفه خاصه انا متفائل لإن ربنا مبيحبش الظلم فى سوء التحكيم ومجاملة النادى الاهلى فى معظم المباريات دة كان ردى على رسالتك يامحمود اللى موجهها للنادى الاهلي نرجع للسؤالين للنقاش الأول : _ رأيك فى أداء الزمالك أمام إنيمبيا النيجيرى أداء رجولى بمعنى الكلمة والزمالك تحدى كل الصعاب وسط بركة فى المياة فى الملعب ودة واقع على الفرقتين وكل لاعب كأنه فى رجله شيكارة رمل وهذا النوع فى اللعب يعتمد على اللياقة وقوة التحمل واللعب برجوله وعدم الاستسلام وحجة سوء ارضية الملعب من بركة المياة والدليل على ذلك من نجوم المبارة حارس مصر الأول / أحمد الشناوي تصدى لكور كثيرة بنجاح بالغ لو عملنا مقارنه بينه وبين شريف اكرامى كان زمان الاهلى شال 3 فى تلك المباراة ونجم الاخر ورئة الفريق محمد ابراهيم المجهود الكبير كصانع العاب ونشوف عمل كام أسيست عندما تحدثنا عن مباراة الاهلى وزيسكو أنا أول واحد قولت بكل حيادية ان رمضان صبحى كان نجم المباراة لو تتزكروا خلاصة الاجابة عن السؤال الاول هو اداء رجولى من نادى الزمالك واشادة الجميع بانه تحدى كل الصعوبات والاهم هو حصد الثلاث نقاط السؤال التانى رأيي فى جماهير الاهلى ان لعيبة الزمالك كانت فاطرة رديت علية اعلاة وما هو الا تعصب وتأثر بهزيمتين متتاليتين ب 6 اهداف فى مجمل مبارتين المصرى فى الدورى وزيسكو فى بطوله أفريقيا ولا عزاء لأسياد أفريقيا تسلم محمود على التحليل الرائع وأسئلتك للنقاش كريم

رد شامل للاحداث كلها كريم
منورني بقي

[محمود الصاروخ]

اقتباس الله هتقولى بتروسبورت مانتو بتعيطو لما نقولكم برج العرب والا نسيت تحب افكرك لما رئيسك حلف طلاق ما هيلعب عليه . هتقولى سموحه بتكسب بألــ 3 امال مين الى الانتاج ظبطو وهو بيلعب ناقص شوط كامل و 10 دقايق وقت ضايع والحمد لله ان ربنا خلقنا بـ 10 صوابع مش بـ 20 والا 30 ماعلينا المهم انى متاكد لو خسرتو كانت هتبقا حجتكم الملعب والمطر والاجواء وعموما اهو ياعم مش مجموعتك ناريه وكنت عمال يا جماعه مجموعه الزمالك ناراديكو كسبتو برا ملعبكم وصن دوانز كسب برا ملعبه يى انيمبا والفريق الجزائرى طلعو فشنك

انت بتلف في دايره مقفوله عموما " لو " وهي محصلتش اصلا
مكسب الزمالك عامل فيك كل ده يامورشو ياغالي ؟؟
وبخصوص الملاعب يامعلم تقدر تقولي ليه رئيس اتحاد الكورة
عاوز يلعب ماتش القمه اللي جاي في برج العرب اللي هو اصلا
ماتش الزمالك ؟ وليه عاوزين يأجلو الماتش عشان رمضان
هيلعب مع منتخب الشباب ؟ في حين ان الموسم الماضي
الزمالك لعب ماتش النجم واتنين اساسين من الفريق مع المنتخب ؟؟
وبخصوص مباراة الانتاج يامعلم ،، هتتكلم كورة ولا هتزيط ؟؟
مباراة الانتاج يامعلم بالصور والفيديوهات الزمالك له
ضربتين جزاء + الوقت الضايع اللي انت بتتكلم فيه ياغالي
شكلك نسيت ان حارس الانتاج اتصاب والحارس البديل
فضل يسخن بره والماتش شغال واخد اكتر من 10 دقايق
وشكلك كمان نسيت الساعه اللي وقفت للاهلي


وبخصوص مجموعة الزمالك
انا قولتلك كلمني عن قوة كل نادي علي حسب تاريخه
مش علي حسب مباراه لعبها يامعلم ^_^
ولا الكوره عندك ايه بالظبط ؟؟

اقتباس اهو كلام الزمالكويه يقولك بطولات بالحظ يعنى لما العب دورى كامل اكتر من 30 ماتش ابقا واخد البطوله حظ لما اكسب بطوله افريقيا والعب يجى 14 مباراة جوا وبرا اكون واخدها حظ لما العب كأس مصر يجى 5 والا 6 ماتشات اكون واخدها حظ لما اكون اكتر نادى فى العالم بطولات اكون واخدها حظ احب اقول لمستر حظ شكرا انك بعشق الاهلى

انت بتقول وترد علي نفسك يامعلم ؟
هو مين فينا اللي جاب سيرة الحظ ؟
تعرف تكلمني عن أكتر بطولات السوبر اللي اخدتها " حظ "
ولا كانت بمجهودكم ؟ ومكسب الزمالك هو اللي حظ ؟؟

اقتباس بخصوص الـ 6 لا مش هقولك فين الدليل او فين الفيديوهات لكن هقولك انا بكلم عن الى شوفته وحضرته انا مش جاى اقولك خسرتو سنه 1925 من الاهلى انا بكلمك عن واقع انا وانت شوفناه وحضرناه ^_^

يبقي متجيش تكلمني عن " تاريخ " وتقولي احنا اسياد العالم
وتحسبلي البطولات اللي انت محضرتهاش

اقتباس مانا قولتلك اعملى مقارنه بين رمضان وكل لاعبى الزمالك الى فى مركزة سكت ^_^ اعمل ياعم مقارنه بينه وبين فتحى او كهرباء او شيكا وصحيح انتا عمال تقولى جول فى الزحمه جول فى الزحمه هى دى بقا مصر وانك بتقول نشجع المنتخب عموما الجول الى فى الزحمه هو الى وصلك بطولة افريقيا . اخيرا بس : عجبنى ردكم ان الصيام بين الواحد وربه واحب اقولك لو مكنتش متاكد انهم فاطرين كنت جبت اى خبر من هنا او هناك او اى تصريح وكنت هتفضل معلق عليه لكن قلبى عندك مش لاقى اى حاجا فعشان كدا بتقول دا بين العبد وربه .

هاي
رمضان لعب 26 مباراه مع الاهلي في الدوري
سجل 3 أهداف أو 4 أهداف تقريبا وممكن نقول 5
وصنع تقريبا 5 أهداف

كهربا لعب مع الزمالك 26 مباراه في الدوري
سجل 11 هدف أو 12
وصنع فوق الـ 5 اهداف
اجيبلك الاحصائيه بالأسيستات كامله
اللي هيكتسح فيها " كهربا " وفي النهايه رمضان هو الافضل
باي

وبخصوص نقطة الصيام
انت بتغني وترد علي نفسك ليه ؟ لو مكنتش أو لو كان حصل ؟
وفي الاخر الزملكاويه عايشين في مؤامره كونيه
وانتو عايشين في عدم الواقعيه !!
هو الواقع بيقول ايه قدامك ؟؟