زمن مساطيل

[a7med -3del]

زمن المساطيل
واحد سافل
قالو حرية ورغم بجاحته
شكله جميل
والتاني خاين
معلش كان مضطر
والاعمال بالنيات
وده زي الفل
ومعدنه اصيل
بلد واخدة ايزو
في الهري والتمثيل
اللي بيجي علي هواهم
يقولو عليه
عالم جليل
واللي يخالف دستورهم
يطلع اي حاجة
واقربها
جاسوس وعميل
في الدنيا يمكن مظلومين
وبكرة نعرف مين ذليل
قدام ربنا هنقف كلنا
وابقي وريني الدليل
لما تبقي بطة بلدي
جبان كمان وعويل
ابقي سلملي علي السلطة
وسلملي علي الجيش والشرطة
واعلام التضليل
هتتسال ليه قتلت
وليه سجنت
وليه اعتقلت
ولو لاقيت اجابة واحدة
انا مستعد ابيع مناديل
وده يبقي اسمه.. ..
مضروب في نفسه
جذر 2
قانون التطبيل
Ahmed adel
20-6-2016

[احساسى صحيح]

الله عليك يا احمد
هو دا فعلا اللى حاصل دلوقت
اللى على هواهم يتشال جوا العين
واللى يخالف كذبهم
يبقى خاين وعميل
يدوم احساسك النابض بالحق
تحياتى وودى

[a7med -3del]

حبيبي اللي منور مواضيعي
كل سنة وانت طيب

[مُنـــــايا]

. هذا ما يسمي زمن الشقلبة
والله المستعان....


حروف شفافة ....مليئة باﻻحساس الصادق ....
فيها لمحة من جمال ولمحات من ابداع
سلمت والنبص
لروحك السعادة
....

[دمعه حائره]

دى حقيقه فعلا والقوانين والقيم كلها
بقت شىء مطاط حسب رغباتهم وتفكيرهم
تسلم اخى كلمات فى الصميم

[ايمان طلعت]

كلمات رقيقه
دام نبض قلمك
تحياتي