بنوته في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه وعليكم السلآم ورحمة الله وبركاته وانتي بآلف صحه وسلامه وانا يشرفني اني ابقا ضيفه ف افضل برنامج انا شيفاه حاليآ ف المنتدي .. كيف تستعدي لاستقبال الشهر الكريم ؟ رمضآن بقا انا بعتبره فرصة فرصة لكسب الحسنات والتكفير عن السيئآت وفرصة لتطهير القلب من كل سوء ف انا بستعدله من جميع النوآحي .. خصوصا الجزء الروحاني .. اكيد طبعا الصلاة مش بس ف رمضان لكن رمضان فيه صلاة مميزة جدا وبنستناها من السنة للسنة وهيا صلآة التراويح شهر رمضان شهر مختلف عن باقي الشهور فماذا يعني لكِ رمضان ؟ رمضان شهر التوبة و الغفران…شهر العبادة و صلة الرحم…شهر الخير و الرحمة … ما هي مظاهر رمضان في بيتك و مدينتك ككل ؟ زينة وفوانيس رمضـآن والعيال اللي بتطلع تلم فلوس الزينة وآحسن حاجه بحبهآ هيا النص ساعة قبل الفطار لما شباب المنتطقة يتجمعو ويوزعو التمر والبلح علي الناس اللي ف الشارع اما بيتنا بقا انا شخصيآ بشرف علي الجزء الديكوري فيه لازم كل سنه اجبرهم يجيبو زينة واعلقها انا ف البيت اصلي التفاصيل الصغننه دي هيا اللي بتحسسك بـ رمضان ما الشيء المميز جدًا بكِ في رمضان؟ بحاول اخفف من عصبيتي لكن للاسف بحس انها بتتكاثر ف رمضان مش عارفة من تاثير الصيام ده ولا ايه يومك الرمضاني كيف يكون ؟ لاء بصراحه بيبقا مميز بصحي تقريبا علي الساعه 11 بقعد ع الكمبيوتر ع الساعه 10 : 11 بقوم علي الضهر بشوف ورايا ايه ف شغل البيت وبعدين اقعد ع الكمبيوتر تاني وبعدين اصلي العصر واقرا جزء يومي ف القران .. وبعدين اقعد ع الكمبيوتر تاني .. ومتحاولوش انا مبدخلش المطبخ اساسا بيني وبينه حاجز مانع موقف حدث معكِ في رمضان ولن تنسيه ؟ هههههههههههههههههههه بصراحة موقفين والاتنين عمري م هنساهم واحد فيهم كنت لسة صغيرة كنت تقريبا ف تانية ابتدائي المهم عندي اخت واخ عليهم ربنا برغم انهم يسبقوني ف السن الا انهم كانو يستغلوني انا واختي اسوا استغلال كنا بنطلعلهم الاكل فوق السطوح المهم ماما الله يرحمها ابتديت تتوغوش هوا الاطباق بتقل ليه المفروض ان رمضان شهر خير وبركة والحاجه بتزيد مش بتقل المهم لبست النضارة قعر الكوبايه والباالطو الاصفر وقالت مبدهاش اتحر عن الموضوع بنفسي طلعت فوق السطوح وشافت الجريمة البشعه والمصيبه ان كان في شهود عيان ع الوقعه ف قالولها بنتك نغم بنشوفها يوميا بطلع صحون فوق السطوح المهم خدت درس ف التقوي والايمان من بابا وماما وفهموني ان ده غلط وانا اعيط وبحاول افهمهم وهما ابدا مصممين ان انا فاطرة الموقف التاني بقا لسة من تلت سنين تقريبا طبعا بعد يوم مشقه وتعب من الصيام الواحد بيبقا علي اخره ف اخر نص ساعه ف اخواتي حبو يعملو فيا مقلب ف عملو وجهزو كل حاجه وقعدنا علي ترابيزة الاكل وقبل المغرب بنص ساعه شغلو الاذان ع الكمبيوتر طبعا احنا متعودين قبل ما ناكل ولا نشرب بنقرا دعاء قبل الفطار وطولو ف قراية الدعاء .. انا قلت ف بالي هما بيخلصو القران كله ولا ايه المهم بعد ما شربت قعدو يضحكو ضحك هستيري ف انا من غير ما هما يقلولي حدثي قالي انه مقلب روحت قالبه ف وشهم الاكل كله وخاصمتهم ساعتها يجي 5 ايام كده رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ اكتر اكلة بحبها هيا المكرونة مع الفراخ البانيه اما المشروبات ف تقريبا انا ماسكه التخصص ده عندنا اي مشروب انا بحبه الحلويات ماليش فيها اوي ممكن بسبوسه ، وكونافة بالقشطه ، وكونافة ب المكسرات ، وجلاش ، اصلي بقولك ماليش فيها اوي هل تدخلي المطبخ في رمضان وان دخلتي ماذا تفعلي ؟ المطبخ انا حابة الفكرة لكن اختي مبتسمحليش بكده مع اني والله نفسي حلو ف الطبيخ وبعرف اعمل سلطه احسن من جنون قلب بس حكم القوي اذكري أكلة مميزة أعددتيها بنفسك و طريقتها ان أمكن ؟ قصدك عصير يعني .. اممم بتجيبي المانجايا وتقسميها نصين وبتشيلي البتاعه اللي ف النص دي وبتقشري القشر من المانجا وتعمليها ف الخلاط طبعا مع اضافة الكثير من السكر .. انا بحب السكر يبقا طاغي علي طعم المانجا وكل واحد وزوئه بقا متى أخر مرة ملكتي فانوس رمضان ومن أهداه لكِ ؟ لاء بصراحة بعد وفاة امي وبابا والموضوع ده بقا صعب اني اتقبل الفانوس من اي حد لكن اخويا ربنا يخليه ليا علي طول بيجبلي هل تتابعي المسلسلات التي تعرض في رمضان ؟ حاليا مسلسلين او تلاته بس وبحاول انتقي المسلسلات اللي مفيهاش اسفاف ولا عري ما رأيك فيما يقدمه التليفزيون الآن في رمضان ؟ للاسف كله اسفاف وعري وحاجة اخر قرف ما هو المسلسل أو البرنامج الذي يذكرك دائما برمضان قديمًا ؟ طبعا بوجي وطمطم ، وظاظا وجرجير وكان فيه مسلسل اسمه يوميات صائم ومسلسلات زمان عمتا كيف تستعدي لاستقبال العيد ؟ عادي خلاص احنا كبرنا علي الكلام ده انا تقريبا باخد العيد ده كله نوم بس الحاجة الوحيدة اللي بتحسسني بالعيد هيا صلاة العيد دي مش ممكن تفوتني ابدآ ما هي مظاهر العيد في مدينتك ؟ العيد كمان بيبقا ليها طعم تاني الاطفال ف الشوارع وكوباية الشاي بلبن بعد صلاة العيد هل تشتري ملابس للعيد الى الان ؟ ده اساسي ي باشا هل تأخذي عيدية ام تعطي؟ والله اللي باخدهم من هنا بديهم من هنا نفسي ف مرة اتهنا ب العيديه زي زمان الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ لاء طبعا بنعمله ف البيت ودي بردو من الحاجات اللي بتحسسنا بالعيد وجو العيد موقف حدث معكِ في العيد ولن تنسيه ؟ بابا الله يرحمه كان دايما متعود اول يوم العيد يعيد علي عمتي ف كان من الحاجات المقدسه اول يوم ده بنقضيه ف العبور عند عمتي انا كنت بضايق جدا لان صحابي وحبايبي كلهم هنا ف بيتنا المهم واحنا هناك جاني واد اسمراني كده قفاه طوله مترين كان محتجله قلمين وعملي توت عند ودني طبقة ودني اتخرمت دي حاجه وشي احمر وزنهرت لقيتني تلقائيا دخان بيطلع من وداني وطبعا مقلكمش انا عملت فيه ايه طبعا سبته وعفو الله عم سلف اصل انا ف حته غريبة ولو اتهورت هيلم الالضيش بتوعه ويضربوني وانا لوحدي كلمة لاعضاء منتدى بنات مصر؟ كل سنه وانتم طيبين وينعاد عليكم بالخير يارب وتبقو مبسوطين وحياتكم كلها تفاؤل وسعادة والله ي ايمان اجمل حاجه ف الاستضافة الفانوس اللي ف الاخر ده الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي

[O.o°•حكــاياتـ كتيــر O.o°•]

نغـــم من الاعضاء المميزة فى المنتدى أكيــد ^^

منوره يا نغم وربنا يسعدكــ^^

ثانكس ايمى لبرنامجكــ الكثر من رائــع وفعلا افضل برنامج حاليــاً *.*

[♥○ moOoOoOna ♥○]

هههههههههههه

ماقولكوش بقى عملت ايه

عفا الله عما سلف هههههههههه

عسل يا بنوتة جداً

استضافة جميلة يا ايمى تسلمى ♥

[مُنـــــايا]

والله عسل نغم ودمك خفيف

ربنا يسعدك حبيبتي
وتسلمي ايمي ع الاستضافه الجميله
رمضانكم مبارك

[كريم عاصم]

حلقة مميزة من ضيفة خفيفة الدم وروحها حلوة مع جميع الاعضاء ومن مميزتها صدق مشاعرها فى الاجابات تسلمى ايمى على المجهود الرائع الف تحية

[حازم34]

حلقه مميزه كما هي حلقاتك دائما ايمان من ابداع في التقديم والاعداد والاخراج


وضيفه خلوقه ومميزه نورت البرنامج


واسال الله ان يغفر لابيها ويجعل قبره روضه من رياض الجنه


بس ابقي هاتي اسم الولد الاسود دا ال عمل الصوت في اذنك


وانا هتصرف معاه هههههههههههههههه


معهلش ههههههههه


ربي يسعدك يارب وكل رمضان وانتم بالف خير وربنا يسعدكم ويبارك لكم

[BaAnoOta]

حبيبـتي ي هايدي
ي حبيبتي ده نـورك والله ، نورتي ي غاليه

[BaAnoOta]

آنتي اللي عسل ي مني والله
نورتي ي قلبي

[BaAnoOta]

منـآيا
ربنا يخليكي يـآرب
ويسعدك حبيبتي ..
الله اكرم

[BaAnoOta]

ربنآ يخليك يارب ي استاذ كريم
والله بتحرجوني بكلامكم ده
منووور