بتوحشيني

[a7med -3del]

لما سبنا بعض
قولت نسيتك
قولتي نسيتيني
وبعدنا فترة وفي كل مرة
بلاقيكي لسه بتوحشيني
ساعة الفراق كان السكات
ولغة العيون قالت حاجات
والدموع في عينيكي شاهدة
علي اللي كان بينك وبيني
وانا مش زي مانتي فاكرة
انا الضعيف
وانتي لسه بتوحشيني
والواداع
مش قوة مني
قولتها
كان غصب عني
وافهمي اني بحبك
اكتر مابتحبيني
تفوت ايام تفوت سنين
ولسه برضه بتوحشيني
وكلمة بحبك بقولها لناس
لكن مش نفس الاحساس
وكاني ممثل وبعمل دوري
حافظ مجرد كلام وخلاص
ومهما اشوف عايش في خوف
بعيدة لكن شايفاكي عيني
بتوحشيني
ومهما تغيبي ليكي مكان
ولو شوفتك في اي مكان
هتشوفي شوقي دموع
ساعتها يمكن تصدقيني
مانتي اللي بيكي عرفت نفسي
وعمر الغياب ده ماكان بينسي
بالعكس في كل يوم بعد بموت
بكدب علي نفسي واقول مبسوط
دانتي سبتي فيا حاجات
وزكريات
حالفة تبكيني
والله بتوحشيني.
بتوحشيني
22-6-2016

[كريم عاصم]

تعبير راقى وأسلوب جميل فى كلماتك أخى احساسك فيها عالى جدا عبر عن كل مافيها من صدق ومشاعر وجدانية هكذا يكون الحب فهو كالسرطان فى الدم لا يخرج منه الا بالموت رائع حد الثمالة الف تحية

[a7med -3del]

حبيبي يازملكاوي
كلماتي الجاية اسمها
عبده البقال 😊😊😊

[بنت خديجة]

جميله جدا تسلم ايدك عليها

[a7med -3del]

مرورك الاجمل
ونورتي موضوعي

[O.o°•حكــاياتـ كتيــر O.o°•]

جميـــلة عجبتنـــى جدا ...

تسلم لكلماتــكـ ^^

[ويبقى الأثر]

ذكريات وحنين
واحساس جميل وقلم اجمل
يدوم الابداع

[دمعه حائره]

كلمات رائعه كلها احساس ومشاعر جميله
تسلم اخى ويدوم التميز

[ايمان طلعت]

كلمات رقيقه
دام نبض قلمك
تحياتي