سيب وأنا أسيب

[دمعه حائره]

سيب وأنا أسيب

واللي مابينا بقى رهن لكلمه

مين هايغيب

شد وجذب قرب وبعد

حالة غريبه وأمر عجيب

شاطر أوي انت

في الترهيب

مرة عنيد ومرة هاسيب

طب سيب وأنا اسيب

ونشوف مين عند التاني

أغلي حبيب

هايصون حبه في غيابة وقربه

ومهما يغيب

مش هايشوف قدامه

حد يحلى أيامه

ويبقى حبيب

يمسح دمعه أوهامه

وفى وقت همومه وأحزانه

هو قريب

أصل الحب لما يسكن القلب

وبإخلاص من غير كدب

بيبقي نصيب

عايش فينا ومخلينا

ننسي زعلنا وكل الصعب

حتى الجرح فى لحظة يطيب

مش سيب وأنا أسيب

mena_hassan

23-6-2016

[O.o°•حكــاياتـ كتيــر O.o°•]

العنـــوان شدنـــى ^^

تســــــــــلم ايدكــ ^^ جميــله بجد

[واد حبيب]

ايه الحب ده كله
مين يقدر يسيب القمر ده
كلمات جميله يا دمعه
تسلم يدك

[فداااااااااااء]

ههههه تضحك بس جميلة اوى منة
تسلم ايدك عسولتى والله بتجننى يا قلبي انا هههه

[كريم عاصم]

طب مش هسيب هههههههههههه أجمل مافيكِ أختى منة انك متنوعه في كل خاطرة لون ودة اللى بيميزك فى احساسك وتعبيرك قلم جميل يكتب فى كل حالاتة جميل ماقرأت هنا دوتى رائغة بكل التفاصيل الف تحية

[*فجر الاسلام*]

حلوه يا قمرى ايه الجمال ده
يدوم ابداعك حبيبتى
تحياااااتى

[Aya 7ekaya]

حلوة ف اى حاجة تكتبيها
احساسك عالى ديما مش غريب عليكى
تسلم ايدك منون
يدوم ابداعك

[حكاية حب]

سيب وانا اسيب دي بقت خناقه

مين اكتر يصون حبيبه

خناقه في الوفاء والود يا تري مين اكتر

عاميه خفيفه لذيذه يا دمعه

تحياتي لجمال قلمك

ودي

[العاشق الذى لم يتب]

يسلام
على المبدعة والفنانة
منة
تسلم ايدك يابنت حسان
روعة كلمات الخاطرة
ومضمونها المتكامل فى عامية خفيفة ظريفة طريفة

[شاعرة الرومانسيه]

تسلم ايديكى منون

عاميه خفيفه الظل

دائما رائعه فى كل حالاتك