( بقى دا كلام 5 ) مع ( Fagr Alislam )

[morshooo]

بسم الله الرحمن الرحيم

مزاج الخير

اهلا بيكم جميعا

والحلقه الخامسه من

( بقى دا كلام 5 )




البدايه

انا عامل توبيك جديد اسمه
( الحق ما يزعلش )
بستضيف عضو والمفروض انه يقول رئيه فيكم
وهيكون ليكم حق الرد .

دى كانت رساله بعتها لجميع الضحايا
وكان ردهم

تمام موافقين .




تعالو نشوف ياترى

Fagr Alislam



اتعمل معاها ايه




اقنعتها ان دا اول رد من الضيف


ايه رئيك فى وجودها بالمنتدى ومواضيهعا وهل تستحق الاشراف مستقبلا ام لا ؟

بسم الله الرحمن الرحيم
اهلا بالاخت الفاضله وسعيد جدا بتواجدها معنا
فى هذا المكان الجميل والمميز الذى يضم افضل الاعضاء
والاقلام والحمد لله على نعمه التواجد بينكم جميعا
الاخت الفاضله مميزة جدا ومواضيعها يتدل على شخصيتها
صاحبه شخصيه جميله وبحس ان ليها شخصيه قويه
ولازم يا جماعه نساعد الاعضاء الجدد عشان يحب المكان
ودا هيكون من خلال الرد على مواضيعهم والاهتمام بهم
ولكن .
لى عتاب صغير عليها خاصه فى مواضيعها اغلبها منقول
ومش بتقول انه منقول ودى أمانه سوف تحاسب عليها
كمان ليها بعض المواضيع الى بحس بعدم اهميتها مثل
بر الولدين
كلنا اكيد نعلم اهميه الوالدين فى حياتنا فلماذا تتعبى نفسك
فى موضوع مثل هذا كمان موضوع اخر عن
النظارات الطبيه
بالله عليكى ما سبب اهميه هذا الموضوع ايضا .
اتمنى الاهتمام بالمواضيع الفترة المقبله .
بخصوص الاشراف معتقدش انها تستحق الاشراف حاليا
لانها لسه محدش يعرفها وكمان ضيف عى دا الى قولته
بخصوص مواضيعها .




وبعد ما شافت الكلام البسيط دا
اكيد اتعصبت وردت عليه وقالت .

اهلا بحضرتك وبكل المتواجدين ويشرفنى اكيد انى ابقى موجوده هنا
واشكرك على كلامك
بخصوص المواضيع المنقوله الدليل انها منقوله انى مش بكتب فجر فى اخر الكلام
ومش بضعهم فى الاقسام الحصريه وده دليل على انها منقوله
وبخصوص الموضوع بر الوالدين مش الكل يافندم يعرف والله فضل البر بالوالدين
ده انا كمان اختصرت المووضوع
ايه اهمية النظارات الطبيه حضرتك قريت الموضوع
اعتقد بالنسبالى ليها اهميه حبيت اوضحها للباقى للحفاظ على النظر
شكرا لحضرتك
ان شاء الله ههتم بالمواضيع الفتره القادمه
تحياتى




بقا مش كله يعرف بر الوالدين برضو
بس عرفت ادايقك على فكره ^_^
تعلو نشوف الرد التانى الى شافته ايه
واقنعتها انه رد العضو .

تمام
طيب انا شايف ان فى تعالى منها حتى فى الرد
يعنى حاسس انها بترد غصب عنها او زعلت الله واعلم
ولكن يجب ان لا تستهزء بمن قدم لها نصيحه
وبعدين معلش يعنى ايه تقولى يا ( فندم )
وهى ماتعرفش انا كام سنه مايمكن اكون اكبر منها
عموما اتمنى منها عدم الاستهزاء مره اخرى
ومعلش يا احمد ليه تدخل بالاسم دا مع احترامى ليها
وهى تعلم ان المنتدى فيه ( مسيحين ) ليه نعمل فتنه
بينا ودا حصل قبل كدا من عضوة لو فاكرها وكان اسمها
( مسلمه وافتخر )
وحصلت مشاكل بسبب الاسم دا ليه ماتدخلش بأسمها
والا دا تعالى منها اتمنى ان ربنا يهديها ويهدينا جميعا .




اه يا بتاعت الفتن انتى
عموما تعالو نشوف ردت على الكلام دا ازاى ^_^

ههههه انتو بتهزروا صح
انا ردى كده على الناس اللى معرفهاش يا فندم ههه اظن مافهاش
حاجه وانا مش بتعالى على حد
بخصوص الاسم دى حريه شخصيه وانا ما اذتش حد بكلمه ولا حتى اسمى فى اذى لحد
لا معرفش الصراحه ان فى مسيحيين هنا ولو فيه انا مابعملش فتنه باسمى ولا حاجه
هههه يا رب يا اخويا يهدينى الى طريقه ويصلح الحال ماكرهش ده




يارب يصلح الحال ياختى ^_^
المفروض انها اقتنعت ان دا كان اخر رد
بس قولت الواحد فاضى اهو نتسله شويه معاها
وبعتلها الرد دا ^_^

طيب معلش اخر رد بس انا اسف
هى بتقول انها ماتعرفش ان معانا مسيحين طيب بأمارة ايه
وياترى لو عرفت هتنسحب والا لا من المنتدى
ولو عرفت ان التوبيك دا مثلا فيه حد مسيحى هتنسحب
والا لا وليه ؟
وبطلب منها تغيير الاسم واوعدك انه هيتغير من قبل الادارة
لان من قوانين المنتدى عدم افتعال الفتن .
معلش يا احمد ياريت ترد على سؤالى دا




هعهعهعهع
انا قولت لازم اعصبها على الاخر
تعالو نشوف قالت ايه على الكلام دا ^_^

لا حول ولا قوة الا بالله وانا انسحب ليه ده انا لحد دلوقتى ماكتبش موضوع
طائفى ولا بفكر اكتب كل واحد حر
لا طبعا لانى احترم الجميع والكل على دماغى مايهمنيش جنسيته ودينه ايه
ان شاء الله ربنا يسهل لما يتغير




طبعا عايزة تبين انها عادى جدا
بس بعتتلى الرساله دى
هههههههههههههه

ينفع كده انت جايبنى تهزقنى ولا ايه
يطلع مين




ودلوقتى تعالو نشوف
عرفت مين الضيف ازاى ^_^

طيب واضح انها زعلت جدا ودا غصب عنى
بس اعمل ايه هى المستفذة جدا على فكره
وبرضو مش هسكت الا لما تاخد حظر او اسمها يتغير
عموما انا



























( morshooo )

ومفيش ضيف والا حاجا
ودا كان مقلب حلو كدا صغير
عشان اعلم عليكى ههههههههههههه
وعلى فكره الى رشحتك حبيبتك
( بنوته ) ههههههههههه
ها ايه رئيك وياترى حسيتى ايه لما شوفتى الكلام دا ؟




قولت مش هيحصل كويس وحسيت انكوا بتهزروا
وحساب بنوته كبير معايا
وانت كده كدبت عليا
انت فعلا مستفز جدا
ليك يوم يا ظالم هههههه

تحبى تقولى ايه لاعضاء المنتدى ؟

رمضان كريم وكل عام وانتم بخير وربنا يتقبل منكم الصيام وكل اعماله
واتمنى تستغلوا كل اوقاته فى العبادات
طلب صغير منكم
هاتولى حقى من الشخص ده اللى عامل فيها رامز جلال هههه
استغل انى جديده ومعرفوش فضحك عليا
متاكده ان الحقوق مش بضيع هنا هههه
يارب كلامنا مايدايقش حد اتمنالكم السعاده
دمتم فى حفظ الرحمن



وبكدا بيخلص المقلب

الخامس

ياترى مين هيكون صاحب المقلب

السادس





ميرسى يا فيفا

[Aya 7ekaya]

هههههههههههه ي عينى ي فجر اخدتى المقلب انتى كمان
بس ردودها كانت مختصرة وهاديه او بتحاول تبين انها هاديه ههههههه
تعيشى وتاخدى غيرها
اما بالنسبه لمورشو اعملى فيه شكوى وماتسكتيش ع اللى حصل ده انا بهدى النفوس

[^^khL oUD]

ههههههههههههههه اقسم بالله عرفت ان انت م غير م اكمل التوبيك لانك عملتها فيا السنه ال فاتت برده ههههههههه
يخربيتك البت هتكرهه المنتدي واعضائه بسببك

تعيشي بقي وتاخدي غيرها ي قمر وتعمليها فيه زي م عمل فيكي

[BaAnOtA 7eKayaa]

ههههههههه انت مصيبه يا أحمـد وربنا ^^
منوره يا فجر ومبروك

[العاشق الذى لم يتب]

رشرش صحبى وحبيبى
من غيرك الدنياكانت خربانة ووحشة ومحششة كمان
روح ياشيخ ربنايهدحيلك ويسلط عليك ام احمد
منورة فجر
وكل سنة وانت طيبة

[حازم34]

هههههههههههههههههههههه


جميل الموضوع


هههههههههههههههههههههههه


لو انت ركزت شوي في موضوع بر الوالدين كان ممكن تتنرفز ههههههههههههههه



انه بصراحه حاجه تضايق هههههههههههههههههههه


ال بر الوالدين ما ينفعش حد يكتب فيه


والنظارات كمان هههههههههههههههههههههههههه طيب كانت طبيبه عيون ههههههههههههههه



كان مطلوب منها كدا لازم تتكب كدا


بس طريقتك وقعتها ياربي عليك مش ممكن



انتي قلم جميل يا فجر الاسلام


وبرنامج مورشو ظريف


معهلش بقي ههههههههههههههه

[ويبقى الأثر]

فجر معلش بقا ياجميله تعيشى ويتعمل فيكى مقلب
كلنا لها ع فكره
ومورشو له يوم وهيخلص منه كل اللى بيعمله ده
ويقع فى شرمقالبه عشان يبطل

[كريم عاصم]

حلقة مميزة من مورشو حركات حرام عليك جبت للبنية صداع بس فجر اجابتها كانت هادية ورغم استفزازك كانت بتتكلم بهدوء هى فجر رغم تعاملاتى البسيطة معاها بس طيبة جدا أما مورشو حركات دة تخاف منه حالو ياحلو أوعى يجيلك مورشو ههههههههههههههههههههه بجد ملكش حل والدور الدور الدور مين اللى علية الدور مجهود كبير منك مورشو بس بتوقع قلب العضو صباحو رامز جلال

[*فجر الاسلام*]

يا سلام على فكره يا جماعه هو برده الجديد بيقتنعكوا انى ادايقت عشان مايكسفش نسوا قدامكوا
طبعا عايزة تبين انها عادى جدا
بس بعتتلى الرساله دى
هههههههههههههه

ينفع كده انت جايبنى تهزقنى ولا ايه
يطلع مين

وبعدين الرساله دى كنت بضحك فيها حذفت الضحكه عشان تبين انى مدايقه
قولت ليك يوم مش مهم على ايد مين
ربنا يسعدك شكرا ليك

[*فجر الاسلام*]

اقتباس المشاركة الأصلية كتبت بواسطة aya 7ekaya هههههههههههه ي عينى ي فجر اخدتى المقلب انتى كمان بس ردودها كانت مختصرة وهاديه او بتحاول تبين انها هاديه ههههههه تعيشى وتاخدى غيرها اما بالنسبه لمورشو اعملى فيه شكوى وماتسكتيش ع اللى حصل ده انا بهدى النفوس

ياعينى ايه هو انا صعبانه عليكى لا ماتخافيش انا جامده اوى ههه
يعنى حاجه زى كده عشان لو اتعصبت مش هيحصل كويس
ايدى على كتفك اقدم لكى شكوتى ايها القاضى
نورتى ايويه