شوق مجنون .. حصري / بقلمي

[حكاية حب]

يا جرح في قلب محبوبي

يا حرف حزين في مكتوبي

انا آسف علي الدمعه

ساكنة عيونك الحلوه

وانا اللي كنت يا حياتي

في يوم غنوه

واحلامنا اللي كنا زمان نسابقها

ونغزل ورد بغصونها

بقي معقول نسيناها

وافرحنا اللي كنا نغني وياها

وجنه حلوه عشناها

بتتبدل لدمع عيون

يا شمس الكون

يا شوق مجنون

يغني باسم محبوبي

ياا آهه في قلبنا توبي

وسافري بعيد وانسينا

كفايه عذاب وفوتينا

كلامي كسير

وقلبي طير بيرفرف علي غصنك

يفوح عطرك يجنني أحط واطير

والف الدنيا وارجعلك وقلبي أسير

أنا راجع يا قلب حنون

أنا راجع بشوق مجنون

ولا يعرفش إلا يكون

أسير لعيونك الحلوه

ويغزلك هنا غنوه

حكاية حب وحروفها أكيد إسمك




حكاية حب

[واد حبيب]

كلمات جميله جدااا ومشاعر صادقه منك
تسلم يا غالي علي ابداعك

[كريم عاصم]

تعرف أجمل حاجه فيك ايه حكايه حب انك بتكتب بللى حاسس بية بكل تلقائية دون تكلف عشان كده الكلمات بتطلع منك حلوة كن دائما كما انت وعلى منهجج سير وفى خطاك أحلم .. وحقق حلمك رائع دوما فقد دخلت القلب سريعا الف تحية

[مُنـــــايا]

حين تتحد صدق المشاعر وتعانق نبض اﻹحساس الصادق..
تتألق روعة المعاني والكلمات.
.سلم ما خطه القلم من إبداع...
دام نبض تألق كلماتك وعذوبة معانيها..
لروحك السعادة

[دمعه حائره]

كلمات رائعه واحساسك فيها مخليها زى غنوة حب جميله
تسلم ابدعت فى التعبير عن مشاعرك

[احساسى صحيح]

كلمات رائعة
من قلب مفعم بالحب والمشاعر الجياشة
سلمت وسلم المداد
تحياتى وشكرى

[*فجر الاسلام*]

ربى يسعدك رائعه كلماتك
يدوم ابداعك
تحياتى

[بنت خديجة]

احساسك حلو حكاية
دام قلمك

[αЛαstoOorα]

من المعروف عني آني مش برد ف آي توبيك داخل العاميه
غير لو فيه حاجة عجبتني ولازم يكون كلامه مكتوب بآحساس
مش مجرد حشو كلام وخلاص؟ وآنت من الناس اللي بتكتب
كويس وعندها الحس الغنائي ف الآلقاء ..ودي المدرسة
اللي بلاقي نفسي فيها وبحبها ..عشان كدا آعجبت بكلامك
بس حاول متعطلش اللحن والنغمة بجمل ممكن تضعف منك
البيت اللي بتتناغم بيه؟؟
يعني مثلاً آنت بدئت بداية روعه ف الجمال اللي بتقول ..
/
يا جرح في قلب محبوبي

يا حرف حزين في مكتوبي

انا آسف علي الدمعه

ساكنة عيونك الحلوه
/
تمام؟
جيت فرملت اللحن وعطلته بعد كدا بالبيت دا
/
وانا اللي كنت يا حياتي

في يوم غنوه

/
هي المفروض تتخطف حط نفسك مكاني
كا قارء وآقرأها لنفسك؟ كآنك مش آنت؟^^
هتلاقي الحتة دي لازم تخليك تبطئ ف القراءة؟
وتقولها بشكل ضعيف؟
/
يعني مثلاً بص آنا هقولها آزاي
/
ياجرح ف قلب محبوبي
ياحرف حزين ف مكتوبي
آنا آسف علي الدمعه
دي ساكنه عيونك الحلوه
وآنا اللي كنتلك غنوة؟؟
وآحلامنا اللي نسبقها
ونغزل ورد بغصونها
بقة معقول نسيناها
وآفرحنا اللي كنا نغني
وياهاي
وجنة شوقنا عشناها
بتتبدل بدمع عيون
ياسمش الكون
ياشوق مجنون

/
كدا القارء محسش بفرمله ؟
وآنت بآحساسك وقلمك جاريته
ومخرجتهوش من القصة اللي بترسمها علي الورق بتاعك
وعيشته فيها آكتر؟ ممكن جمله وحدة مش راكبه ع اللحن
تخليه بعد ما يعيش القصة معاك ويتخيلها .يخرج ويتوه منك؟

/

طبعاً مداخلتي دي من حبي فيك وف توبيكك
وبتمني تتقبلها
ومنور العاميه

[SaMa.]

كلامك حلو وحكايتكو جميله
ثانكس