سلمى في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه وعليكم السلاام ورحمة الله وبركاته .. وإنتي بخير ياحبيبتي وبصحة وسعادة .. الشرف ليا كمــَان كيف تستعدي لاستقبال الشهر الكريم ؟ معنديش إستعدادت معينة .. لكن بجهز نـَفسي وبقوي عزمتي لكل الطاعات والعمل الصالح في رمضان .. أعننا الله عل صيامه وقيامه شهر رمضان شهر مختلف عن باقي الشهور فماذا يعني لكِ رمضان ؟ رمضان فرصة كبيرة ولا تَـعوض عشان نصفي قلوبنا ونطهر نفسنــا من ذنوب القول والفعل ونخرج منه بكمية إيمان مريحة .. بــَحبه لأجواه الروحانية .. لِلمة العيلة الدافية .. لكل طاعة يتعملها فيه بتاخد أجور مضاعفة ما هي مظاهر رمضان في بيتك و مدينتك ككل ؟ في بيتي هـَـو أول لمة العيلة في بيتنا بحكم إن ماما الأخت الكبرى .. ♥ في المدينة أحب أقول إني مقيمة في مَـكة المكرمة وأظن بكدا الإجابة وضـَحت ما الشيء المميز جدًا بكِ في رمضان؟ اممممم بيا أنا !! مفيش حاجة مميزة لكن بحاول أجاهد نفسي دايما وخاصة في رمضان يومك الرمضاني كيف يكون ؟ غير تحضير السحور وغسل المواعين .. إلخ بـَقية اليوم قراءة قران وصـَـلاة ولو في مبارة مهمة أو لفريقي المفضل وفي توقيت مناسب بتفرج موقف حدث معكِ في رمضان ولن تنسيه ؟ مواقف كتيرة بس غالبا بتكون مع لمة العيلة وبنات قرايبي وكدا .. رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ عادة مش بنستغني عن الشوربة والسلطة .. وأنا بــَحب أكل حجات خفيفة عل الفطار وممكن بعد التراويح أحلي بأي حاجة غير الحلويات الشرقية مش بكلها .. هل تدخلي المطبخ في رمضان وان دخلتي ماذا تفعلي ؟ ههههههه ده أكيد .. والله ال موجود وال قدامي بعمله خاصة لو ماما مقلتليش أعمل إيه .. لكن أول يوم معروف محاشي وفراخ وكدا .. اذكري أكلة مميزة أعددتيها بنفسك و طريقتها ان أمكن ؟ لا أنا مش من النوع ال أألف أكلات وأجرب خالص ال معروف وكل ال ناس بتعمله بعلمه لكن طبعا كل واحد وطرقته .. البامية مثلا مميزة في تحضرها وبحب أكلها مني جدا ههه متى أخر مرة ملكتي فانوس رمضان ومن أهداه لكِ ؟ اخر مرة مش فاكرة لكن كان ممن بنت عمي تقريبا وكان صغير خالص .. وأنا بصراحة مليش فيهم أصلا هل تتابعي المسلسلات التي تعرض في رمضان ؟ لا خالص الحمدلله .. بكتفي بالبرامج الدينية عل الفطار والسحور .. ما رأيك فيما يقدمه التليفزيون الآن في رمضان ؟ في حجات جميلة ومفيدة .. بالمقابل حجات وحشة وبلا أي فايدة ويا كثرهم للأسف وأولهم المسلسلات والبرامج التافهة والمقالب .. ما هو المسلسل أو البرنامج الذي يذكرك دائما برمضان قديمًا ؟ برنامج خواطر للشقيري دايما بنستناه بفارغ الصبر قبل الفطار ودلوقتي للأسف خلص ومش هيبقى موجود .. أجمل وأحلى البرامج ال كانت بنتعرض .. كيف تستعدي لاستقبال العيد ؟ امممم ترويق بقى وتنظيف ولبس جديد وحلويات ومعايدة وكدا .. ما هي مظاهر العيد في مدينتك ؟ والله مفيش مظاهر هو يادوب صلاة العيد وبعدين ترجع الناس لبيوتها يا تنام يا تتجمع .. وكل عيلة بقى ومظاهر الإحتفال عندها .. هل تشتري ملابس للعيد الى الان ؟ لا خلصناها خلاص الحمدلله .. بنشتريها قبل رمضان عشان نتفرغ للعبادة .. هل تأخذي عيدية ام تعطي؟ لا ده ولا ده ههههههههه بحكم وجودي في الغربة فيادوب أبي وماما بس ال باخد منهم .. الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ لا أنا مش من محبي الكحك وماما مش بتعمله في البيت عادة بيجلنا هدية أو حد بيبعتهولنا من مصر .. موقف حدث معكِ في العيد ولن تنسيه ؟ ال فكراه حاليا لما كنت في مصر في بيت عمي وكل بنات العيلة موجودة وبنتجهز وكدا وهما سمعو في التلفزيون إن صلاة العيد هتبقى الساعة 7 ولا 6 تقريبا وكانو عاملين حسابهم عل كدا . وأنا شاكة في الموضوع وبقلهم مش بتتصلى متأخر كدا ومفروض ننزل من بدري وهما مصممين وقالو لازم ننزل مع بعض ولما نزلنا عل موعدهم ده وإحنا في الطريق بسمع الإمام بيقول السلام عليكم ورحمة الله السلام عليكم ورحمة الله وإذا بالصلاة خلصت والناس بتطلع وإحنا ال رايحين عل أساس هتبدأ طبعا إنقهرت وزعلت وقلتلهم فالحين وشطورين بس أخدو درس وبقو يروحو قبل الصلاة بساعة هههه .. كلمة لاعضاء منتدى بنات مصر؟ مبـــَارك عليكم شــَهر رمضان المبارك وكُل عام وإنتم بــَخير .. وأعاننا الله عل صيامه وقيامه .. إعملو كما قال الرسول صل الله عليه وسلم : ( أتاكم رمضان شهر يغشاكم الله فيه ، فينزل فيه الرحمة ويحط الخطايا ويستجيب الدعاء ويباهي بكم ملائكته، فأروا الله من أنفسكم خيرا، فإن الشقي من حُرم فيه رحمة الله ) .. لا تنــَسو الدعاء لأخوانكم المسلمين في بلاد الحرب والظلم ولكل سجين مظلوم وكل شـَهيد وللأمة الإسلامية بالنصرة والعزة دومتم بــَخير .. وشكرا يا إيمان عل الإستضافة دومتي متألقة تــَحياتي : ســـَلمى ^-^ الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي

[مُنـــــايا]

منورة سلمي
وكل سنه وانتي طيبه حبيبتي
وتقبل الله منك صالح العبادات وجعلك من المقبولين ان شاء الله
تسلمي إيمي ع الاستضافه والبرنامج الجميل
لروحكم السعادة

[BaAnOtA 7eKayaa]

استضافه جميله يا ايمى
منوره سلمى ^^
مستنياكى بكره يا ايمااان ^^

[بنت خديجة]

منورة سلمى وكل سنة وانتي طيبة

تسلمي ايمان ع ضبوفك

[BaAnoOta]

آستضافه جميل ايمان جميل المجهود
سلمي كل سنه وانتي طيبه ..
وعجبتني جدا كلمتك الاخيرة فعلا بعض الدول اللي بتعاني تستاهل مننا دعوة حلوة قبل الفطار
عسي ربنا يتقبل مننا ويفك عنهم الكرب ..

ربي يسعدكم

[كريم عاصم]

حلقة مميزة من شخصية مميزة تعشق كرة القدم بجنون لها كل التقدير والاحترام تسلمى ايمى على المجهود كل سنه وانتوا طيبين

[حازم34]

اهلين اهلين اهلين وهلا ومرحبا نورتي البرنامج المحلله الرياضيه القديره الجميله سلمي


مبارك مبارك عليكم دايما ينعاد بكل خير يارب


وانتي باجمل واطهر ارض


بجوار بيت الله الحرام وام القري


يا سلام ربي يسعدك ويبارك في عمرك


حلقه جميله مميزه والله


وربي يسعدك يارب ايمان علي جمال البرنامج من افضل واجمل البرنامج التي ننتظرها


مبارك عليكم العشر الاواخر ربي يعودها عليكم بكل خير اااااااااااامين يارب

[اميرة الحب الضائع]

حلقه جميله جدااا

اسئله جميله جدا واجبات اروع من عضوه مميزه زى سلمى

مجهود رائع يا ايمان

متابعه معاكى ان شاء الله

[سَـلمَى]

إحـــــــــــــــــم

تششكرات يا إيمان عل الإستضافة الجميلة
سـَعيدة بإختيارك ليا في برنامجك ..

وشــــــــــــَكرا لكل شـَخص قرأ الحوار
وأســـَعدتوني كلكم بردودكم الحـــَلوة ..

كل عام وإنتو بــــــــــخير دايما ^^

تـــحياتي .. ♥

[hadeermahfouz]

حلوووووووووووووووووووووووووووووووووووووو