قوليلى ازاى

[دمعه حائره]

يامصر قوليلى إزاى

أكون عايش جواكى

ودايب دوب فى هواكى

وتطلع شمسك الصبح

تنور أرضك وسماكى

أقوم من النوم حزين مهموم

وحضنك اللى كان دافى

بقى غربة وملوش ليه لزوم

قوليلى إزاى

يضيع الحق على أرضك

يموت الحلم قصاد نظرك

وتطلع كلمة بتنهيدة

تنادى على كانوا أهلك

سابوكى وهربوا على البلدان

وقالوا مبقاش لينا فيكى مكان

وفاتوكى هنا لوحدك

قوليلى إزاى أبوس إيدك

هايكون إزاى هنا عيدك

ولسه هناك

عيون تستنى حق شهيد

وأطفال بيمدوا لغيرهم إيد

وبين قضبان وسجن حديد

أسامى كتير بتنادى

فين حقى ودى بلادى

يضيع إزاى هنا عمرى

وأقضى حياتى وشبابى

فى ظلم وقهر

عشان قولت أنا حر

وماأقلبش فى يوم أتهان

ويقولوا ده عميل وجبان

قوليلى إزاى

يا بلدى أعيش فيكى

تكونى وطنى وأحميكى

وأنا خايف تبعينى

وأنا اللى بالغالى اشتريكى
mena_hassan

29-6-2016

[*فجر الاسلام*]

ربنا يصلح الحال ويحفظ مصر من كل سوء
رائعه كلماتك غاليتى
تحيااااااااتى

[كريم عاصم]

الله الله
جميلة جدا قرأتها كاملا
واستوقفنى ختامها

قوليلى إزاى

يا بلدى أعيش فيكى

تكونى وطنى وأحميكى

وأنا خايف تبعينى

وأنا اللى بالغالى اشتريكى

أعجبنى بشدة
وأنا خايف تبعينى
وأنا بالغالى أشتريكى
ربنا يحميكِ أختى ويحمى مصر
تسلم إيدك منه

[فداااااااااااء]

بنفضل نعاتب ونعانى منها
لكن تفضل جوا القلب ما تخرج منه ابدا
الله يحمى بلدنا ويحفظها ويحفظ أهلها
كلمات رائعة منك منون سلمتى محبوبتى

[جنون قلب]

قوليلى ازأى يا مصر بتعاتبينى
وطـآلبه منى إنى احبكـ
وادوق من كـآس صبركـ
وتشربينى المر فى كـآسـآت
وتشيلينى هم اللى رآح واللى مــآت
وانتى فى الاصل السبب
وغأنتى اللى بدآتيهــآ وانتى اللى كتبتى
النهـآيــآت
.؟
.
هتفضل مصر موضوع شك كبير
ملهـآش ذنب
الذنب ذنبنــآ سكتنــآ فى الاول على حقنــآ
وسبنـآهم يقتلونــآ
ويشربوآ من دمنـــآ
ويسرقوآ زهره شبـآبنــآ
ويدفنوآ حلمنـــآ



مشكوره اختى دمعه حـآئره
على الموضوع اكثر من رآقى هَذآ
دُمتى ب أمــآن الله

[a7med -3del]

قبل ماقرا موضوعك حالا
لسه منزل موضوع غريب جدا
وكاننا متفقين
لما هتقريه لما ينزل هتفهمي
وهتقولي استحالة تكون كتبته قبل موضوعي
بس ده اللي حصل
تحياتي طبعا

[شاعرة الرومانسيه]

تسلم ايديكى منه حبيبتى

راائعه فى كل حروفك

ليس لقلمك مثيل

لا حرمنا الله من روعة حضورك الراقى

[ويبقى الأثر]

العيب مش فى البلد
لا فى اللى بييخونو ويبيعوا البلد
روعه حروفك حبيبتى
يسلم قلمك

[احساسى صحيح]

الايام بتثبت مين كان على حق ومين كان على باطل
اللى اتهموه بالتخابر وبيع الوطن هما اول من باعوه
وباعوا الانسانية وباعوا الكرامة والادمية
باعوا كل حاجه جميلة حبيناها فى بلدنا
بس ان شاء الله لن يصح إلا الصحيح
وسيعلم الذين ظلموا أى منقلب ينقلبون
احى رقى قلمك دمعه
تحياتى وتقديرى ..

[مهيب الركن .]

كلماتك اختى الكريمه فكرتنى بقصيده
كنت كتبتها من فتره لم أجد أفضل منها للرد على كلماتك
الرائعه واسلوبك الفائق الجمال

قصيدتى كان أسمها

أه يا بلد


أه يا بلد وفيكى كل شئ معيوب

منين ما أمشى بشوف قدامى كل شئ مقلوب

ناس عايشه فوق السحاب

وناس مدفونه تحت الأرض

ناس ليها الغنى مكتوب

وناس الفقر عليها فرض

فيكى اللى مات من الجوع

واللى عايش موجوع

واللى مقضيها بالطول و العرض

فيكى اللى من جوعه سرق رغيف

قالوا دا لص .. والقصاص منه أنه يندفن فى الطين

وفيكى الحرامى

اللى نهبك وسلب كل شئ فيكى سنين وسنين

ولسه بيتقاله إحنا ليك أسفين

أه يا بلد

ولسه عندى امل يتعدل فيكى كل شئ مقلوب

ويجى يوم ومشفش فيكى أى شئ معيوب

أه يا بلد

كل اللى ظلمك جبتى راسه الأرض

ومفيش حد هانك ... إلا وبات مغلوب

بقلم مهيب