" مش كنتي تقوليلي" آغنية جديدة

[αЛαstoOorα]

مش كنتي تقوليلي؟ آنك آنتي غير جميع الناس بجد؟ وآن قلبك عمره ما كان يوم لحد وآن زمنك جوه زمن الكون بعيد وآمتلاكك صعب يبقة ف بطن يد / مش كنتي تقوليلي؟ وتفهميني آنك ف دنيا المفقودين وان ملامحك فيها زرعة من الحنين وآنك بريئة ف شكل روح جوه الجنين وآن اللي زيك ف الهوي قُليلين؟ / مش كنتي تقوليلي؟ يا آم العيون تطرح مداين لآبتسام قلبك دا كون للرحمة بيوزع سلام حتي مشاعرك تبقة للعشاق علام وان الكلام لعنيكي محتاج للكلام / مش كنتي تقوليلي؟ دنا قلبي داب علشان لقيتك ف العلالي لا انا عارف اوصلك ولا سايبة خيالي من يوم ماحبك ليا قربلي وجالي مبنمش آبداً بالساعات بسهر ليالي / مش كنتي تقوليلي كل السنين اللي فاتتني بدون عنيكي كنت بموت وحياتي قامت بين اديكي معرفتش آعشق غير ياروحي هواكي فيكي آنتي هنا وانا كل دا بدور عليكي مش كنتي تقوليلي؟ /https://αЛαstoOorα

[*فجر الاسلام*]

هههه انت هتضربنا ولا ايه ماتغنى براحتك
لا بجد حلوه بس احنا مش سامعين اللحن
هتنزل امتا دى
ربنا يسعدك وتسلم ايدك ويدوم الابداع شاعرنا
تحياااااااتى

[دمعه حائره]

فيه ناس نادر وجودهم وبيكونوا هديه ربنا لينا
دول لازم نتمسك بيهم على قد مانقدر
كلمات فى منتهى الجمال
انت مبدع يا منشاوى وكل خواطرك رائعه

[فداااااااااااء]

كلمات جميلة منك اخى المنشاوى
دوما مبدع اخى فى رسم الحروف
دامت روعة ما تنثره هنا اخى
خالص احترامى

[ويبقى الأثر]

روعه بجد امبراطور العاميه
تقديرى وتقييمى بقا

[حـيـــــآة ❤]

كلمآت فائقة الجمال
ناس بتيجي وناس بتروح
لكن القلب بيتمسك بشخص واحد
..
تحياتي ليك فارسـ
دمت بحفط الله

[فصيح]

ررشاقه في الكلمات والاسلوب
ورقة مشاعر وعذوبه متناهيه
مشكور اخوي

[αЛαstoOorα]

اقتباس المشاركة الأصلية كتبت بواسطة fagr alislam هههه انت هتضربنا ولا ايه ماتغنى براحتك لا بجد حلوه بس احنا مش سامعين اللحن هتنزل امتا دى ربنا يسعدك وتسلم ايدك ويدوم الابداع شاعرنا تحياااااااتى

هلحنها وانزلكم صوتي ان شاء الله ^^
منورة يافجر

[BaAnoOta]

جميلـةة جدآ الكلمات ي منششـآوي ^^
وآلاجمل من الكلمات آلموزه اللي ف الاول دي

كدبت انا لمآ قلتلك انت مطرب الجيل ههههههههه

[αЛαstoOorα]

اقتباس المشاركة الأصلية كتبت بواسطة دمعه حائره فيه ناس نادر وجودهم وبيكونوا هديه ربنا لينا دول لازم نتمسك بيهم على قد مانقدر كلمات فى منتهى الجمال انت مبدع يا منشاوى وكل خواطرك رائعه

فعلاً ..في شخصيات نادرة بتبقة زي اللي مرسومة ف خيالك او اكبر
هي الآغنية بتقول آنها آنسانة مواصفتها قليل جداً لما حد يلاقيها
وبرغم دا آن المواصفات آي حد يتمناها ..بس دا كلام شعر..
تفتكري في كدا بجد ^^