بنـــت اللذيــذة

[شاعر الحب الحزين]

ما شفت زيها ف شبرا

ولا شفت زيها في الجيزة

ولا مكياج ولا حتى حومرا

هي بطبعها حلوة ولذيذة

وانا ليه اتعب واسافر بره

وسفري لقلبها مش محتاج فيزا

ضحكتها بتحلي الأيام المرة

مشيتها رقتها فيها كذا ميزا

سحر جمالها أحلى من بوسي ودرة

احفظها يارب من كل عين وتعويذة

اه لو تقرب وتجرب تعرف ولو مرة

قد إيه هي غالية ع القلب وعزيزة


تسلملي اللي كبرت ويسلملي اللي ربى

لو كلهم حلوين زيك مكنش هيبقى مصانع للمربى

سكوتك أحلى لغة في الوجود

عطر احساسك ولا كل الوروود

لو ليا كلام مع القمر كنت هقوله لو شافك يروح يستخبى

بنت بلادي بنت اللذيذة ديه ولا كل بنات العالم وأوروبا


كل سنة وانتي طيبة كل يوم كل ساعة كل دقيقة

اطمني يا قلبي حبي ليكي هيستمر بنفس الطريقة

انتي عيدي شرياني ووريدي وقديمي وجديدي

إنتي الأصل والصورة ما شفت في المنصورة قدك بنت رقيقة

حبي ليكي هيفضل باقي حنين قلبي واشتياقي

رغم بعادك أقرب لنفسي مني ما انتي الغالية والحبيبة والصديقة


كل سنة وانتم طيبين جميعا وبألف خير

ربنا يجعل كل أيامكم فرح وسعادة ويحفظكم من كل شر ..اللهم آمين



شـــــــــــــــــــــــــــــــــــــــــــ . حـــــــــــــــــــــــــــــــــــــــــــــــــ ـ

[حـيـــــآة ❤]

دي معاكسه ولا شعر استاذي هههه
طبعا روعه كالعاده
تحياتي لشخصك الراقي
كل عام وانت بخير وبصحه يارب
دمت بحفظ الله
" "

[ParoOo]

الشعر ده نوعه ايه بالظبط هههههههه ^^
يدووم ابداعك خاالد ^^

[Aya 7ekaya]

هههههههههههه لفت نظرى العنوان علشان امى ديما بتقول الكلمه دى
دى معاكسه ليله العيد بقا ولا ايه ^^

[حكاية حب]

جميله اوي يا شاعر

عاميه خفيفة الظل

رومانسيه لذيذه

تحياتي ليك شاعر

[فداااااااااااء]

ههههه والله شعر عمل جو بهجة
جميلة كلماتك اخى شاعر
وكويس أن حد اعترف أن بنات مصر احلى من أوربا
هههه مع ان الحقيقة واضحة هههه
تسلم ايدك اخى ولا حرمنا الله من عطر تواجدك
خالص احترامى لك
عيد سعيد عليك

[جبل عالي]

هههههه الله عليك بجد ياخالد
عاميه بنت لذيذة جدااااا
خفة ظل وجمال وصف وادب حوار
سلاسه تلازم قلمك المفعم بالاحساس
يدوم الروعه والجمال ياطيب القلب والسريرة
وقبعه لمن يرى في قومه جمال الكون مهما كان
تحيتي لك وكل تقديري

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ دي معاكسه ولا شعر استاذي هههه طبعا روعه كالعاده تحياتي لشخصك الراقي كل عام وانت بخير وبصحه يارب دمت بحفظ الله " "

هههههاي سميه اللي تسميه

مقبولة منك يا هاجر

وانتي طيبة وبألف خير يارب

أسعدتيني برقى حضورك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة بنوته مصريه ميه ميه الشعر ده نوعه ايه بالظبط هههههههه ^^ يدووم ابداعك خاالد ^^

ههههاي وربنا ما اعرف نوعه ايه

بس اهو كلام واتكتب يا هايدي

نورتيني واسعدني وجودك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة aya 7ekaya هههههههههههه لفت نظرى العنوان علشان امى ديما بتقول الكلمه دى دى معاكسه ليله العيد بقا ولا ايه ^^

هههههاي حقها تقولك كده يا آية

لا ده اللي كان مستخبي ف رمضان ههههاي

نورتيني آية واسعدتيني بوجودك

ربنا يوفقك ويسعدك