كنـــت فاكــــر

[شاعر الحب الحزين]

فوق الظروف الصعبة خطيت عشان أجيلك

مكنش حد في الدنيا غيرك هاممني

أمسح دموع وائيد شموع الحب واكتب واغنيلك

ويبقى ردك إما صمت أو كلام بيصدمني

اكتم في قلبي ظلم الدنيا والناس واجي احكيلك

مـا الاقيــش حـد قــدك إنتـي ظالمني

كنت بفتح لقلبي سيرتك بحضن صورتك واناديلك

وانتي بعيدة وقلبك من الحب حارمني

تهديني ضلمة إحساسك وتهدي لغيري ضي قناديلك

أهديكي الفرح وانتي بالجرح قلبك بيقاسمني


كنت فاكر إن الدنيا والناس عايزيننا نفتــرق

واكتشفت إنك إنتي اللي مش عايزاني

بقــى بعــد مــا قلبــي ف حبــــك غــــــرق

اكتشــف إنــك واقعــة ف حــب تانــــي


أنا حبيتك بجد فضلتك عن أي حد

عارف إنك مش ليا بس مش قادر أنساكي

مش عايز بعدك حب تاني

عاجبني افضل في حبك أعاني

لو هتحبي ألف مرة هتفضلي ف قلبي حتى لو مش معاكي


وإن يوم رجعتك الأيام لسكتي ودربي

مش هقبل رجوعك ليا

هحبك بيني وبيني هحفظ حبك في قلبي

مش هيبان حتى ف عنيا

كنت فاكر إنك الوحيدة اللي هتقفي جنبي

طلعتي زي الأيام وجيتي عليا

معرفش ليه حبيتك يمكن كانت غلطتي وذنبي

اخترت صح بس كنت انا الضحية



شــــــــــــــــــــــــــــــــ . حـــــــــــــــــــــــــــــــــــ

[ParoOo]

تماام اووى ^_^
جميييييله جدا يا خاالد ^_^
تعرف انى قرأتها فى الاول نت فاكر وداخله ع اساس انها قصة نت لنت حد ههههههههههه ^_^

[راجعة لحبيبى]

كثيريكون الحب سبب للتعاسه والعذاب
تسلم شاعرناخالد
الله يكون بالعون
لروحك السعاده

[شاعر الحب الحزين]

اقتباس المشاركة الأصلية كتبت بواسطة بنوته مصريه ميه ميه تماام اووى ^_^ جميييييله جدا يا خاالد ^_^ تعرف انى قرأتها فى الاول نت فاكر وداخله ع اساس انها قصة نت لنت حد ههههههههههه ^_^

هههههههههاي ازاي جت معاكي كده

ههههههاي لخبطتيلي مخي يا بنت الحلال ههههههاي

وجودك الأجمل يا هايدي تسلمي

والله ضحكتيني واسعدتيني بوجودك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة راجعة لحبيبى كثيريكون الحب سبب للتعاسه والعذاب تسلم شاعرناخالد الله يكون بالعون لروحك السعاده

ومع هيك بيضل الحب موجود

الله يسلم نبض قلبك عنود

أسعدتيني بهالحضور الطيب الرقيق

ربي يوفقك ويسعدك

[شاعرة الرومانسيه]

جميل ياخالد فى كل حالاتك

سلاسه رائعه وبساطه اروع واحساس اروع واروع

ما اجمل الابجديه بين ايديك خالد

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه جميل ياخالد فى كل حالاتك سلاسه رائعه وبساطه اروع واحساس اروع واروع ما اجمل الابجديه بين ايديك خالد

حنين الروعة كلها تكمن بحضورك الغالي

كم اشتقت لهذا التواجد الرقيق وكم يسعدني

أسعدتيني بروعة ونقاء حضورك يا حنين

ربي يوفقك ويسعدك

[ويبقى الأثر]

ويبقى لقلملك روح لايشبهها احد
جميل ماخطه خالد
لقلبك السعاده

[*فجر الاسلام*]

بوص بقى اكيد هى اللى فى أتلذذ بعذابها وزهقت من معاملتك هههههه
بجد كلامك بسيط ورائع
يدوم ابداعك يا استاذ ربى يسعدك
تحياتى

[ParoOo]

اقتباس المشاركة الأصلية كتبت بواسطة شاعر الحب الحزين هههههههههاي ازاي جت معاكي كده ههههههاي لخبطتيلي مخي يا بنت الحلال ههههههاي وجودك الأجمل يا هايدي تسلمي والله ضحكتيني واسعدتيني بوجودك ربنا يوفقك ويسعدك

معرفش وربنا هيا جات كدا !
سلامتك من اللخبطه احاج خاالد