سلسلة~حارة البتنجان~

[اميرة الحب الضائع]

عملت بحث على جوجل عن اماكن غير معروفه فى مصر طلعلى حارة البتنجان طبعا اندهشت من الاسم الغريب ووقفت مع نفسى وقفه وقلت لازم انزل ل ارض الواقع واروح حارة البتنجان عشان اشوف الناس الى هناك والمكان عامل ازاى ولما روحت شفت التالى عديت على قهوه اسمها المستكه وعليها اتعرفت على منعم و مرزوق واول لما دخلت شفت الحوار التالى الحياه دى مدرسه والعيال دى كويسه واقنعونى ان الانبوبه دى فضيه ومهيسا ياااااااااااااااااالييييييييييللللللللللل منعم: الله عليك يا فنان حيات ابوك اوعى تغنى تانى صوتك حرام مرزوق: اخص عليك يا منعم دا انا اسطوره والاسطوره بتقول منعم :عايز بجنيه فول هههههههههه مرزوق :رخمه يا بايخ منعم :اخص عليك كدا بردو مرزوق :طب اسمع الاسطوره قالت منعم :مصر يا ما شالت هههههههههههه دا انا عليا جمل مرزوق: وحياة العيش والملح ل اعلم عليك منعم :اخص عليك يا عم وانا :طبعا كان لازم ادخل واوقف مهزلة الالش الرخيص ده انا :هاى يا جماعه منعم: نعم يا انسه اومرى انا :الامر لله يا كبتن مرزوق :هههههههههههه بقيت كبتن ياض يا منعم منعم :بس يا مرزوق عيب الانسه شكلها جديده فى المنطقه انا طبعا اندهشت من اسم مرزوق كنت اول مره اسمعو فا سالتو لو سمحت هو انت اسمك كدا فعلا مرزوق: لاء جرافيك ههههههههه انا يخربيت ظارفه دمك (طبعا فى سرى ) طب معلش شكلى عطلتكو واتمشيت شويه فى الحاره العجيبه دى ولقيت طنط شلبيه بتاعت الملوخيه ولما شوفتها دار بنا الحوار ده هاى: يا طنط شلبيه: طنط ايه ابوت انتى بتشتمينى انا :لاء يا طنط شلبيه: هتقولى يا طنط تانى انا :بصى يا وليه انتى شلبيه: ايوه كدا انا :فرحانه عشان قولتلك يا وليه طيب بصى انا عيزه اعرف information عن المكان شلبيه: مين يا اختى انا :معلش اصدى اعرف معلومات عن المكان شلبيه: بصى يا ستى انا احلى ست هناا انا: طبعا مهو واضح شلبيه: الاتنين الى على القهوه دول عوطليه منعم ومرزوق انا: اها عرفتهم وفجاء يقطع كلمنا طنط انشراح انشراح: انتى يا وليه يا شلبيه عيزه بجنيه جرير شلبيه :خدى فين الفلوس انشراح: بعدين شلبيه :بعدين ايه يا وليه بقالك سنه بتخدى جرجير وشبت وبقدونس وملوخيه وتقوليلى بعدين انشراح :انتى بتزلينى يا شلبيه بدل ما تقوليلى كتر خيرك انى باخد الخضره بتعتك بدل ما تبوظ شلبيه: تبوظ ليه ياااااااااااااااعمررررررررررررر دا انا احلى خضره فى الحاره انا طبعا لازم اهدى الموقف خلاص اهدى يا طنط انتى وهى انشراح :طنط ايه يا بت انتى اتلمى عيب انا :هى ايه مشكله الحاره دى مع طنط شلبيه: تعاليلى هنا للتك سوده يا انشراح يا ايحه يا تلقيحه يالى العشره منك يتحطو فى صفيحه انا طبعا انبهرت ازاى جابت الوزن والقافيه دول انشراح: انا ايحه يا شعر عيره يا لون خميره يا رد الرد وانا طبعا كان لازم اخلع ابل ما اضرب فى النص وكملت المسيره بتعتى فى حارة البتنجان لحد مالقيت كوافير لولو وطبعا لازم ادخل افهم فى ايه جوه لحد مالقيت انبهرات اكتر من الى شفها بره انا :لو سمحت لؤى: نعم يا انسه طبعا سمعت صوت فظيع صوت عرس صراصير حاجه زى كدا فا قولت يمكن ودانى وجعانى لو سمحت ونفس الصوت تانى انا :هو انت بجد لؤى: امال هزار انا :لاء معلش انا اسفه قولى انت الكوافير الى هنا لؤى: اه انا صاحب المحل انا :طيب بيجيلك ستات لؤى: لاء رجاله يخربيت الذكاء انا :معاك حق بسال اساله غبيه طب ممكن تكلمنى عن ستات الحاره لؤى: اععملك شعرك الاول انا :لاء معلش انا محجبه الحمد لله ومش بروح غير عن الكوفير بتاعى لوءى :خلاص اعملك مصك لوشك هيصغرك 30 سنه انا :باندفاع ليه ان شاء الله شايفنى عندى 80 سنه لؤى: طب اعملك منوكير انا :يا عم انت عايز تطلع بمصلحه وخلاص لؤى: طب يلا من هنا يا بت انتى انا :بت ماشى خلاص اعملى المصك بتاعك ده اما نشوف اخرتها بس تحكيلى وانت بتحطهولى لؤى: حاضر بصى يا ستى عندك انشراح دى شرشوحه ومحدش ياخد معها حق ولا باطل وعندك فوزيه مرات المعلم فوزى الوليه دى اكتر وحده مسيطره فى الحاره كلمتها مسموعه من كل ستات الحاره وعلى جوزها كمان المعلم فوزى وابنها برعى دى عليها لسان مبرد واديها تجيب جلطه لو اخدتى منها قلم واحد بس انا طبعا عندى فضول اعرف الست فوزيه الاويه المفتريه لؤى :يلا بصى فى المرايه شوفى نفسك كدا انا :يالهووووووووووووووى مين ده لؤى: ده مين سلامة الشوف دى انتى يا هانم انا :هانم مين بس دا انا بقيت شاويش منك لله وبكدا خلصت مغمراة اول يوم فى حارة البتنجان

[العاشق الذى لم يتب]

اناعلى فكرة كنت ساكن فيها
وشوفتك هناك
هههه
شاطرة ياميرا
ومنورة الدنيا
جامدة دى اوى

[اميرة الحب الضائع]

اقتباس المشاركة الأصلية كتبت بواسطة العاشق الذى لم يتب اناعلى فكرة كنت ساكن فيها وشوفتك هناك هههه شاطرة ياميرا ومنورة الدنيا جامدة دى اوى

شفتنى وانا شبه الشويش عطيه

دا نور حضرتك طبعا

[شاعر الحب الحزين]

هههههههههههههههههههاي

كل ده ف حارة البتنجان

ده ايه الجمال ده كله لا بجد ماشاء الله عليكي يا اميرة

خليتيني اتخيل الموقف كده صوت وصورة ووقعت من الضحك

وحشتنا السلسلات الحلوة دي وهستنى اليوم التاني والتالت

اما اشوف هتعملي ايه ف طنط لؤي ده ههههاي

منورة الدنيا بوجودك

[اميرة الحب الضائع]

اقتباس المشاركة الأصلية كتبت بواسطة شاعر الحب الحزين هههههههههههههههههههاي كل ده ف حارة البتنجان ده ايه الجمال ده كله لا بجد ماشاء الله عليكي يا اميرة خليتيني اتخيل الموقف كده صوت وصورة ووقعت من الضحك وحشتنا السلسلات الحلوة دي وهستنى اليوم التاني والتالت اما اشوف هتعملي ايه ف طنط لؤي ده ههههاي منورة الدنيا بوجودك

هههههههههه طنط لؤى للتو عنب

دى اقل حاجه عشان نسعد الجمهور بس

هههههه ان شاء الله تجد ما يسرك فى الحلقات الجيه

[mohamed elserafy]

شكراً جزيلاً لك موبو ماركت

[فداااااااااااء]

هههههه اظاهر دى حارة ممتعة
حلوة الخزعبلاية أميرة
تسلم ايدك يا قمر

[αЛαstoOorα]

هههههههه
دا آنتي طلعتي موضوع يابنتي ^^

[ايمان طلعت]

حارة البتنجان
كلها توهان
توديك على المورستان
حلوة اوي ميرا
تحياتي