شفـــت كتيــــــر

[شاعر الحب الحزين]

شفت اللي بيوفي لأحبابه

ما شاف الوفا يوم منهم

قد ما حاول ينساهم ف غيابه

ولا قدر ينسى ويتخلى عنهم

لحد ما إخلاصه مات على بابه

ومع الأيام بقى واحد منهم

شفت اللي في الحزن ضاع شبابه

ولما كبر ضحكتله الأيام

بقى يتحسر ويندم ومعملش حسابه

إن ضحكتها بتقلب دمع أوام

شفت اللي كتب سطور الفرح ف كتابه

وف قلبه هموم ودموع وآلام

شفت اللي مداري ضحكته عن أهله وأصحابه

وف قلبه سعادة تكفيه سنين قدام

دنيا اتقلبت بغرورها غلبت ناس من الظلم دابوا

حرامها حلال وحلالها صبح حرام



شفت الظالم الناس بيحترموه اكتر من التقي العالم

شفت القوي بيستغل قوته على كل ضعيف ومسالم

شايف خلايق بتضل وشايف خلايق بتهتدي

شايف ذنوب شايف عيوب معظمنا فيها رضي

شايف بداية بتنتهي وشايف نهاية بتبتدي

شايف دنيا ف آخر وقت وربنا لوحده هو اللي عالم



في حاجات بنشوفها كتير وبننساها

وحاجات بنشوفها مرة وبنفضل فاكرينها

في ذكريات بنحبها وذكريات نندم إننا عشناها

في حاجات لو سكنت قلوبنا صعب تخرج منها

في الدنيا حاجات ملكنا بنرفضها وحاجات بعيدة بنتمناها

الرضا نعمة بس كتير ناس محرومة منها

لو نرضى بنصيبنا هنصبر عاللي يصيبنا من الدنيا وقساها

هنشوف حقيقة الدنيا لو كنا مش عارفينها




شـــــــــــــــــــــــــــــــــــــــــ . حـــــــــــــــــــــــــــــــــــــــــ

[*فجر الاسلام*]

لو نرضى بنصيبنا هنصبر عاللي يصيبنا
الخلاصه يا استاااااااااااااااذ
راااااااااائعه جدا حروفك ربى يسعدك
تحيااتى

[فداااااااااااء]

لما بقرأ لك بحس بمدى التنوع فى كتاباتك مش ببقى عارفة هتكتب عن الحياة ولا عن المشاعر
تنوع كتاباتك وجمال التعبير بالكلمة دايما بيميزك اخى شاعر
سلم النبض ودام رقيك وابداعك

[غالي الأثمان]

بصراحه انت تمتلك ذوق راقي في ماهو مميّز وجميل
دايما كلاماتك ترتدي ثوب التميز والابداع الثقيلان
صح أحساسك ولسانك ودام توهجك
يجبرني قـلمك دوما أن احلق بعيد حيث الإبداع
اللا متناهي والجمال الخلاب والكلمة الراقية الفذه
صانع راقي للحروف تنسجها بإحترافية عالية تنم عن فكر متميز ومتفرد
اسجل اعجابي بقلمك وسيكون لي موعد مع جديدك دوماالرائع

[اميرة الحب الضائع]

ديما بيكون عندك جديد فى اختيار المواضيع

والكلمات بجد فى كل مره بتبهرنى اكتر من الاول

يدوم الابداع

[العاشق الذى لم يتب]

مبدعناالراقى
وشاعرنا البديع
وصديقى المخلص الغالى خالد
سلمت يمناك
وجميل النصح
دعواتى

[مُنـــــايا]

خالد. //
دوما وراء حروفك هدف وغاية
تكتب عن فكرة ومضمون لا تكتب عبثا
وهذا ما يميزك أخي
سلام على عطر الحرف والروح والقلب.....
سلمت والنبض
لروحكـ السعادة

[طارق الجميل]

ولا احلى ولا اجمل من الصبر والرضا جمال النفس
او جمال الروح هو في القناعه بالمقسوم تحياتى
ليك ياغالى على رائعتك التي تدعونا جميعا للرضا
بما نحن فيه ومانعيشه وماسنراه

[جبل عالي]

هو الرضا ياصديق الحرف بالاحساس
اكثر من رائع ياخالد
ربي يديم عليك نعمه الرضا يارب
تسلم ايدك وقلبك
كن بكل الخير دائما

[Lamees]

ومين قال ان الدنيا جميلة
دي خداعة ومالهاش امان
بس الرضا مطلوب والصبر على الشدائد

جميلة خالد
راقي كالعادة
يسلم القلم ونبضه