رجع بعد الغياب.. تابع مسابقة شاعر العامية

[YOo YA]

السلام عليكم ورحمه الله وبركاته
كلنا ايامنا مليانه حكايات
بس احيانا فرح واحيانا ندم علي ماضي فات
هحكي حكايته كتبها بجرحه ع الحب اللي مات
قال دي زكريات ...
ف بدايه حبه بلسانه قال ..
كنت لوحدي بعد ما اتوفي والدي
كنت شايفها سواد . وبقول ايامي بتعدي..
لحد ما عدت قدامي عيونها .. لقيت فيها سندي ..
حبتها ..شفت فيها الدنيا .. بس قربنا وجوازنا مش كان بيدي ..
كان ..
بينا حكايات .. كلمات.. همسات .. نظرات .. احلي نبرات
قلتها ف الحب معاكي بس مفيش شئ بيدي
لازم ابعد ولو مش هقدر وانتي حكمك .. اهه ايام وتعدي
قالتي هتستناك .. لحد ما ترجعلي .. يرجع ليا حبي وسندي..
وسافرت ..
رحت بعيد ..
اشتغلت وجديت..
قرش بقرش لميت ..
احيانا الاكل ما لقيت ..
قصرت ف حق نفسي ع شان حبيبتي ..!

سكنت بكل شئ ف عيني صورتها
لاني بجد فعلا حبيتها
قلت بتستناني ولازم ارجع وادخل بيتها ..
لما رجعت ..
سمعت ..
جالها غيري .. فيه اللي مش فيا
قابلتها .. سالتها .. ع وعدك وهتبقي ليا !
نبره صوتك اتغيرت .. فين كلامك .. اشتقتي ليا ..
ردت .. قالت الصبر طال وفاض بيا .. اسفه مش بايديا ..
قولتها الوداع ي نور عنيا ..
!!!
بعدت ..
وقت قصير .. كل شئ اتغير
بدات انا اتغير وف مستوايا اتطور ..
..
شافت الحال
وحصل اللي ولا ع البال
رجعت !!وباي حال ..
تعيد جرح .. تعيد حب رجوعه محال ..
كان زمان رجوعنا احتمال..
بس دلوقت ..
عدا الوقت ..
وانتي ندمتي وانا ما ندمت ..
ورجعتي وكلك خاينه .. خلاص عن وهم الحب بعدت..
وم الجرح انا توبت ..

[شاعر الحب الحزين]

إيه الجمال والإحساس ده كله

بسم الله ما شاء الله عليكي يا آية

لا بجد أتقنتي التعبير بسطور جميلة عن القصة

ببصملك بالعشرة على ابداعك واحساسك العالي

موفقة في المسابقة ان شاء الله يا آية

[YOo YA]

مين الطيب الله يخليه ويصلح حاله
اللي عدل لي العنوان كنت لسه داخله اعدله
ههههه

[YOo YA]

اقتباس المشاركة الأصلية كتبت بواسطة شاعر الحب الحزين إيه الجمال والإحساس ده كله بسم الله ما شاء الله عليكي يا آية لا بجد أتقنتي التعبير بسطور جميلة عن القصة ببصملك بالعشرة على ابداعك واحساسك العالي موفقة في المسابقة ان شاء الله يا آية

ربنا يكرمك ي رب
ربنا يوفقنا جميعا
مرورك اعتز بيه
نورتني .. ~

[fanaa]

الله عليكى ياقمرايه تسلم ايدك

[YOo YA]

اقتباس المشاركة الأصلية كتبت بواسطة fanaa الله عليكى ياقمرايه تسلم ايدك

تسلميلي ي رب
نورتي ♡

[وباء الحب]

احساسك رائع
بجد عجبتني
سؤال
احط الموضوع ف مفضلتي ازاي؟
ولا مفيش هنا مفضلة؟

[*فجر الاسلام*]

حلو التعبير حبيبتى اجدتيه باتقان
الله يوفقك
تحياااااتى

[راجعة لحبيبى]

ماشالله عليك ايه
طلعت حكايه
روعه الخاطره
تسلمين

[واد حبيب]

الله علي ابداعك الجميل يا اية
بجد كلمات جميله جدااا منك
كلمات في قمه الابداع العالي
تسلم يدك