ملوش ف القلب ميزان (شاعر العامية)

[د/ عبد الله]

وجيتي ف مرة على بالى ومعرفشي ده ايه جابك حرقت الصورة في خيالي ومحيت ف الهوى كتابك أكيد جايه تقويني وتحيي الألم فيّا وإن مرة نسيت تصحيني وأشوف الجرح بعنيا أيوة أنا العاشق ومين غيري أيوة أنا الحارس على طيري أنا اللي شربت الهوى فيكي بكل طعم ولون وكاسك حلو ف ايديكي لكن عايزه معايه يكون وأنا ف الدنيا مملكشي تمن يقدر يجمعنا غير حُبي اللي ماليني وحبي صبح بلا معنى وروحت ف أرض غير أرضي أشيل الشقا على أكتافي منايا أجيلك على وعدي ولا تبكي ولا تخافي وجيتلك شوقي بيرفرف على قلبي ويندهلك وكأني عليكي بتعرّف ولأول مرة بسمعلك وبان ف عنيكي من نظرة وقولتيها.. خلاص ملّيت ومش قادرة وهان الحب وشبابي اللي دوبته وعذرك لما خنتيني قال إنك هتعيشي ف الحياة مرة وعشتيها... لكنّي حلفت لتكون الأماني ف ايديا وارفع راسي ف الكون وتبقى الدنيا تحتيا ونلت منايا م الدنيا لقيتك بالدموع جايه وفاكراني هحن إليكي من تاني وبكل برود بتعتذري وبتقولي انك ضحية ولو هقبل ف يوم عذرك أكيد...هبقى أنا الجاني أنا رافضك.. ولو جايالي بالمجان أنا بايعك.. وعمري ما أكون خسران أنا شاري الحب بالدنيا لكن حبك.. ملوش ف القلب ميزان.

[راجعة لحبيبى]

ماشاءالله عليك دكتورعبده
ميله قصه الخاطره
انت الشاعرالكبير
وليش ماتكون كلماتك جميله
بالتوفيق
لروحك السعاده

[شاعرة الرومانسيه]

تسلم ايديك يادكتور

كلمات رائعه كالعاده

[Lamees]

حبك مالوش في القلب ميزان
عجبني حدا التعبير
رائع جدا دكتور عبد الله
موفق

[αЛαstoOorα]

لو ينفع آقول رآيي كنت قولت والله
بس آنا آتأثرت بحبة حاجات يادوك ^^
بالتوفيق بقة والله

[fanaa]

جميله الكلمات يا دوك
الله يديم حرفك الجميل

[مُنـــــايا]

الله الله الله...
تجسيد معبر للقصة في صورة شعرية رائعه
وكلمات في منتهي الروعة
ولما لا ....وهي من أستاذ الشعر والفصاحة والبيان
سلمت والنبض أستاذي
بالتوفيق إن شاء الله
لروحكـ السعادة

[السفيره عزيزه]

والعزف هنا منفرد للحبيب
اجتمع الحسن .لغة واحساس
من القلم اللبيب
جاد من فيض الشعور
فنعم المخاطب والخطيب
حبيبة فى القلب مقامها
يطيب
تفعل ما يحلو لها ف ميزان
حبها لم يعد لة حسيب

يفيض فوق المعيار والمقياس
لا يهاب رقيب

ذات الدلال والجمال
يا ليتها لقلبي تجيب

وتحنو طرفة عين وقليل
يرجع الحق السليب

فانا قانع بما تجودين بة
يا من حفرت اسمها
على جدار القلب
المهيب
الا تعودي .دنياي
بعدك لم تطيب

دمت بخير حال
تمنياتي بكل الخير
والسعادة

[ويبقى الأثر]

جميله اوى يادكتور
حرف واحساس
بالتوفيق يارب

[كريم عاصم]

د/ عبدالله من أروع ماقرأت أسلوب وأدعاء وشعر غنائى خلاب ياقيصر أبدعت بما قدمت جعلتى أصل لقمة الإستمتاع تحية عطرة بالورد مغلفة بجمال ماسطرت تقدير بحجم روعتك دمت فى تألق