حكايتي في الحب (شاعر العامية)

[شاعر الحب الحزين]

كان هو دنيتي وكل ما ليا

هو اللي كان مالي الدنيا عليا

وراح زي اللي راحوا

فات قلبي ف جراحه

وخوف وحدة والدموع مالية عنيا

من بعد غيابك يا والدي

وانا قافل عليا بابي لوحدي

لا انا قادر اتحمل غيابك ولا قادر اعيش في الدنيا ديه


مكنش عندي أمل ولا هدف ولا أحلام

كنت شايف الدنيا ف عيني سواد وحطام

بمشي مش عارف رايح على فين

برجـع ومـش عـارف انا جاي منين

قاتلني يأسي وبصبر نفسي بدمع العين

ضايع مني واخداني مني الدنيا وغربة الأيام

وف يوم راجع بسابق خطوتي للبيت

نسيت محفظتي وسجايري

ورجعت اجري اجيبهم من مطرح ما جيت

لقيتها قاعدة ف مكاني ساعتها تاه مني الكلام

بنظرة جابتني عيونها صابتني صابت القلب بسهام

قعدت جنبها ومش عارف اقولها إيه

قالتلي مالك قلت تعبان قالتلي ليه

قلت ليها حكايتي قالت معلش دي هي دنيا والسلام


عوضتني عن كل اللي فات

صحت جوايا قلبي اللي مات

كنت تايه ولقيت نفسي

رسمتلي المستقبل ونستني الذكريات

كانت بالنسبالي عمري

كانت ف نظري أحلا وأغلى البنات


قالت انتا اللي بحلم بيه وطول عمري بتمناه

قلت أنا ما بملكش في حياتي غيرك

قلتلك حكايتي وإنتي حبيبتي عارفة البير وغطاه

قالت سافر وانا هستناك مش هرضى بغيرك


سافرت واتغربت اشتغلت وتعبت

عشان احوش مهرها واتجوزها

في الغربة ضحيت كتير واتعذبت

وقلت لازم اتعب مادام عاوزها


رجعت لبلادي اللي مليش حد غيرها فيها

قابلتها ببساطتي وقابلتني وهي الغرور ماليها

قلت مالك حبيبتي إيه اللي حاصل

قالت بابا بيتصل خلاص بكرا نتقابل

قالتلي انا فاض الصبر بيا قلت دي حياتك وانتي حرة فيها

عرفت من اصحابها إن في حد تاني ف غيابي كان متقدم ليها


تعبت شوية لكن رجعت أقوى بكتير

ربنا فتحها عليا ورزقني رزق كبير

ورجعت وطلبت انها تقابلني

قالت انا آسفة سامحني

قالت ارجعلي بس واقبلني

قلت وجوزك اتطلق منه عشانك يا أمير

هههه دي فعلا دنية مصالح

نسيتي قلتيلي إيه امبارح

مش قادرة اصبر وعيبتي عليا عشان فقير

أنانية انتي خاينة العشرة وغدارة

انتي هتفضلي كده طول عمرك محتارة

الحب ف نظرك مال وجاه وعمارة

متعرفيش الحب شاطرة في الكدب ملكيش كبير

امشي من قدامي يلا عشان ورايا حاجات كتير



شـــــــــــــــــــــــــــــ . حـــــــــــــــــــــــــــــــ

[fanaa]

كلمات جميله يابن والدى اشاعر
يدوم الحرف الراقى

[αЛαstoOorα]

روعة يا خلودا
رآيي ف التقييم بآذن الله
راقي ف آبداعك دوماً
بالتوفيق يانجم

[Śลяą..ღ]

دايماا ربنا بيعوض ..

سرد جميل لحكايه جميله
تسلم خالد ع الكلمات الحلوة
دايماا مبدع بطرحك

موفق

[طارق الجميل]

انا شايف حكايه جميله بكل تفاصيلها وانا قولت ان المتعه
ان كل واحد بيحكى باسلوبه وطريقته ودا قمة الجمال
تحياتى ليك اخى خالد وبالتوفيق ان شاء الله روعه

[مُنـــــايا]

روعة خالد

سردتها بكلمات جميلة
دام نبض قلمك وابداعك
بالتوفيق إن شاء الله
لروحكـ السعادة

[ويبقى الأثر]

جمييييييله كتير خالد
حرف واحساس
بالتوفيق يارب

[شاعرة الرومانسيه]

طبعا شاعر الحب لما يكتب عن الحب

نقف منسطين لهمساته الرائعه

رائع فى وصف حكاياتك المليئه بالحب

والاحساس الراقى يا خالد

[كريم عاصم]

خالد
دوما تتحفنا بكل ماهو جميل ومتنوع
عبق نرجس يسطر بعزوبة
وجمال يعالنق السماء كجمال الإنتقاء
على الطرح الراقي
تحية عطرة بالورود مغلفة بحروفك
دام سماء فكرك وبالتوفيق
الف تحية

[ايمان طلعت]

جميل ما كتبت خالد
محاكي للقصه
موفق