المرايا

[شريف القناوى]

المرايا
بصيت فى المرايا
لقيت الشعر شاب
واتغيرت الملامح
فين العمر راح
وانصبغت الالوان
امبارح كنت شباب
واليوم راحت الايام
الصحة مشيت من زمان
سابتنى والمرض اصحاب
نسيت ومش فاكر
عدى العمر ازاى
دوامة او ساقية
اهو كله لف والسلام
ابكى اضحك
كانت بتعدى يا جدعان
وصاحب وراء صاحب
بيختفوا من دفتر الحياة
بصيت فى المرايا
وقلت ليها نتحاسب
ده الدين كتر من زمان
وكتافى تعبت من الشيل
بحلم اقعد وارتاح
جريت وجريت
وساقية العمر
اكلها الصدء كمان
ووقفت زى كل ايامك
بصيت فى المرايا
انا ولا مش انا
فين ضحكة عيونى
اللى كانت تملى المكان
نبض قلبى يزلزل الكيان
صوتى اللى اعلى من الرصاص
انا مش هو ده
اكيد المريا بتكدب
او عينى مش شايفه كمان
دموعى نزلت ومين يحكمها
انا عملت ايه يا زمان
عمرى ضاع فيك ازاى
مش قولت ليا ليه
هيجى اليوم وتقف هنا
قدام المرايا
ومش هتعرف مين
الغريب فيكم
بصيت فى المرايا
وعرفت الحقيقة
بس مين تانى
هيعرفها قبل فوات الاوان
شريف القناوى

[شاعرة الرومانسيه]

تسلم ايديك اخى

كلمات رائعه راقت لى كثيرا

[مُنـــــايا]

دوام الحال من المحال......وطبيعة الحياة والبشر التغيير
مااحلى واجمل الرجوع الى النفس
ومواجهتها ومحاسبتها


كلمات رائعه لها هدف وغاية
لعل الكل يعي ويتعلم من دروس الحياة

دام ابداعك استاذي الكريم
ابيات غاية في الجمال .
لروحكـ السعادة

[شريف القناوى]

اقتباس المشاركة الأصلية كتبت بواسطة شاعرة الرومانسيه تسلم ايديك اخى كلمات رائعه راقت لى كثيرا

اشكرك على المرور العطر والكلمات المضيئة صفحتى

[شريف القناوى]

اقتباس المشاركة الأصلية كتبت بواسطة مُنـــــايا دوام الحال من المحال......وطبيعة الحياة والبشر التغيير مااحلى واجمل الرجوع الى النفس ومواجهتها ومحاسبتها كلمات رائعه لها هدف وغاية لعل الكل يعي ويتعلم من دروس الحياة دام ابداعك استاذي الكريم ابيات غاية في الجمال . لروحكـ السعادة

اشكر لك تلك النجوم التى تناثرت لتملئ صفحتى ابداع واشكر لك مرورك الجميل

[جبل عالي]

متعرفش المرايا تكدب...ولاتبين الا الحقيقه
بس برضو ساعات بتنسي ان القلوب لسه بريئه
وان العمر مستني فرحه حتى لو ف آخر دقيقه
مهما تاخدنا دوامة الحياه ...لابد ف لحظه
نكتشف ......كل الحقيقه

اهلا استاذنا الراقي ومرحبا بعودتك الجميله
وجرس انذار وتوعيه لمن تلهيه الدنيا
ويظن ان سيبقى على حاله....
كل الشكر والتقدير لهذا التواجد الطيب

[ويبقى الأثر]

عوده حميده استاذنا
ومين فينا مابيبصش فى المرايه وميستغربش
حرف راقى من قلم ارقى
لك تحياتى وشكرى

[شريف القناوى]

اقتباس المشاركة الأصلية كتبت بواسطة جبل عالي متعرفش المرايا تكدب...ولاتبين الا الحقيقه بس برضو ساعات بتنسي ان القلوب لسه بريئه وان العمر مستني فرحه حتى لو ف آخر دقيقه مهما تاخدنا دوامة الحياه ...لابد ف لحظه نكتشف ......كل الحقيقه اهلا استاذنا الراقي ومرحبا بعودتك الجميله وجرس انذار وتوعيه لمن تلهيه الدنيا ويظن ان سيبقى على حاله.... كل الشكر والتقدير لهذا التواجد الطيب

واشكر وجودك الراقى وحروفك العطرة

[شريف القناوى]

اقتباس المشاركة الأصلية كتبت بواسطة ☆منة الله☆ عوده حميده استاذنا ومين فينا مابيبصش فى المرايه وميستغربش حرف راقى من قلم ارقى لك تحياتى وشكرى

اشكر غبير حروفك العطر بين صفحاتى