ياريت بقي تسمعيني (شاعر العامية)

[a7med -3del]

زي اي واحد.. عديت عليا سنين وفارقت ناس غاليين. وبانت دموعي في عيني راح من ايديا اعز الناس. والفراق اصعب احساس لما لاقيتك قولت خلاص انتي اللي هتقويني بدات بيكي اعيش حياة. وانسي كل سنيني مالقتش غير حضنك امان. مانتي اللي بتحبيني وقبل مايكبر هوانا. حاولت ياما افهمك اني مفيش في ايديا حاجة.. اعملها جايز اطمنك كان هوايا مش نصيبك.. لما كنت بقول هاسيبك وانتي اللي بتمنعيني ياما قولت خلاص كفاية. ايامك مش معايا كنتي دايما تقنعيني بالحب هتعدي ومهما نشوف. مش ممكن هتفرقنا ظروف ده الحب اللي بيكمل بجد. عمره مايعرف يأس وخوف وفي حيرتي تطمنيني جددتي الامل بكلامك. وحلفت اتغرب عشانك واعدي اي حدود علمتيني اتمسك بيكي للاخر. مش قادر واقول قادر طول ما الامل موجود وكل يوم بتقربيني وفي عز فرحة قلبي بيكي. ساعة ماجت عيني في عينيكي حسيت كأني لسه بعرفك . وكاني حد غريب عليكي متبرريش بعدك وروحي. حتي لو واخداها روحي ومتحلفيش انك بريئة .وامشي مش فارقة الطريقة اللي بيها هتسبيني وبعدت وانا حالف . ماعيش في البعد يوم مجروح حالف اكون حاجة. ومن طموح بياخدني طموح وانتي لسه هتعرفيني واهو دار. واهو لف الزمان. ورجعتي تفتكري اللي كان بعد ماعيشتي في حضن تاني. راجعة تفتكري الاماني دلوقت جاية ترجعيني ياريت بقي تسمعيني انا زعلان علشان قدرتك علشان في يوم انا خيرتك وانتي اللي اخترتيني كنتي عارفة يأسي خوفي كنتي عارفة كمان ظروفي يعني كنتي بتخدعيني انتي مش فاهمة الحقيقة .ان انتي لسه بتخونيني ايوة بتخونيني خونتي كل اللي عرفته عنك خونتي ذكائي في قربي منك لما افتكرت يوم ان انتي فعلا هتصونيني لو بجد انا غالي عندك لو ليا ذكري واحدة في قلبك ياريت تمشي وتسبيني علشان باختصار مش هترجعيني احمد عادل 18-7-2016

[العاشق الذى لم يتب]

جميل ابوحميد
تسلم ايدك

[شاعرة الرومانسيه]

الله عليك

لحروفك طابع خاص لا يشبه أحد

محاكاه تلمس القلب

واحساس عالى من القلب

يسلم نبضك الراقى

راقت لى جدا

لروحك السعاده

[fanaa]

جميله كلماتك يا بن والدى تسلم ايديك

[YOo YA]

جميله بجد
واحداثها فيها تسلسل
وبحكايه احلي كمان من القصه..
تسلم ايدك
وبالتوفيق ي رب

[كريم عاصم]

الغالى أحمد رواية فى خاطرة رغم آلامها ووجعها ولكن في منتهى الجمال والإنبهار فقد وفيت وكفيت فيما قدمت عبق نرجسى يعطر بعزوبة وجمال يعانق السماء كروعة الانتقاء رغم الألم فأنت مبدع الف تحية

[αЛαstoOorα]

تمام والله ينور
وطبعاً بما آنك داخل من الموبايل
ف ليك آستثناء آننا ننسقلك ونعدلك ف التنسيق
ودا كان آتفقنا معاك آن لو التنسيق كان من عن طريقنا
هنسقلك بس هتاخد نص درجات التنسيق مش هتاخدها كاملة
وتم موافقتك علي هذا الآساس
ف آنا بعيد قدام جميع المتسابقين آن شو مي
لي وضع آستثنائي من البداية بسبب دخوله من الموبايل
وآتفق معانا آننا ننسقله موضوعه ونضفله نصف درجات التنسيق
كدا عشان تبقة الآمور واضحه للجميع
ويبقة فيه نزاهه وشفافيه ف التقيمات لما تنزل

[ايمان طلعت]

محاكاه رائعه للقصه
بقلم سهل وسلس
موفق

[مُنـــــايا]

الله الله...
سرد ولا أروع للقصة
عبرت عنها بصورة شعر ية جميلة
قلم متمكن أجاد العزف
بالتوفيق ان شاء الله
جل إحترامي...
لروحكـ السعادة

[Lamees]

بجد وبدون مجاملة اروع ما قرأت
تستحق كل التقدير والأحترام
وموفق ان شاء الله