خلص الكلام .... ( شاعر العاميه )

[مهيب الركن .]

قبلك أنتى .. كنت راضى بحالى ورافض أى حب قبلك انتى .. كنت فاكر ان الحب عيب وذنب وما شفتك .. افتكرت إن ليا قلب حبيتك انتى .. وبقيتى عندى حلم وأمنيات بس الحلم لوحده مش كفايه لازم يكون جنبه عشان يتحقق حبة حاجات فاكره لما قولتى عشان نكون لبعض نتحمل شوية بعد واتحملت بعدى عنك كنت كل يوم فى غربتى بحلم بالرجوع كنت بحلم بيكى ساعة لقانا وعيونك من فرحتك مليانه بالدموع ليه لما رجعت ملقتيش مستنيانى كنت بتغرب واضيع عمرى ليه لما فى حياتك حد تانى من النهارده هتعلم ابقى زيك هتعلم أكون أنانى مش هحب الا نفسى هتعلم أعيش عشانى واتحديت كل حاجه عشان أبقى حاجه ولما فوقتك الأيام .. جيا بتفكرينى بالأحلام .. بتقولى ننسى اللى فات واللى عدى نعتبره ماضى ومات حبك انتى اللى مات .. إياك تكونى فكره انى مستنى رجوعك ولا هضعف لما تبكى وتنزل قدام عيونى دموعك انا مش هاعتبك صدقينى عشان عتابى هيوجعك ولا هسألك ايه اللى تانى رجعك ومهما تقولى مش هسمعك خلص الكلام .. بقلم : مهيب

[ويبقى الأثر]

جميله اوى بجد
خساره انك مش سجلت اشتراك م البدايه زى طارق وباب التسجيل اتقفل قبل ماتسجلوا
انتو الاتنين كده ضيوف شرف فى المسابقه
ولو هتكملوا فاهيبقا فى تكريم لكم خاص
بجد زعلانه انكم مش سجلتو تبع المتسابقين

[شاعرة الرومانسيه]

الله عليك مهيب

دائما يلفت انتباهى حرفُك الراقى

اسلوي رائع ومميز

بالتوفيق ان شاء الله

[مهيب الركن .]

اقتباس المشاركة الأصلية كتبت بواسطة ☆منة الله☆ جميله اوى بجد خساره انك مش سجلت اشتراك م البدايه زى طارق وباب التسجيل اتقفل قبل ماتسجلوا انتو الاتنين كده ضيوف شرف فى المسابقه ولو هتكملوا فاهيبقا فى تكريم لكم خاص بجد زعلانه انكم مش سجلتو تبع المتسابقين

أهلا أختى الكريمه
مش فاهم يعنى ايه باب التسجيل أتقفل ؟
انا اعرف ان المسابقه بيتم الاعلان عنها ومن يطرح اعماله يعتبر مشترك
انا عملت كده فى مسابقات كتير هنا سواء فى التصميم او غيره
طالما التزمت ونزلت موضوعى فى موعد تنزيل المواضيع دا يعتبر اشتراك
اما عمليه قفل باب التسجيل دى بتفكرنى بموضوع المليون شقه هههههه
ممكن أعرف ايه المشكله فى ادخال أسمائنا ضمن المتواجدين الأن فى المسابقه ؟؟

[مهيب الركن .]

اقتباس المشاركة الأصلية كتبت بواسطة شاعرة الرومانسيه الله عليك مهيب دائما يلفت انتباهى حرفُك الراقى اسلوي رائع ومميز بالتوفيق ان شاء الله

مرورك هو الأروع اختى الكريمه
تقبلى تحياتى وشكرا لكلماتك العطره

[αЛαstoOorα]

اقتباس المشاركة الأصلية كتبت بواسطة مهيب الركن . أهلا أختى الكريمه مش فاهم يعنى ايه باب التسجيل أتقفل ؟ انا اعرف ان المسابقه بيتم الاعلان عنها ومن يطرح اعماله يعتبر مشترك انا عملت كده فى مسابقات كتير هنا سواء فى التصميم او غيره طالما التزمت ونزلت موضوعى فى موعد تنزيل المواضيع دا يعتبر اشتراك اما عمليه قفل باب التسجيل دى بتفكرنى بموضوع المليون شقه هههههه ممكن أعرف ايه المشكله فى ادخال أسمائنا ضمن المتواجدين الأن فى المسابقه ؟؟

بعيداً عن السخرية اللي ف كلامك..
لكل مسابقة نظام معين وسستم بتمشي عليه
ودي مسابقة علي مراحل؟
مش مسابقة بتخص موضوع آو فكرة معينه
ومطلوب فيها توبيك واحد؟
ودايماً المسابقات اللي علي مراحل
لازم يتحددلها عددها قبل بدء التنافس فيها
لآننا بنبدء بعدد معروف والعدد بيقل تدريجياً
ف كل مرحلة ؟
وآننا نبدء بعدد ورقم معين وبعدين نرجع
نخلف فيه ؟ ونقبل آعداد تانيه
دا بيقلل من قيمة مصداقية المسابقة
وعدم آحترام قوانينها ؟
وبرغم آنك دخلت وشوفت موضوع الآشتراك
برغم آنك مكتبتش حتي مشترك؟!
اللي خلاك تلتزم بكل حاجة .كان بسيط آوي
بنسبالك .آنك تكتب كلمة؟ تقنن وجودك ضمن المتسابقين
آحنا مقدرين تعبك ومجهودك
وبنسبالنا زعلانين علي كل حد نزل موضوع
وهو مش مشترك من البداية ؟
ولو علينا آحنا عاوزين آي حد بينزل توبيك يخص
المسابقة ..يخش جوة دايرة التنافس
لكن آحترام القوانين واجب؟ ودا قانون وسستم
مسابقة لازم كلنا نحترمه ونقدره؟
زي ما بنحترم مجهودك برضه وبنقدره
وبنقولك آن قصيدك مش خارج سياق المسابقة نهائي
ولكنها آتحطت ضمن المراكز الشرفيه
وليها جايزة برضه ^^
بتمني تتفهم الوضع
والمسابقات هتكون كتيرة الفترة الجاية
وآكيد هتكون آول واحد بنبعتلك عشان تشرفنا بآنضمامك

[مهيب الركن .]

اقتباس المشاركة الأصلية كتبت بواسطة αЛαstooorα بعيداً عن السخرية اللي ف كلامك.. لكل مسابقة نظام معين وسستم بتمشي عليه ودي مسابقة علي مراحل؟ مش مسابقة بتخص موضوع آو فكرة معينه ومطلوب فيها توبيك واحد؟ ودايماً المسابقات اللي علي مراحل لازم يتحددلها عددها قبل بدء التنافس فيها لآننا بنبدء بعدد معروف والعدد بيقل تدريجياً ف كل مرحلة ؟ وآننا نبدء بعدد ورقم معين وبعدين نرجع نخلف فيه ؟ ونقبل آعداد تانيه دا بيقلل من قيمة مصداقية المسابقة وعدم آحترام قوانينها ؟ وبرغم آنك دخلت وشوفت موضوع الآشتراك برغم آنك مكتبتش حتي مشترك؟! اللي خلاك تلتزم بكل حاجة .كان بسيط آوي بنسبالك .آنك تكتب كلمة؟ تقنن وجودك ضمن المتسابقين آحنا مقدرين تعبك ومجهودك وبنسبالنا زعلانين علي كل حد نزل موضوع وهو مش مشترك من البداية ؟ ولو علينا آحنا عاوزين آي حد بينزل توبيك يخص المسابقة ..يخش جوة دايرة التنافس لكن آحترام القوانين واجب؟ ودا قانون وسستم مسابقة لازم كلنا نحترمه ونقدره؟ زي ما بنحترم مجهودك برضه وبنقدره وبنقولك آن قصيدك مش خارج سياق المسابقة نهائي ولكنها آتحطت ضمن المراكز الشرفيه وليها جايزة برضه ^^ بتمني تتفهم الوضع والمسابقات هتكون كتيرة الفترة الجاية وآكيد هتكون آول واحد بنبعتلك عشان تشرفنا بآنضمامك

كنت أتمنى أشوف رأيك أخى الكريم فى القصيده
بعيدا عن التحدث عن القوانين واللوائح وخلافه
الموضوع بسيط ومش مستاهل بلاش تكبروه
وبالنسبه لموضوع العدد اللى بتبدأوا بيه فده يبقى منطقى لو العدد
متحدد من البدايه فى توبيك الموضوع يعنى عاوزين 10 مثلا يشتركوا
انما متحددش عدد معين يبقى كل اللى بينزل فى أول مرحله كلهم زى بعض
لأن العدد غير معروف أصلا من البدايه هو بيتعرف بعد ظهور نتيجه اول مرحله
لأن وارد جدا ناس تقول هتشترك ومتنزلش قصايد وده بيحصل

وانا لما دخلت توبيك الموضوع مكنش عندى حاجه اكتبها ومينفعش ادخل
واقول مشترك وبعدين منزلش كان سهل ادخل واكتب مشترك ومنزلش
انما لما حضرت عندى فكره كتبتها

عموما زى ما قولت الموضوع مش مستاهل
ولا عاوز حتى مراكز شرفيه لأن كله محصل بعضه
احنا بنعبر بس عن أقلامنا فقط لاغير
والموضوع فعلا مش مستاهل ندخل فى جدال عشانه
اعتبروها قصيده عاديه ولا تشغلوا بالكم
تقبل تحياتى أخى الكريم واتمنى التوفيق للجميع

[αЛαstoOorα]

اقتباس المشاركة الأصلية كتبت بواسطة مهيب الركن . كنت أتمنى أشوف رأيك أخى الكريم فى القصيده بعيدا عن التحدث عن القوانين واللوائح وخلافه الموضوع بسيط ومش مستاهل بلاش تكبروه وبالنسبه لموضوع العدد اللى بتبدأوا بيه فده يبقى منطقى لو العدد متحدد من البدايه فى توبيك الموضوع يعنى عاوزين 10 مثلا يشتركوا انما متحددش عدد معين يبقى كل اللى بينزل فى أول مرحله كلهم زى بعض لأن العدد غير معروف أصلا من البدايه هو بيتعرف بعد ظهور نتيجه اول مرحله لأن وارد جدا ناس تقول هتشترك ومتنزلش قصايد وده بيحصل وانا لما دخلت توبيك الموضوع مكنش عندى حاجه اكتبها ومينفعش ادخل واقول مشترك وبعدين منزلش كان سهل ادخل واكتب مشترك ومنزلش انما لما حضرت عندى فكره كتبتها عموما زى ما قولت الموضوع مش مستاهل ولا عاوز حتى مراكز شرفيه لأن كله محصل بعضه احنا بنعبر بس عن أقلامنا فقط لاغير والموضوع فعلا مش مستاهل ندخل فى جدال عشانه اعتبروها قصيده عاديه ولا تشغلوا بالكم تقبل تحياتى أخى الكريم واتمنى التوفيق للجميع

قصيدتك لا جدال عليها؟
من آروع القصائد اللي قرأتها
لكن في آشياء كتيرة بتحتم علينا تحديد رقم المشتركين
ومنهم مثلاً الجوايز اللي بنبدء نشتغل عليها من بداية
المسابقة بآسم كل متسابق زي الآوسمة وشهادات التقدير
بعيداً عن المراكز خالص؟
في حاجات خفيه وره الكواليس بتكون محتاجة لشوية نظام
وترتيب من بداية انطلاق المسابقة؟
وعامة آحنا منقدرش علي زعلك لآنك قلم راقي ومهذب
مثلك مثل طارق الجميل .وايمان طلعت
هنشوف لو نقدر نعملكم آستثناء لمزاولة المرحلة الثانيه
وتكملو معانا .ضمن المراكز الآولي
وهعيد تاني ياريت متاخدتش مننا موقف ؟
المفروض تقدرنا وتكون سعيد بالنظام والقوانين
اللي بتديلك حقك كما يجب كا مشترك ؟
ودا كله للحفاظ على حقوق الجميع ليس الا
وعشان مصداقية المسابقة مش آكتر
آن شاء الله يتم الموافقة لدخولكم ضمن المراحل الآخري
ودا عشان يعز علينا زعلك وعشان آبداعك التآلق
آنت وطارق الجميل وايمان طلعت

[اميرة الحب الضائع]

كلمات جميله جدا واختيار صح للتعبير عن القصه

بالتوفيق

[مهيب الركن .]

اقتباس المشاركة الأصلية كتبت بواسطة αЛαstooorα قصيدتك لا جدال عليها؟ من آروع القصائد اللي قرأتها لكن في آشياء كتيرة بتحتم علينا تحديد رقم المشتركين ومنهم مثلاً الجوايز اللي بنبدء نشتغل عليها من بداية المسابقة بآسم كل متسابق زي الآوسمة وشهادات التقدير بعيداً عن المراكز خالص؟ في حاجات خفيه وره الكواليس بتكون محتاجة لشوية نظام وترتيب من بداية انطلاق المسابقة؟ وعامة آحنا منقدرش علي زعلك لآنك قلم راقي ومهذب مثلك مثل طارق الجميل .وايمان طلعت هنشوف لو نقدر نعملكم آستثناء لمزاولة المرحلة الثانيه وتكملو معانا .ضمن المراكز الآولي وهعيد تاني ياريت متاخدتش مننا موقف ؟ المفروض تقدرنا وتكون سعيد بالنظام والقوانين اللي بتديلك حقك كما يجب كا مشترك ؟ ودا كله للحفاظ على حقوق الجميع ليس الا وعشان مصداقية المسابقة مش آكتر آن شاء الله يتم الموافقة لدخولكم ضمن المراحل الآخري ودا عشان يعز علينا زعلك وعشان آبداعك التآلق آنت وطارق الجميل وايمان طلعت

انت أنسان محترم وانا بحترم كل كلمه قولتها ومناقشتى فى الأمر
ليست تقليل من قوانين المسابقه ولكن ثقتى فى حياديتكم
هي ما دفعتنى لمناقشة الأمر بصدر رحب معكم
عموما تسلم لردك الراقى أخى الكريم
وانا يشرفنى التواجد معكم فى المسابقه