للقصة زاويا تانيه (شاعر العامية)

[ايمان طلعت]

السلام عليكم ورحمة الله وبركاته انا طبعا مشتركتش فالمسابقة ولا كنت عارفه اني ممكن اكتب اصلا عامية بس حاولت و كتبت زاوية تانيه للقصة برة المسابقة فيارب اكون وفقت

للقصة زاويا تانيه الحكاية و ببساطة اننا ف مجتمع شرقي ف العادي و ده الطبيعي تخلص حكايتي بشنقي حبيتك واديتك روحي و وهبتك حياتي و قلبي حبيت فيك رجولتك اللي ضاعت فالدنيا ديا عشت معاك طموحك اللي رسمته ليك وليا عشقت فيك روحك وعشقت حبك فيا سبت الدنيا و وعدتك انت بس تكون ليا سافرت و تعبت عشاني ومستنياك ترجع ليا حتى بالقليل بس معاك هكون راضيه رفضت دة و دة عشانك وكل مرة عذر ليا بس الموج كان عالي و حلف لاكون ضحية كسر ضهري غصب عني بقيت ليهم محنيه لساني قال بالدمع اه لكن انت فقلبي وفكري ازاي بستناك وهنا اهلي قرروا شنقي فكرت اقولك بس هانت عليا نفسي ولا اضايقك وانت في الغربه منسي قولت استنى رجوعك يديني بوجودك قوه لكن اهلي جوزوني بسرعه بقسوة و بالقوة بقت حياتي ضايعه بين عيشه مفروضه عليا وبين حب السنين وقلبي المكسور الضحيه وقلبك الكبير اللي هكون عليه جانيه بس انا مش جانيه دي الدنيا لعبت بيك وبيا كل همي ف يوم ما تيجي عينك في عنيه استنيت يوم رجوعك بلهفة و خوف و بالدموع روحت ليك بقسوة اقولك خلاص مفيش رجوع سبتك ومشيت وقلبي من الآآآآه موجوع لكن كان لازم اقسى عشان تبعد وتكره لمحت نظرة حنين فعينك قولت ارجع كمان واجرح عشان تكره و تنسي ومن حياتك اخرج و تفرح عارفه كنت صعبه في طريقتي لكنك في قلبي اقوى حتى من كرامتي كرّهتك فيا و عارفه انك مع نفسك هتعند وبقيت بكرهي في حياتك تكبر اكتر و اكتر انت تكره و حبك فقلبي يزيد ويكبر انت تدعي عليا وانا بدعيلك يارب تفرح و رضيت بنصيبي واتمنى بحياتك ترضى بكتب حكايتي وهخبيها عشان بعد موتي تقراها و تشفعلي بيها لان للقصه زاويا تانية معشتش انت فيها

[راجعة لحبيبى]

الله عليك ايمى
والزوايه الثانيه
ومضمون قصتك
وحكايتك الجميله
حكيت ووصفت وماقصرت
تسلمين حبيبتى
لروحك السعاده

[حـيـــــآة ❤]

روعه يا ا/ايمان
تسلم مشاعرك الراقيه
ويدوم احساسك الجميل
تسلمي حبيبتي

دمتي بحفظ الله
تحياتي

[αЛαstoOorα]

الموضوع جميل مفيش كلام يا آيمي
بس سامحيني برضه آنه هيتحط
ضمن المراكز الرابع حتي التاسع
بجايزة المراكز الشرفيه ...
لآنك مآكدتيش آشتراكك وآغلقنا
باب التقديم علي 13 عضو ..
وآنا آكدت ع الجميع قبل آغلاق
اللي مشترك يآكد آشتراكه
آنا آسف بجد ومقدر تعبك
بس آنتي آكتر وحدة هتفهميني
لآنك من ضمن الهرم الآداري
وساعات بتكوني ضمن لجنة الحكم
وبتشوفي المعاملة؟
لو مفيش تشكيك بيخلقولنا ويفتعللونا حاجات
عشان يشكوو فينا ..
بتمني تسامحيني

[a7med -3del]

يعني ايه ماكدتيش مش انت قايل اخر معاد التلات
والنهاردة اافتكر التلات ولا انت عايش في الصين وفيه فرق توقيت يوم
مانا لازم افهم وبعدين 13 اي... هو انا كمان مش مشترك
ماداهية لتكون مخرجني انا كمان
المسابقة كلها جميلة.. نقطة نظام بقي ومتبوظوش الدنيا
تحياتي

[شاعر الحب الحزين]

إيمان قالت في بداية موضوعها انها ما اشتركتش في المسابقة

رغم انها قدمت أجمل ما عندها من كلمات وكتبت القصة من زوايا تانية

ورؤية أخرى ..كلماتك جميلة يا إيمان وأبدعتي في التعبير

ربي يوفقك ويسعدك

[ايمان طلعت]

اقتباس المشاركة الأصلية كتبت بواسطة راجعة لحبيبى الله عليك ايمى والزوايه الثانيه ومضمون قصتك وحكايتك الجميله حكيت ووصفت وماقصرت تسلمين حبيبتى لروحك السعاده

اشكرك لمرورك راجعه
تسلمي

[ايمان طلعت]

اقتباس المشاركة الأصلية كتبت بواسطة حيــــــاة ❤ روعه يا ا/ايمان تسلم مشاعرك الراقيه ويدوم احساسك الجميل تسلمي حبيبتي دمتي بحفظ الله تحياتي

الاروع مرورك هاجر
تسلمي حبيبتي
تحياتي

[ايمان طلعت]

اقتباس المشاركة الأصلية كتبت بواسطة αЛαstooorα الموضوع جميل مفيش كلام يا آيمي بس سامحيني برضه آنه هيتحط ضمن المراكز الرابع حتي التاسع بجايزة المراكز الشرفيه ... لآنك مآكدتيش آشتراكك وآغلقنا باب التقديم علي 13 عضو .. وآنا آكدت ع الجميع قبل آغلاق اللي مشترك يآكد آشتراكه آنا آسف بجد ومقدر تعبك بس آنتي آكتر وحدة هتفهميني لآنك من ضمن الهرم الآداري وساعات بتكوني ضمن لجنة الحكم وبتشوفي المعاملة؟ لو مفيش تشكيك بيخلقولنا ويفتعللونا حاجات عشان يشكوو فينا .. بتمني تسامحيني

فارس مانا عارفه اني مش مشتركه اصلا في المسابقه
وكاتبه فوق انها برة المسابقه
بس عجبني الموضوع وحاولت اكتب عاميه عليه فكتبت
عارفه طبعا اللي بيحصل في المسابقات خصوصا الكبيرة اللي زي دي
وامشي على الضوابط اللي حطيتها لنفسك من الاول
موفق

[حازم34]

هيا زوايه ممكن اه وممكن لا


اولا لان المقابله ال كانت بعد رجوعه مقابله جافه


كان لازم الدموع تسري وبعدين دا هيا تمت بعد رجوعه بشهر خلي بالك


وبعدين هيا وعدت اذا كان هناك شئ بيدها حتي لو شرقيين


فيه بنات بتصمم وحتي تحكي وتقول لمن يخطبها انا قلبي اليك مش ميال


وفيه واحد تاني علي البال بحبه ومستنياه

وقلبي وروحي معاه اسالك اخرج بلاش احراج لقلبي

وابعد عني انا قلبي اليه ميال


ولكن اغراها المال والجاه فوافقت


هيا دي كل الحكايه


اما من زاويه تانيه ممكن في بعض الحالات والاهالي ال لايمكن ولايكون الا ما نقول عليه يصير


تسلمي علي فكرك وقلمك الراقي