مـآكنشش يـومك مع .... αЛαstoOorα

[BaAnoOta]

مسسآء الخير

ومعـآنا أول متقلب وهو ... آلاسطورة اللي مبقاش اسطورة خالص

تعـآآلو نشـوف عملت فيه ايه ..

المقلب بآآختصار اني بفهمه اني صديقته بس تغيبت فترة ما بين 3 و 4 سنين ورجعت
ودي آلعضوية اللي كنت بشتغلهم بيههـآآ ..

GasT a DRiL

عضو جديد

تعـآآلو نشوف ردةة فعل المنششاوي

كلآمي بالاحمر
ومنششـآوي بالازرق




منششاوي انا مش مصدقه
انت لسه عايش ..
عامل ايه ي مانش

....

الحمدالله تمام
هههه
اة عايش

....


طب كويس والله فجاتني
مالك ي اخينا عامل كده ليه
قارش ملحتي ،، وحاسه انك بتكلمني من تحت درسك
ولا عشان بقيت مشرف عام
اتغيرت علي اعز اصدقائك


.....

اعز اصدقائي؟؟
هههه
وقارش؟
طب انتي مين انا تقريباً اول مرة اشوفك ^^

....


عزيزي المستمع بصبح عليك

بقيت طريقتي مش عجباك دواتي ي مانش
ايوة طبعا م انا لازم اتحفظ علي كلامي وانا بكلم نجم الجرجير مبدع الشعر العامي
عمتا انا ريهام بورسعيد
لا داعي للهتاف دعونا نعمل ف صمت

....


يابنتي نجومية ايه وعباطة ايه؟ آنتي جاية معاكي انك بتكلمي هشام الجخ هههه ..كلها مسميات وشكليات يعني كل دا عبط وانا زيي زي اجدد عضو لسة مسجل امبارح مفيش فرق بين اى حد وحد ..انا فعلاً بس مش فاكر انتي فكراني بس ورحمة ابويا انا ما فاكر حاجة لا غرور ولا تكبر ولا اي نوع من الانواع اللي قولتيهم دول ^^

....




طب ليه الغلط ي مانش انا بكلمك بكل احترام
وانت تقولي عباطه ، ياريت يبقا ف شوية زوقيه وانسايبه ف الكلام انت مش بتكلم شاب قاعد معاك ع القهوة ^_^
هشام الجخ مين والناس نايمين وهل يخفي البدنجان
وبعدين ي سيدي ولا تزعل انا بنجمك وبديك دفعة بس مش اكتر
طيب انا ريهام بورسعيد
ويشهد علينا نجم الجرجير ههههههه

.....



علي فكرة ؟
بخصوص الغلط ..ف آنتي اللي بدئتي بيه ..لما قولتي نجم الجرير والكلام اللي مش جايب همه دا
/
اما عباطة بتعتي ..بقولهالك بكل تلقائية وبساطة وبقولك دا بنسبالي كله عبط ..لان انا لا بتغر ولا بتكبر على حد وانا ابسط من البساطة ذاتها ..
اما عن صحبي اللي ع القهوة ..ف انا مش هرد عليكي فيها عشان ممكن ردي يزعلك ..وانا مبحبش آزعل حد مني
/
ونجيب من آبو ناهية كدا ونلخص الحوار دا
وخلاصة الكلام انا وانتي بتبعتيلي مش فاكرك
الحوار هيكون بآحترام آهلاً وسهلاً ؟
هتشكلي عليا والشغل دا وترمي افهات ..يبقة نقفلها علي كدا
وكل سنة وانتي طيبة بقة عشان هقوم صايم بكرة ^^


.....


حبيـت استفزه اكتر لاني لحد دلوقتي موصلتش للهدف بتاعي واستفزيته ..



.....



انا مبدئتش بالغلط والله ، وبخصوص نجم الجرجير دي اختصار لنجم الجيل وبعدين انا ببسطهالك يعني لاني ده السيم اللي كان ما بينا ف الماضي ^^

\

احبك وانت تلقائي ي تلقائي

\

طب لما انت تقول كلام هيزعلني انا هقف اتفرج عليك مثلا ^_^
م احنا بردو بنجيد فن واسلوب الردح بس الواحد مش عايز يتكلم عن نفسه كتير ..

\

ابو ناهيه ؟
مش شايف ان المصطلح ده كبير شوية انك تقوله لواحده بنت ؟
وبعدين انا ملاحظة يعني انك حابب تعيش ف دور الروش
ياريت تبطل تمثل وتنزل من ع المسرح باسرع وقت
وحواري معاك انا بدئته بحترام ومقللتش من شانك علي ما اظن
وانا مبشكلش عليك لان حقيقي انا مش عارفة يعني ايه اشكل دي
\
اللهم قوي ايمانك صوما مقبولا ي نجم الجيل .. ولا دي كمان هتزعلك

....



حدثي كآن بيقولي ان عقدة لسانه هتتفك من خلال الرسالة دي
طـب ما تيجي نششوف ..


...



بقولك ايه ابت ..فوكك مني عشان انا مؤدب بس صايع
روش دي عند خالتو بتاعتك هناك ..ولو هتيجي معاكي آنك بتكلمي واحد روش نظام بابي ومامي ومربة ودندون ..ف آنتي تبقي فهماني غلط؟ عشان آنا عربجي اصلاً ؟ يعني لو الدونيا غيمت معايه والرعد ف مخي اشتغل هتخرج الفاظ ليكي من بوئي آنا اصلاً هكون مش حاسسها
ولو آنتي بتجيدي فن الردح ..آنا اللي بدي دروس فيه ..وآنا بكلمك بآحترام من ساعة ما بعتيلي ..بس آظاهر الآحترام مبينفعش مع اشكالك ..ف حابة تتهزئي وتسمعي كلام يهينك ويقل منك معنديش آي مشكلة .آنا لحد آخر رسالة بكلمك بكل هدوء عشان البني آدم بيكبر مش بيصغر وعشان عيب آتعامل معاكي بالطريقة اللي انا بشوفها عيب يعني . وعشان ف نفس الوقت انا واحد من الهرم الآداري وعيب آكلم آعضاء بالشكل دا ...لكن لو آنتي مُصره بقة تسمعي قلة آدب وآباحه ونآبح آنا وآنتي ونشوف مين هيقل م التاني آفرجك ؟؟ آحترمي نفسك معايه كدا؟ وآعقلي وآعرفي حجمك؟ وآكتشفي آنك بنت يعني مينفعش تكلمي راجل بالشكل دا؟ ولا آنتي جنس تاني ولا ايه؟ مش حاسة انك بنت؟؟!!
هتردي عليا بآحترام هقدر اني بكلم بنت وهقدر اني راجل ف منتدي ..هتردي بقلة آحترام هنسي نهائي انك بنت واني ف منتدي وهسمعك اللي ف المآتي والخيار ..عشان انا محترم مع المحترم وآسفل م السفالة بمراحل مع قليل الذوق اللي زيك كدا ..الرسالة الجاية هفطر عليكي؟؟؟

......



مبدئيآ آنا خدت فترة ما بين نص ساعة لساعة الا ربع وانا بستوعب الرسالة دي ..
مش معقوله كاتب كلام ميتردش عليه برسالةة واحدة ..



......


جزاك الله كل خير
حلوة اوي مؤدب بس صايع دي .. عيب متقلش علي نفسك كده
وبعدين مين دخل خالتي ف الموضوع خالتي لو تعرف هتديك من المنقي ي خيار


وبلاش جو عبده موته ده انا هارشاكم وعارفاكم كويس
هرم اداري بقا وهتعملي فيها شخصية مرموقة وليها كرير
م كنت لسة ف الرسالة اللي فاتت زيك زي اجدد عضو هنا

طب انت غلط فيا كتير
وانا عشان ف شهر مفترج هسامحك وهعمل نفسي مشوفتش حاجه
بس متخدش علي كده كتير انا مش فتحاها تكية ^_^

وعلي فكرة لا انت ولا اللي يتشددلك يعرف يقل مني دي مجرد ملحوظة بس
وبعدين مالك قافش كده فك ورحرح لا يجيلك قرحة ف المعدة ولا حاجه

وانا مصرة بردو انك بتروش بطل تعيش دور مش دورك
وعلي راي القول الماثور ، الروشنه ليها ناسها وانت ي باشا مش اساسها

طب مينفعش تلخص كلامك ده ف جملتين ؟
لاني فعلا معنديش مرارة اقري ده كله


.......


وبعد كده حب يريح دمـآغه ومردش علي رسالتي ف قلت مبدهاش ابعتله تاني احنا ورانا حاجه ..


.......



" تعالو نلعب عاميه " ..!

انا زعلانة منك
انت بعت لكل الاعضاء يلعبو الا انا
ليه كده ي منشاوي .. حداد بقا علي الصداقه اللي بينا


...


ياريت لو عوزتي حاجة تبعتي زوار عشان الخاص دا للناس القريبة مني اوي او للشغل ف المنتدي ..مش للعب وللهزار والمعاكسات

.....


طب وحد قالك اني بلعب ولا بعآكس
انا بعمل فيك مقلب بس
دي تجربتي الاولي ف المقالب واتمني اني قدرت استفذك بالقدر المطلوب
وحقيقي الطلب عليك كان كتير كل اللي بعمل فيه المقلب يرشحولي منشاوي فمرضتش اكسر بخاطرهم وقلت اشتغلك انت كمان
المهم قولي المقلب عجبك

وهل قدرت اتقمص الدور بالشكل المناسب
واهم سؤال بقا ^_^
هل ي تري هسحب من تحتك البساط وبرنامجي هيكسر الدنيا عن بتاعك بتاع انا والفيلسوف


....




هههههه يابت الاظينةياولاد التييييييت ..برنامجي باظ اصلاً من تحديثات المنتدي معظم الحلقات بتعته اتحذفت ف آكيد آكيد برنامجك هيكون انجح من برنامجي وبعدين سؤال ..يعني ايه ريهام بور سعيد ههههه


........


اي خدمه ي مانش ..

ريهام بورسعيد دي الشخصصية الوهمية اللي بقلب بيها رزقي
وبشتغلكم

ربنا يخليك يارب

عايزة منك كلمة حلوة بقي للاعضاء


......


لاء حبكتى الشخصية تمام .ودخلت عليا ريهام بور سعيد
بس آنتي آكيد شخصية نعرفها مش عضوة جديدة ^^
عامة محدش عرف يعمل معاية مقلب طول السنين دي
غير ناس تتعد ع الصوابع وانتي من ضمنهم .يعني دخلتي الموسوعه
/
آنا بشكرك ع المقلب اللي شال البني آدميين النضيفه من جواية دا
وبقولك كل سنة وآنتي طيبة ورمضان كريم
وبقول لكل آعضاء بنات مصر ..





........


وف نهـآيةة حلقتي بتمنالكم جميعا تكونو اتبسطـو من مقلبي المتواضع ..
وتعيش وتاخد غيرها ي مانشش

واستنوني ف آلحلقة التانيه مع ...


mooooona

[^^khL oUD]

هههههههه جدعه ي بت مانش يستاهل

كان بيلعب وبياخد دوري ف قسم الالعاب برافو عليكي
بس مش هيسيبك وربنا هههههههههه

[ايمان طلعت]

معقوله لسه عايشه بعد المقلب دة
ههههههههههه
لو طولتي معاه كان فعلا هيديكي فوق دماغك
اصل منشاوي لسانه اطول من الزمن
يلا تعيش وتاخد غيرها امنشاوي
فرحانه فيك اوي على فكرة
واكيد عارف ليه

يثبت اكيد

[اميرة الحب الضائع]

والله ما قدره ابطل ضحك لاء بجد انتى محصلتيش

ومين ريهام بورسعيد دى يا لهوى عليكى

دا انتى هتشوفى ايام عنب حرام عليكى خرجتى الراجل عن شعوره



لاء بجد خدى بالك منى عشان فى ايام جيه هجيب حق الغلابه دول

[αЛαstoOorα]

ههههههههه
آجماعة آنا آسف والله
علي الآسلوب اللي شوفتوه مني
والكام للفظ اللي خرجو
بس حقيقي هي آستفزتني جامد
وآنا عصبي
والمشكلة كمان آني كنت صايم
وبعتتلي الرسالة ف وقت انا اصلا
لسة صاحي فيه من النوم
يعني كانت الدنيا مقفلة معاية
وبعدين انا كنت حاسس انك
وحدة معانا والله يابنتي ههههه
على فكرة ؟ حرجتيني والله بالمقلب دا
الناس هتاخد فكرة زفت عني
منك لله

[BaAnoOta]

اقتباس المشاركة الأصلية كتبت بواسطة ~schezoophrenia هههههههه جدعه ي بت مانش يستاهل كان بيلعب وبياخد دوري ف قسم الالعاب برافو عليكي بس مش هيسيبك وربنا هههههههههه

آي خدمه ي شيزو

[حـيـــــآة ❤]

ههههههههه

انتي زي العسل اصلاً يانونو
بس عندي استفسار بسيط
العضويه دي مسجله قبل عضويتك اصلا
انتي بتشتغلينا من امتي ههههه
تسلمي ياحبيبتي

[BaAnoOta]

اقتباس المشاركة الأصلية كتبت بواسطة ايمان طلعت معقوله لسه عايشه بعد المقلب دة ههههههههههه لو طولتي معاه كان فعلا هيديكي فوق دماغك اصل منشاوي لسانه اطول من الزمن يلا تعيش وتاخد غيرها امنشاوي فرحانه فيك اوي على فكرة واكيد عارف ليه يثبت اكيد

ههههههههههههههههههههههههههه
لاء بالعكس منششآوي ده زبون هيكون مصدر رزقي كل سنه

[αЛαstoOorα]

اقتباس المشاركة الأصلية كتبت بواسطة baanoota ههههههههههههههههههههههههههه لاء بالعكس منششآوي ده زبون هيكون مصدر رزقي كل سنه

طب احب اقولك
ان الصيف دا مش هيعدي
غير لما يتعمل معاكى مقلب جامد
تحلف بيه امة لا اله الا الله
ههههه
وثقة ف الله هعمله

[BaAnoOta]

اقتباس المشاركة الأصلية كتبت بواسطة اميرة الحب الضائع والله ما قدره ابطل ضحك لاء بجد انتى محصلتيش ومين ريهام بورسعيد دى يا لهوى عليكى دا انتى هتشوفى ايام عنب حرام عليكى خرجتى الراجل عن شعوره لاء بجد خدى بالك منى عشان فى ايام جيه هجيب حق الغلابه دول

آفتح كرتونة ضحك للناس آللي قاعده دي
خربيتك تلقيني آشتغلتك ب الشخصية البديلة بتاعت سهآم سوسو
ي بنتي آنتي طيبة مش ههون عليكي تاذيني