ندوة أدبيه -- الحلقة التانية

[ايمان طلعت]

اللون الموف كلامي و هعلق على الشعراء بصور اللون الازرق كلام الشعراء اللون الاسود الاحداث اللون الابيض الجمهور ملحوظه هامه (كل الكلمات هنا خياليه من تأليفي ولا تمت للشعراء باي صله ) بدأت الندوة دخلت ايمان السلام عليكم و رحمة الله وبركاته اعزائي الحضور سعدت بحضوركم لهذه الندوة الادبية متمنيين قضاء وقت ممتع بسماع اجمل كلماتكم و سيلقي كلمات الافتتاحيه امبراطور الشعر العامي اسطورة الحرف فارس الوطن العربي المنشااااااااااوي دخل المنشاوي وهو متأنق متألق و تصفيق حار اعزائي الحضور سألقي عليكم اليوم كلمات من اجمل ما كتبت كلمات تعبر عن مكنون ذاتي احم احم كح كح كح انا واد جن و زيي مفيش ديك منفوش من غير ريش ابعدوا عني يا بنانيت انتوا لسه في البيض كتاكيت انا الفارس انا الاسطورة بحب بنت جميلة و شطورة و عجبي والسلام عليكم و رحمه الله وبركاته الجمهور في حاله اسبهلال تام والان مع الشاعر الفذ ملك الكلمه والحرف شاعر الشرق والغرب ابو عصااااااام دخل ابو عصام و تصفيق حار ابنائي وبناتي واخوتي السلام عليكم بما اني جاي من شرم كتبت كلمتين على جو البحر يارب يعجبوكوا على شط بحر الهوى اكلنا فسيخايا انا وحبيبي سوا جمعتنا بصلايا وعلى شط بحر الهوى حبسنا بكوبايا انا وحبيبي سوا كل واحد شفطايا وعلى شط بحر الهوى انا وحبيبي تيسنا سوا تصفيق حار وقال احد الجمهور الله الله على الحب وريحته اللي ماليا الدنيا وقال اخر ايه الحلاوة دي تصدق جوعت اعزائي الحضور بعد ان تجولنا في عشه الكتاكيت وبحر الهوى سنذهب الى الجنس الناعم و نتجول في بحر كلمات شاعرة مفيش زي قلمها اتنين رحبوا معي بـــ شاعرة الروماااااااانسيه دخلت شاعره برقه متناهيه مسكت المايك بايد والتانيه على ودنها حبايب قلبي بحبكوا كلكوا اسمع صوت باذاني كــ وش و طبول تزعجني لم انم ابًدا الليالي و طول اليوم تؤرقني ماذا اصاب طبلتي ليل نهار تؤلمني من الذي دق عليها ليرقصُ ومن العذاب يدوخني اه يانا يا ودني قال احد الحضور ايه الكلمات الحلوة دي ايه الودان اللي عايزة تتقرقش دي الله عليكي يا ست ومن الرومانسية والحنين الى شاعر معروف بحرفه الجميل و اتقانه للكلمه و الوزن مع الشاعر كريم عااااااصم اشكركم اشكركم احبتي في الله سأقول لكم اليوم كلمات قصتي المأساوية اعذروني ان فلتت مني دموعي هل هذه حقًا جزمتي ...........................هل هذه ما سأخطو بها رحلتي لم يشفى ابدًا وجع اصبعي ...........................ولا حتى قصصت اظافري اين شرابي لم اجده في مكانٍه ............................سألبس الان مقطوع الاطرفي كفايه كدة يا جماعة مش قادر اكمل شكرًا ليكم كل الحضور بعد ما اثار مشاعرنا كلنا و ابكينا سنلتقي مع المرح الشاعر دوك حااااازم دخل الدوك ملوح بيديه للحضور ويلقي لهم القبلات الطائرة اهلين اهلين اهلين انا جيت و معايا محمدين واحد على شمالي والتاني على اليمين جاي احيي الناس الحلوين و اقولكم من شعري كلمتين هنيالكم ياللي قاعدين جالي وجع من الوقفه في الرجلين خلاص كفايه كدة ومني ليكم سلام وقبلتين سأقدم لكم الان موهبه جديدة حضر مخصوص عشان نكتشفه عندنا معاكم الشاعر الجديد نجم الجيل مورشوووووووووووو هالو يا بشر هقول لكم النهاردة كلمتين عمركم ما سمعتوهم ولا هتسمعوا زيهم احم احم هناك قعده كبيرة وهناك قعده صغيرة و هناك قعده طويلة وهناك قعده قصيرة وهناك قعده تبسطك وهناك قعده تنكد عليك وهناك في اخر الصف تجلس قعده حائرة وسلام مربع ليها يا نجم الفجر قرب يطلع وانا تعبت هنختم الجزء الاول من ندوتنا بــ فجر الاسلام انا فجر وشقشقت عليكم اصحوا يلا وسلكوا ودانكم انا هنا عشان اصبح عليكم واحلي كلام مني اسمعكم وياعيني على الحلو لما تبهدلة الايام يحط ايده على خده لا ياكل ولا ينام ويخس نص وزنه من غير حبوب ولا حزام وده احسن حل بلا ريچيم وچم ولا تنام جعان ايه رأيكوا حلتلكوا مشكله السمنه وفي نهايه ندوة اليوم احب اقولكم كلمتين انتظروني في الجزء الاخير

[كريم عاصم]

بقي كدة يا إيمان انتى قولتى مش هتتوصى بيا انتى شركتينى ال شرابى ال هههههههههههههههههه والله فاصل ضحك رغم ان بمر بظروف صعبة جدااااااااااا انتى طلعتى داهية بس دمك زى العسل وانا مش هلبس شربات بعد كدة ههههههههههههه يدوووووم الود والروح الحلوة

[جبل عالي]

[اميرة الحب الضائع]

انتى بجد محصلتيش شرشحتى العيال

روحى يا شيخه ربنا يسعد قلبك زى مفصلتينى من الضحك ناو

[جبل عالي]

وربنا لاااا انتي مجرمة

[fanaa]

هههههههههههه
جميله الفكره دى
يدووم بقى وتصيتيهووووم

[السفيره عزيزه]

وندوة ادبية وكدة .
دخلت برجلى اليمين لقيت
ناس متبهدلين .
وايمى دي ست العارفين
مين دايس فى الادب مين .
استمري وورد الندوة ما
تحملي همة .

عسولة يا اخواتى .
ومنتظرين الندوات
وال واقعين

[Lamees]

بقى هي الندوة كده
شعراء مقطقطين
وكلمتين حلوين
كملي ندواتك
واستمري

[.Lamar]

يا عينى على بيوقع تحت ايدك هههه

متابعة اهوه ما دام مفيش شعرية

تسلمى حبيبتى

[حازم34]

ياربي علي الفكر


انتي بقي استاذه الشعر العامي كدا حقيقي تلاته بالله العظيم


ياربي علي جمال فكرك حقيقي شئ اعجبني جدا


مش ممكن فكر وفن واخراج جميل


وفاني خالص خالص خالص


الله عليكي ربي يسعدك يارب


لكي مني خالص التحيه والتقدير


اهلين اهلين اهلين


ايمان هيا الزين فكر راقي وفن جميل يا عين


وجودك جميل وفكرك اصيل وفنك ما لوش مثيل


ربي يسعد قلبك كما اسعدتينا


منوره دايما اطيب واغلي ايمان


لا حرمنا الله تواجدك الراقي