سلسلة~حارة البتنجان~2

[اميرة الحب الضائع]

السلامو عليكو النهرضا بقا تانى يوم فى حارة البتنجان وبعد الى عمله فيا طنط لؤى المره الى فاتت كان لازم اهرب ومشيت فى ارجاء الحاره ابحث عن طنط فوزيه وقربت من بيت طالع منه صوت عالى وحصل التالى فوزيه : بتقول ايه يا قلب امك عايز تتجوز فتنات مين انا مرات ابنى يبقا اسمها فتنات انت عبيط ياض بورعى : بس يا وليه انتى اصلا مش امى فوزيه : اهىء اهىء اهىء اخص عليك بعد ما ربيتك وخليتك بغل تقولى كدا برعى :خلاص يا اما دا انا بحبك وربنا وهتجوز فتنات عشان تخدمك فوزيه :الحقنى يا فوووووووووووووووووزى ابنك عايز يتجوز فتنات فوزى :فيه ايه يا وليه خضتينى وانا طبعا مش هقعد اتفرج على المسلسل الهندى ده لازم احط التتش بتاعى ايه يا طنط فوزيه مالك فوزيه: مين دى انا رضيت عليها طبعا وبحسن نيه: انا اميرة فوزيه :اتجوز دى يا بورعى وانا طبعا تنحت على اساس ان بورعى ده مهند الى البنات هتموت نفسها عليه وبرعى: بكل ثقه لاء يا ماما دى مسلوعه وانا طبعا مينفعش اسكت :مين دى الى مسلوعه يا قلب امك دا انا العرسان عليا كدا بس انا الى بشقلطهم من على السلم فوزى :لاء اتجوزها انا وانا بكل انفعال: انت عبيط يا حج انت روح اتدفن بعيد عننا راحت طنط فوزيه فاتحه فيا يلا يا بت من هنا واسلوب لا يلقيق ببنادمين خالص ونزلت تانى الشارع وانا حلتى متدهوره وفضلت ماشيه لحد مالقيت سوبر ماركت وانا الصراحه كنت تعبت وكنت عيزه اشترى اى حاجه اشربها واتشرفت بعرفت عمو شلبى حرامى الجبنه انا :هاى ازيك يا عمو شلبى :وعليكم الهاى ورحمة الله وبركاته انا :انت عبيط يا عم انت بس طبعا فى سرى انا :لو سمحت عيزه كان كولا شلبى :كان كولا وبقى ايه هههههههههه انا :يخربيت العسل عيزه كان كولا يا عم من الى بيتشرب مش بتاع القلش خلينى امشى شلبى :قلش ولا ماقلش ههههههههههه وطبعا هيجيلى جلطه من خفه الدم انا :بص يا عمو انا مش هطفح اى حاجه انا هموت من العطش فى سبيل اسعاد حضرتك شلبى: اسعاد يونس وطبعا قطع سلسله القلش الرخيص ده عمو فتوح فتوح :ايه يا شلبى بطل دى ضيفه عندنا انا :ربنا يعمر بيتك يا عمو فتوح :ولا يهمك انتى ايه الى جابك هنا وقعت احكى لعمو فتوح على الى حصل من بداية الفلم الهندى ده فتوح :بصى يا بنتى عيزه تعرفى كل حاجه عن الحاره دى لازم تروحى للملك انا: بجد هقابل الوحش فتوح: وحش ايه بس ده المسؤل عن الحاره انا: اوك القيه فين ده فتوح :هتمشى لااخر الشارع هتلقيه وهتعرفيه من نفسك ومشيت وسمعت التالى انا منغيرك اضيع انا منغيرك بالشوارع اصيع انا منغيرك زي الخروف من غير قطيع انا منغيرك مش فظيع ليه مش فظيع ؟؟؟ وانا طبعا انبهرت انبهار بالكلمتين دول والناس كلها فى نفس واحد الله عليك يا فنان الله عليك يا شاعر ومن هنا عرفت ان هو ده الملك حسبى الله مفيش حاجه اعر من كدا الملك :هاتو البت دى ونشوف بقا ايه الى هيحصلى فى الحاره دى فى اخر حلقه من السلسه فوتكو بعفيه تحياتى ميرا

[واد حبيب]

هوه انتي هجوزي الناس ولا ايه
حلوه منك اميرو
تسلم يدك

[رعد السـماء]

الله عليكي يا أميرة
روووووووووعة

حتكملي إمتى ؟

[.Lamar]

جميلة يا ميرا

بالتوفيق حبيبتى

[حـيـــــآة ❤]

انا منغيرك اضيع
انا منغيرك بالشوارع اصيع
انا منغيرك زي الخروف من غير قطيع
انا منغيرك مش فظيع
ليه مش فظيع ؟؟؟

انتي عبيطه رسمي فهمي نظمي ههههه
تسلم ايدك ميرا

[حازم34]

هههههههههههههههههه

لولا انتي فيها كنت هقول حاره البتنجان الاسود


بس انتي فيها منوره

واومال برعي هيجوز مين يعني مهيتاب


ما هو لازم برعي يجوز فتنات

حتي فتنات اسم حلووووووووووو ممكن نشوفله حزنات


دا فوزيه تحمد ربنا وتبوس رجلها وش وضهر


دا تربيه فوزيه


ويا سلام علي بتقاع البقاله البصاص ابو دم سقيع


ههههههههههههههههههههههههه


ولا ملك الحته ال اظن ابو شنب هههههههههه


حقيقي والله جميل الفكر والسيناريوا الحلو المبهج دا


عن حاره البتنجان


تسلمي يارب علي جمال الفكر والقلم


منوره دايما

[αЛαstoOorα]

ههههههههه
مش بني أدمة آنتي
كانت ف المواهب دي؟؟
بالتوفيق ليكي ف المسابقة بقة
مولعاها آنتي خزعبلات وعامية
وربنا صارفلك هههههه

[fanaa]

ههههههههه
مش عجباها اسم فتنات ع اساس ان بورعى ياكل
تسلم ايديكى ياجميله

[ايمان طلعت]

ههههههههههه
يابنتي تخرجي بشكل غير ادمي
احسن ما تدبسي في بورعي ولا في ابو بورعي
متابعه معاكي
موفقه

[اميرة الحب الضائع]

اقتباس المشاركة الأصلية كتبت بواسطة واد حبيب هوه انتي هجوزي الناس ولا ايه حلوه منك اميرو تسلم يدك

هههههههه ومنجوزهمش ليه

الفراغ يعمل اكتر من كدا

نورتنى