الحلقه السادسة..ليه ماكنتش عايز اكمل

[طارق الجميل]

ضحكت حبيبى

عيشت انا فيها سرحان فى كل ليل وف كل نهار

اقوله ياحبيبى علمنى ضحكتك واللى خلت الليل نهار

اللى دوبت قلبى واللى علمت البيض والسمار

إذاى تكون الضحكه بريئه اذاى تكون الابتسامه وقار

وعيشت ف ضحكة حبيبى

كان بينا ود وكانت ضحكتها سحرانى

كنت انا عاشق حبها ولاكنتش ناسيها وكانت علطول هى كمان فكرانى

عارفه اننا إللى مالك قلبها رغم الظروف إللى كانت عنها بعدانى

لكن من هنا قربت انا لها وبدأت اخد عليها يوم بعد التانى

وانشال من عندى الخجل والكسوف وبقيت مع حبيبى اجرىء ماف زمانى

ومنين ماعينى ليها تشوف الصوت علطول يطلع من لسانى

ياحياتى أنا الحبيب هنا تعالى علشان إنك والله وحشانى

وكنا نفضل نتكلم .نتكلم ساعات ونفتكر إنها بس ثوانى

وف نهاية الكلمه بسمة شفايفها وف وسط الكلام ضحكه مجننانى

مش عاليه ولا حتى واطيه.. رقيقه ومن الرقه يعشقها كيانى

كان ياخدها وياخدنى الوقت ومهما طال مامشيش أبدا أنا من مكانى

ولا هى كمان كانت تعجل الوقت لكن الناس ااااه منها يازمانى

تشاور كتير علينا وياما سمعت منهم الكلام ودانى

ف كانت تسألنى هى الضحكه عليت؟؟ اقولها دى يادوب إتمايل عليها جسمانى

تقوللى امال ليه أنا شايفه الناس عماله بتشاور علينا؟؟ إيه؟ مش عرفاك وعرفانى

أكيد حبيبى الوقفه طالت؟؟ لازم نمشى وأدينا هنتقابل تانى

لكن قبل ماتمشى تضحك الضحكه الجميله اللى بيها سحرانى

وبعد ماكنت همشى ضحكتها ثبتتنى ف مكانى

تسألنى ليه من تانى وقفت؟؟ أقولها الضحكه سيطرة على وجدانى

ثبتت قدمى والقدم نص جسمانى

وهو اساس حركته.. ضحكتك الشوق من بعد حرمانى

لو سمعها القلب نبضه بيزيد. اكتر من مليون نبضه ف ثوانى

والجسم مكانه يثبت.. مكن ماسمع الضحكه يا أحلى نص تانى

تقوللى بس الناس بتشاور علينا ولازم امشى يامالك نبضى وكيانى

اقولها لازم نقف اكتر أعمل ايه لضحكتك اللى سحرانى
أرجوكى ياحياتى إضحكيها سمعيهالى من تانى
لا نا السحر فيها مدوبنى وعيونك السود شايفها وشايفانى
ترجع تضحك ضحكه برقه وضحكه عاليه وواطيه لمجرد ثوانى
وبعدها بسبب الناس نفترق على امل اللقاء فى يوم تانى

لكن قبل ماتمشى اشوف شقاوتها اللى اتعود عليها وجدانى
اشوف ضحكتها واسمع صوتها تناقض غريب فى انسان واحد يازمانى
شقاوة انسانه مش عاقله وضحكة انسانه كامله ف زمن انانى
ورغم الشقاوه والجنون رغمهم كانت بكل مافيها سحرانى
وعمرى مازهقت منها ولا قولتلها ف يوم انك مش عجبانى

وكنت بتمنى انها تعلمنى من شقاوتها

الشقاوه دى بقه نتكلم عنها في الحلقه القادمه

مع تحياتى طارق الجميل

[فداااااااااااء]

جميل اخى ما قرأته هنا

سلمت ودام جمال حرفك

دمت بسعادة

[طارق الجميل]

اقتباس المشاركة الأصلية كتبت بواسطة فداااااااااااء جميل اخى ما قرأته هنا سلمت ودام جمال حرفك دمت بسعادة

ادام الله عليكى السعاده شكرا فداااااااااااء لمرورك

[جبل عالي]

متابعين جمال الوصف وحلاة التعبير
راقني متصفحك المتسم بالروعه
كل الشكر والتقدير

[حـيـــــآة ❤]

عجبتني الطريقه واسلوب نثرك للشعر
الله عليك مبدع حقيقي
تسلم ايديك
ومتابعه معاك
دمت ف حفظ الله ورعايته

[طارق الجميل]

اقتباس المشاركة الأصلية كتبت بواسطة جبل عالي متابعين جمال الوصف وحلاة التعبير راقني متصفحك المتسم بالروعه كل الشكر والتقدير

جبل عالى.... يسعدنى دائما مرورك الرائع بمتصحتى ويشرفنى
ولكن اخشى ان نرى بعد جمال الكلمات والوصف الم ولكن
اوعد من يتابعنى ان مايراه لايحمل في طياته الا الحقيقه

[طارق الجميل]

اقتباس المشاركة الأصلية كتبت بواسطة حيــــــاة ❤ عجبتني الطريقه واسلوب نثرك للشعر الله عليك مبدع حقيقي تسلم ايديك ومتابعه معاك دمت ف حفظ الله ورعايته

حـــياه ..... دى على فكره الحلقه السادسه مش الخامسه انا غلط في العنوان
لكن اوعدك برغم بُــعد تنزيل الحلقات الا انه لن تملى ابدا من قرائتها
انتى ومن يتابعها وقريبا سيتبدل الحال من وصف للجمال الى كم الألم
وجرح الفراق اشكرك وكل من يتابع الحلقات لمرورهم تحياتى

[شاعر الحب الحزين]

جميل يا جميل يا طارق

أسلوبك في التعبير بجد جذاب ومدهش

وبتحكي القصة بشكل رائع وجميل

أبهرتني بروعة كلماتك يا جميل

ربنا يوفقك ويسعدك

[ويبقى الأثر]

جميله اوى
انت كده هتخلينى اقرا الاجزاء الاولى عشان تكمل القصه

[αЛαstoOorα]

طروق آنت عالمي بجد
حرف وكلمة وآحساس ووزن
وكل حاجة
مش عاوزك تزعل من خروجك ف المسابقة
المسابقة فيها بعض الشروط خارج الشعر
وآنت ف الشعر متآلق وخروجك مكنش
لسوء الكتابة ..آنت كتبت آحسن بعض ناس كملت
وانا علي يقين بدا
انت مبدع وآنا آسف لو زعلت مننا والله