ندوة أدبيه -- الحلقة الاخيرة

[ايمان طلعت]

اللون الموف كلامي و هعلق على الشعراء بصور اللون الازرق المنشاوي اللون الاسود الاحداث اللون الابيض الشعراء ملحوظه هامه (كل الكلمات هنا خياليه من تأليفي ولا تمت للشعراء باي صله ) طلع النهار وكل الشعراء حضروا للندوة صباح الخير فارس صباح الخير ايمان يلا نبدأ الندوة عشان نخلص بقى ماشي يلا كلنا جاهزين دخل المنشاوي يفتتح الندوة السلام عليكم يا حضور وانا انا الواد الجن اللي لا يهدى ولا يون طالع ازن نازل ازن يلا بينا نبدأ الندوووووة ويلاااا نادي يا جن على الشاعر يلا وسنفتح اليوم ان شاء الله بشاعر القطرين قطر الصعيد وقطر اسكندرية مع عبقرينو بنات مصر الفيلسوووووووف تصفيق حار مع دخول الفيلسوف اهلا اهلا بالحلوين طبعا كلكم عارفيني ببلاغياتي وتشبيهاتي الخطيرة والنهاردة هقولكم كلمتين كلهم تشبيهات مبالغه احم احم يتساقط رذاذ عطرك القرنبيطي كــ سيول تحرق الياسمين لم يحط الحمام في عشتك من قبح ذاك العطر الذي يتغلغل بين خصلاتك الكرته كــ فطريات عالقة على الزهر فلا هي تقتلني ولا تجعلني اتنفس نسيم الحياة منك لله يا شيخه روحي والان مع الاصاله مع جبل الشعر بانواعه ادب تلاقي عامي تلاقي مخصوص تلاقي مع جبل عااااااالي هااارسود كل دي ناس هقول قدامهم حكايتي بسم الله الرحمن الرحيم خلبيت جمالي يا ناس وانا قاعدة اخرط الملوخية فص توم وقرن فلفل واهرس فيهم ع الطبلية يعدي صرصار اضربة بالشبشب مهو مش هيبان في التقلية ييجي اخوه اديله كمان اكمل عادي مهو فيتامين ليا و ننتقل من صراصير جبل الى وجع الغربه مع شاعرنا الكبير شاعرالحب الحززززززين ازيكوا يا جماعة معلش انا اصلي موجوع ومشروخ من جوايا فمتزعلوش من الكلمتين بتوعي زمن الحياه عدي وفات والغربه اكلت من جلدي راقات والقطر داسني وقطع فيا مبقتش نافع حتى لجنيا كنت فاكر نفسي شاروخان بس بقيت خلاص بتنجان كل البنات سابوني و راحو سابوني بهمي و مني ارتاحو والان مع استاذ القافيه و الوزن استاذ الحرف والكلمه الدوك عبد اااااااااااااالله تحياتي واحترامي للجميع هقول كلمتين صغيرين اتمنى من الكل يفهمهم لاني دايما بحب احافظ على القافيه و الوزن تقلقس القلقاس متقلقسا حتى اتقلقس تلقيسا مدمرا ثم جاء السلق واتسلق متسلقا حتى انه تسلق جدار الطنجرة فائرا ولم نأكل القلقاس ولا حتى شممنا له رائحا واخر ضيوفنا الان مع الشاعرة العالمية نجمة الكلمه و قمر الحرف دمعة حائرررررررررررة انا مستعجلة عشان العيال فهقول على طول يا غلبي ياني من العيال ايه دة اللي عملته فيا نفسي ارّجع زمني في الحال وكل الهدوم تليق عليا الحقيني ياما ويابا ويا خال احجزوا في المورستان جناح مخصوص ليا فجأه اترزع الباب و دخل واحد و وراه شويه عيال مين صاحب الندوة دي انا يا كبير عيال مين دول دول عيال دمعه ايه اللي جابهم عندي هدوا المكتب على دماغي انتي يا دمعه هانم مين قالك تجيبي عيالك عندي هو انا فاتحها حضانه اه حضانه الماجيك نععععععم هو اللي قالي و شاورت على المنشاوي بصوا عليه لقيوه بيهرب استنى عندك وقف المنشاوي و رجع ازيك يا كبير ايه اللى مبهدلك كدة يا راااجل يعني مش عارف المنشاوي بيضحك بخبث وانا اعرف منين طب من النهاردة هنفتح فرع جديد في المنتدى وهيكون حضانه بنات مصر وانت المسؤل عنها انااااا اه انت ولو مش عاجبك اقلع بدلتك وامشي المنشاوي اغمى عليه وضحك الماجيك ومشي احم احم الى هنا تنتهي ندوتنا الادبية واتمنى تكونوا استمتعتم بكل فقراتها و الحمد لله ان النهاردة اخر يوم اصل انا نقصاكم انتوا كمان مش كفايه العيال في البيت

[*فجر الاسلام*]

هههههه تسلمى حبيبتى دمك زى العسسسسل والعياااااااال اه من العيااااااااال
ربى يسعدك ويخليكى للبشريه تضحكى فيهم

[د/ عبد الله]

هههههههههههههاي
يعني ملقتيش غير القلقاس تخليني أتكلم عنه
ده أنا نسيت شكله أساسا

بس أنتي مش سهله يا إيمان
وبتقولي كلام زي البتنجان
بس بتنجان أبيض بقى

ربنا يخليكي للبشرية
واستلم يا عم المانش مهامك الجديدة
أيوة يا عم.. ماشية معاك زي الحيلاوة

[αЛαstoOorα]

هههههههه
بس انتي مطلعاني مش آنا خالص علي فكرة
دنا بلطجي هههههه

[.Lamar]

ههههههههه يخرب عقلك

بس بجد عسل

موفقة يا قلبى انا

[الفيلسـوف]

هههههه يخرب بيت كده ده انتى مشكله ده انتىىشردتنى

[حازم34]

وهكذا ايها الاخوه المواطنون في كل مكان انتهت الندوه الادبيه الشعريه بالقلقاس والملوخيه


والعيال الصغيره الجميله ديا


عاوزين تعرفوا هتتزاع فين في محطه الندوات بعد الضهر بساعات


وعلشان تسمعها كويس اقفل السماعات واسمع من التليفون


وخليك معانا علي طووووووووووووووووول فيه كتير ندوات


حلوووووووووه كتير والمخرجه الفنانه ايمان


اخراج وانتاج وتوزيع


يا سلام علي الجمال والفن والتعبير


والله جميله وحلووووووووووووووووه كمان


ربي يسعد ها القلب ال اسعدنا بكم ندوه وفي انتظار الجميل كمان وكمان

[جبل عالي]

هههههههههههه اولا يخربعقلك ......ثانيا فصلتني ضحك
ثالثا....اللي بيقول ...خلبيت ....دي السفيرة مش انا خخخخخخخ
انا بقول هارسوووود بسسسسس

طرابعا بقا وده اللهم....ايوة انا بحب الصراصير وبحبك خخخخخخخ
بس مبحبهاش ع الملوخيه



ماشي يابنت اللظييييييينه

[جبل عالي]

نفسي الاقي مربع التعديل ع الخزعبلات ياكفررررررة
محدش مهتم ليه كده بجد
انا باعمل تعديل. ف كل مشاركه ع المنتدى الا هنا
لييييييببه؟؟؟؟؟؟؟ ماعرفشششسششسسس

[اميرة الحب الضائع]

فضحتى العيال حرام عليكى

لاء بجد فصلتينى ضحك جمده اوى الندوه حولى تعمليها تانى بجد روعه

فصلان ضحك
ربنا يسعدك