" حالة نادرة "!

[αЛαstoOorα]

( حالة نادرة )
/
آنا الشاعر وآنا المغوار
وآنا اللي ف كل بيت معني
آنا اللي بخرج الآسرار
ف سطر وكلمة تجمعنا
آنا وآحساسي برد ونار
ومين ف الشعر يمنعنا
نغني لكل قلب ودار
عشان الدنيا تسمعنا
آنا الشاعر آنا الحساس
آنا حروفي منافسه الماس
بتدخل دوغري قلب الناس
وتقعد هادية تشرب كاس
آنا الشاعر وشاعر برضه بمشاعر
بآن المعني والمضمون
ف كلمة وسطر يُعبرو كون
وآنا والشعر توم مجانين
بحبه وهو ليا حنيين
بيعشقني؟
لكني معاه آنا المفتون
آنا الشاعر بآبحارهُ
وتعابيرهُ
وقلبي مش لاقيله مكان
كدا غيرهُ
آنا طيرو؟ ف عز الفرحة
بيحرك جناحاتي
وعز النشوة
بيحررني من شوقي
ولما آحزن ؟
يشيل الهم من فوقي
آنا والشعر مصدرنا ف قلب سطور
لكان مُجبر علي حبي؟
ولا كنت آنا المجبور
آنا والشعر حالة نادرة
/
وليدة اللحظة وبهديها لكل مبدع بيحب الشعر بجد

[د/ عبد الله]

الله عليك يا كبير

أشهد بكل تكويني
وشوفت بقلبي وبعيني
شوفت الشعر من نبضك
ونبضك شعر يرويني

وشعرك حالة ف الزحمة
بتكتب حرف أو كلمة
بألف حكاية وحكاية
وتدخل ف القلوب نسمة

[a7med -3del]

مشكلتك انك نجم
بس هاقفشك قريب يامعلم
هاستناك
تحياتي
اخوك 11

[*فجر الاسلام*]

تسلم ايدك
يدوم ابداعك يا استاذ
تحياتى

[ويبقى الأثر]

يانبض الشعر واحساسه
ودفا الحرف ونبراسه
معاك للكلمه طعم ولون
للعامى انت تاج راسه


هو انت اللى حاله نادره بحروفك النادره
اسطوره بجد
يسلم الحرف وصاحبه

[αЛαstoOorα]

حبيبي اعبدالله ..آنت اللي نجم ياباشا والله
/
شو مي ههههه ولا نخليها 11 ؟
آنت باشا والله وحبيبي
/
منة
ملكة متوجة علي عرش العاميه آنتي
/
فجر
راقية بحروفك دوماً
منورني والله