مش قادرة اعيش من غيرك " شاعر العامية " ..~

[Lamees]

يا قلبي حاول تتكلم مالك ساكت لَيه مهموم بشدة بـ تتألم وعارف ناقصك أيه نظرة منه بحنيه تطفي شوقك لِيه ولو كلمة تَسمعك صوته وتجري عليه وعلى صدره تحس حضنه وتعيش فيه ابويا مات وعرفت بعده الخوف ومعانيه يا بنتي مفيش ألم بيدوم وكفاية دمع يجري من العيون داري وجعك في الضلوع وان غاب قمر ليلك الشمس مش هتبطل طلوع الحياة مش بتقف ماشية وكله موجوع هو قدر كل غالي يودعنا ومفيش رجوع اوعديني تنسي حزنك وتنسي الخضوع وافرحي كمان الفرح مش ممنوع من يوم ما غبت عني بندم على الماضي اللي راح وبخاف من بكره والدنيا ضاقت عليا وغاب البراح في الاحزان بثبت حضوري وماليش مكان في الأفراح طيب طمني عليك يا ابويا قلقان في نومتك ولا مرتاح ؟ ياريتك ترد عليا بدعيلك مسا وصباح الدنيا كلها بين ايديكِ عيشي وبلاش تحزني على حد وان فرحتِ من قلبك اوعدك كل اسوارك تتهد عايز منك وعد مش مجرد رد انتِ في قلبي ومهما بعدت مفيش بيني وبينك سد متنسيش تحكي لأولادك عني كلميهم عن ايام الود هوعدك وتوعدني تزورني في احلامي وتسعدني اوعدني ان حتى الموت عنك ما يبعدني ووعدك ان حزني في يوم مش هيغلبني ولا عمري هنساك وحياتي تاخدني Lamees 24 \ 7 \ 2016

[راجعة لحبيبى]

حضوووووووووووور

[a7med -3del]

توجع اوي الكلمات.. المشكلة انهم اختاره حالة صعبة اوي في احساسها مش كلامها.. حالة لماونكتب فيها لازم نبكي بجد
موفقة وبجد بتمني اشوفك في النهائي وانتي تستاهلي
تحياتي

[.Lamar]

الاب هو حالة حب نادرة فى حياة بنته

هو الدفا و الامان و السند

هو انك تنامى مرتاحة عارفة انه موجود قريب منك

هو حاجات كتييييييير اوى صعب تتكتب لانها تتحس و بس

كلماتك بتوجع اوى يا رونى

ربى يصبرك على فراقه

موفقة حبيبتى

[جنون قلب]

آلآب .. هو الرجل الوحيد فى حيــآه البنت
فحينمــآ تختــآره ل تكتب عنه
فهى اختــآرت كل الرجــآل .. ووضعهم فى كفه
وآلآب فى الكفه الاخرى
ورجحت كفه الاب ..
الاب هو الآسطوره فى حيأه البنت
بتحلم دآيمــآ ب صديق شبهه .. ب زوج شبهه .. ب إن شبهه
حتى فى كل طبـآعه
مهمــآ بلغت قسوته معاها . ف ده خوف عليهـــآ


أختى لآميس
أخترتى الاآصعب
لكن ده ممنعكيش إنكـ تُبدعى .. أحسنتى أختى فى اختيـآركـ
ل الحـآله أولآ .. والترتيب ثـآنيـــآ
وآلآحســآس سـآعدكـ لآنه حــآله مُثبته فى دفتر ذكريــآتكـ
ونبضت هُنــآ ب دآخل عبـآرآتكـ


كُنتى قويه ل أخر حرف .
أثبتى سيدتى
ب التوفيق لكـ فى القــآدم

[ويبقى الأثر]

كلام الدنيا كله مايقدر يعبر عن حب اغلى مافى الوجود

حسيت بحروفك ربنا يرحم والدك ووالدى يارب

رائعه حبيبتى
موفقه يارب

[مهيب الركن .]

الأخت الفاضلة Lamees
كلماتك هنا كتبت بأحساس مميز
وخطت حروفك مشاعر رائعه
تمنياتى لكى بالتوفيق اختى الكريمه

[*فجر الاسلام*]

الله يرحمه ويصبرك غاليتى
احسااااااس كبير وكلام جميل
اتمنالك التوفيق
تحياتى

[αЛαstoOorα]

آقسي درجات الحرفية ف التعبير
هو نبض الكاتب وهو بيكتب بآحساسه
بيجسد الواقع ع الورق وبيخرجلنا قصة واقعيه
من آرقي وآجمل القصصص
/
القصيدة خلت عيني كانت هتدمع وبالفعل دمعت يعني
وفكرتني بآبويا الله يرحمه ..
/
مقدرش آقولك غيرك آنك عيشتيني معاكي الآحساس
وحطتيني مكانك من آول بيت كتبتيه
ف آنتي آبدعتي والله
وبتمنالك التوفيق ف المسابقة

[حازم34]

حوار انا عايشه ولسه عايشه امس بالليل


وكنت اخاطبه واناجيه وادعوا ربي ان كان سامع كلماتي لاني بصراحه كنت جدا جدا مشتاق اليه


كنت مشتاق اشوف ابتسامته وفرحه عيونه لما كنت اعمل شئ هو راضي عليه


ناجيته والدمع ما خلاني كتمت حزني ومشيت وافتكرت اني لازم ابره في قبره


ولازم اصلي لربي ركعتين واناجيه يجعل قبره روضه من الجنان وهو دا ال الان محتاج اليه


بحبك يا يا ابي مشتاق اليك ويارب اجمعنا معه في عليين في مقعد صدق علي الارائك متقابلين


يارب


ابدعيتي اخيتي الكريمه والكلمات رغم الالم ولكن فيها الابداع


يسلموا القلم

وربي يغفر لوالدك ويسكنه الفردوس وكل مرتي المؤمنين والمؤمنات


بالتوفيق