قالوا عليا يتيمة..شاعر العامية

[ايمان طلعت]

مدخل الحكاية راح أبويا لربنا وأنا عمري تسعه لملمتنا أمنا وفضلت علينا تسعى هانت كتير عليها نفسها ومن بدري تصحى تشتغل... تيجي ...تروح ..وعشانا تتعب وتشقى قالوا يا أمي عليا يتيمة أزاي يا غالية وأنتي فينا يا رحمة ربنا عــ الأرض لينا يا جنتي اللي بقطف الخير منها مسكتي إيدي و عديتي بيا لشط الأمان كسرتي قيدي وحاميتيني من غدر الزمان خدتيني فحضنك وسقتيني الحب و الحنان سيبتي الدنيا وقولتي أعيش بس لإيمان فــ الوقت اللي محدش حس بيكي و بيا أنتي أغلى من حياتي و دنيتي ديا أنتي دقة قلبي اللي بعيش يومي بيها و الكحل اللي بحلي بيه عنيا لو تغيبي عني فـ يوم روحي تروح مني لو يصيبك جرح فـ يوم تخرج الآآآآه موجوعه مني ازاي أعيش من غيرك وأنتي لجروحي طبيبة أقول الآآآه توجعني وتسكّنيها يا أغلى حبيبه فعز الدمع ما يملا عنيا بتكوني اقرب صديقة فــ الوقت اللي محدش حس بيكي و بيا لو أشوفك تبكي مرّة تبقى الحياه فـ عيني مُرّة لحد ما تسقيني بضحكة صافية ساعتها تبقى الدنيا فعز البرد عليا دافيا ما أنا عايشه عشانك أنتي بس يا كل فرحه أول كلمه كانت بـ اسمك أول حس كانت بـ لمسك أول وقعه كانت فـ حضنك أول وقفه كانت بـ إيدك أول دعوة كانت بـ قلبك فاكره يا أمي أول مرة سجدت جنبك أبتسمتي و قمتي بسرعة شكرتي ربك يا وردتي ... يا هديه ربنا ليا يا فرحتي اللي مسحت دموع عنيا كل حلم حلمته بيكي كل منايا وأملي فيكي وآن ربنا يرضى عليكي و تبقي عاليه في الدنيا ديا حبك عندي بكل الدنيا و راحتك اليوم دين عليا أوعدك ربنا يرضى عليا وبمشيئته أبقى معاكي في جنته العالية مخرج قلبي فيا بس بيدق جواكي أنتي حته مني وكلي منك أنتي ربنا يخليكي ليا يا حبيبتي (خاطرة حقيقيه و دمعت وانا بكتبها )

[*فجر الاسلام*]

حبيبتى ربى يحفظها ويخليها لكى
راااااااااااائع الموضوووووع بجد
ربى يوفقك
تحياتى

[♥○ moOoOoOna ♥○]

هى جمييييلة فعلاً

الام دى اجمل حاجة فى حياة اى حد

وخصوصاً ام الايتام

بتبقى بالنسبة ليهم الام والاب

تسلمى يا حبيبتى على كلامك الجميييييييل

[حـيـــــآة ❤]

شاعرة العاميه انتي يا ايمي
بجد روعه واتاثرت باحساسك وانا بقرا
ربنا يحفظك الوالده
ودمتم في حفظ الله ورعايته حبيبتي
تحياتي ليكِ
موفقه

[حازم34]

الله الله علي الجمال والابداع


هي الام وقلبها وتضحيتها موحزنها لفقد زوجها وقلبها الجميل علي اولادها


ونظره الابناء الطيبين لها


هي الدنيا وهي فرحه القلب بفرحها


هي الام

حبيبه القلب صورتي الامر بابداع وجمال عالي جدا


وفكرتينا بما كان والدموع تحركت


ربي يحفظ كل الامهات يارب


تسلمي القلم الراقي الجميل المبدع ايمان


ما اجمل تلك الخاطره


بالتوفيق يارب

[αЛαstoOorα]

هو اللي انا متآكد منه
آن المرحلة دي زي ما هي صعبة عليكم
هتكون صعبة علينا كا هيئة تحكيم وتقييم
لآن لحد دلوقتي آي توبيك نزل كله آحساس
ومتعوب عليه ..
/
آنتي آبدعتي يا آيمان
وآحنا بجد هنكون ف الآخر ف موقف لا نحسد عليه
ولا آيه يا آسلام؟

[جنون قلب]

مبدئيـــآ كده .. الميوزكـ اللى فى الصفحه
روعه مقطع مؤثر جدآ ..
بيحكى حـآجه جُوآكـ .. ومتأثره بيهــــآ

.
.
امآ عن الحكــآيه ف البدآيه والنهــآيه
كُنتى أنتى
وأكبر دليل أمــآ كتبتيهــآ إنتى دمعتى
عجبنى جدآ الحُوآر .. وخـآصه مدخل الحكــآيه
أبدعتى فى تكوين الفكره ..
أو أبدعتى فى سردهــآ .. لآنى حسيت ان كنتى جوآهــآ
وعمركـ مـآ نسيتيهـــآ
كل مـآ فى الامر انكـ ب دموعكـ لينــآ حكتيهــــآ
وحكتيهــآ ب كلآم من نُور ..
كـآنت فى حضنهـآ الدنيـــآ زآهيه وكلهــآ آلوآن
ومتغطيه ب السرور
أيوه كنتى أنتى
فى كل حَـآجه .. وعنيكـ تدمع اول مـآ تسمعى منهـآ
كلمه حبيبتى


رَوعه أختى ايمـــآن ..
س تكونى مُنـآفسه قويه .. وس يكون لكـ مركز مُتقدم
لآن هُنـآ تركتى العنــآن لإحسـآسكـ
وكتبتى ب دموعكـ
ف كـآنت النتيجه أننـآ سقطنـآ
جرآء قرآئه حُروفكـ
مشكوره اختى .. استمتعت كثيرآ فى قرآئه كلمـآتكـ
دُمتى ب أمــآن الله
وب التوفيق لكى فى المســآبقه

[جنون قلب]

فِعلآ يَــآ مِنشَــآوى ..
المَوضوع المره دى هيعتمد إعتمـآد كُلى على الاحسـآس
واللى نزل منه ل حد دلوقتى ..
شىء صعب التقييم
بس هتفرق المره دى .. فى حته الوزن ..
وممكن القـآفيه والقفلآت بتاعه القصيده
لآنهــآ عبـآره عن حُوآر


ومختدش بـآلكـ أنت ان كل اللى بيكتب
اعتمد كمــآن على التنسيق
عشان الدرجــآت اللى رآحت منهم المره اللى فاتت
يعنى بيصعبوهــآ أكتر ..
مش عارف تخلينى انــآ اللى اختـآر ليهم القصه
والله كنت خليتهم يكتبوآ قصيده عن مصــآص دِمَــآء

[αЛαstoOorα]

هههههه
آها
يعني لا مفر كله ماشي ع الشروط مسطرة
والتنسقيات خرجولنا تنسقيات من آجمل التنسقيات
بس زي منتا قولت التقييم هيعتمد علي الآوزان والقافيه
والقفلات والآحساس آكتر شيئ
بس ربنا يستر ومنتحدفش بالطماطم آنا وانت والباقيين
هههههه

[ويبقى الأثر]

طيب يعنى كل مانقرا موضوع فى المرحله دى
نتأثر وندمع
احساسها دافى اوى ياايمان
ربنا يوفقك يارب ياجميله