مكافأة نهاية الخدمة (شاعر العامية)

[شاعر الحب الحزين]

[[align=center]

عمري ما صاحبتك عمري ما قلتلك أسرار داريت عنك أوجاعي وضحكت وجوايـا نــار عشان جربت شعورك عشان لعبت دورك لقيتني مش متحمل مش قادر اكمل وبنهار وإيه اللي منعك يا ابني إنك تجرب تصاحبني وليه شايفهم سايبيني وانتا زيهم بتسيبني أنا اللي كبرتك وربيتك أصدق حب حبيتك حاضر وغايب كنت انتا أغلى الحبايب يا ابني خدتني الدنيا منك يابا خدت قلبي بعيد ببقى قاعد جنبك وقلبي تايه وفكري شريد لا انا قادر اكلمك ولا قادر أفهمك الدنيا تعبتني بالناس جمعتني وفاتتني وحيد اكتر من مرة حذرتك وما سمعتليش كلام قلت أسيبك للدنيا براحتك وتتعلم من الأيام سبتك قلت إنك كبرت وآديك يا ابني ما قدرت لساك صغير وعليا بتتغير ليه كده مش حرام! مش بإيدي يابا غصب عني حكمتني الظروف اكلمك في إيه وانـا جوايـا مـن الهـم ألـوووف أنا بيقتلني الحنين بتمنى ترجع السنين وارجع ولد تاخدني ف حضنك وآخد منك المصروف ارجع من غير ذنوب ولا عيوب واتعلم ازاي اسمع واشوف أنا كنت فدائي يا ابني شوف انتا كنت إيه أسافر من بلاد لبلاد وسلاحي محرص عليه لا صاحبت ندل ولا عيل كنت انتا لسه عيل كنت لما الليل يليل تنام ف حضني .اتغيرت ليه دلوقتي بقى حضني وحش ..وحلو حضن الجنيه ملعون أبو المال لو هيبعدني عن حضنك مش عايزه يابا لو هياخدني ف يوم منك كتر المال بيمشي شمال الحال من الحال يا والدي ده انا قلبي حتة منك بقى بعد ما ربيتك وبعد ألف حضن وضمة تنساني كده وتنسى ليالي الأنس واللمة تفضل صحابك عليا تحرمني اشوفك بعنيا بعد تعبي سنين تبقى دي نهاية مكافأة الخدمة مين يرضاها طب ترضى ابنك يعاملك كده بالذمة حقك عليا يابا م النهارده هكون الإبن المطيع خدني ف حضنك الحنين ده انا كنت تايه وبضيع من قلبي بدعي وبتمنى إن تبقى المكافأة جنة وتعيش فيها وتتهنى انتا وانا والأهل والجميع يا ابني انا لو قسيت عليك ف ده لمصلحتك متزعلش مني أبدا لو في يوم كنت جرحتك علمتك تتعلم علمتك تتكلم معلمتكش تتألم كان كل همي تكبر كنت بتعب عشان راحتك قد ما تكبر فعيني صغير كل ما بتغلط بسامحك إنتا حصادي من حب أمك وبتهمني اكتر ما بهمك تعالا نتصاحب يا ابني وخلي قلبك يشبه ملامحك شــــــــــــــــــــــــــــــــ . حـــــــــــــــــــــــــــــــ align]

]

[αЛαstoOorα]

الله الله الله
جمال ف الرؤية وجمال ف الكلام وجمال ف اللحن
وجمال ف الوصف وجمال ف المعني وجمال عبد الناصر
ههههههه
كل الجمالات آتجمعت فيك يا خالد وف القصيدة دي
آي رد مش هيديلك حقك عشان حقك لازم تاخده ف التقييم
بس بجد آنا مستمتع بيكم وباللي بشوفه
ومع آن القصة مؤثرة وكل القصائد اللي بتنزل حزينة
وعيشتنا ف حالة من الحزن .بقالنا يومين
بس انا مستمتع

[fanaa]

ماشاء الله
كلمات رائعه بجد وفيها لحن
بالتوفيق ليك اخى

[مهيب الركن .]

كلمات راقيه تم نسجها بمنتهى الجمال
تقبل تحياتى اخى الكريم
وتمنياتى بالتوفيق

[ايمان طلعت]

جميييييله جدا خالد
موضوع واحساس و لحن
موفق

[السفيره عزيزه]

سطور جميلة وحوار كتير حساس
الابن يمكن يبعد ابوة ويقرب من الناس
ولما الدنيا تتغير ويبقي مش عارف على اساس
ماشي طريق وشوية تضيق وخلاص يعلن افلاس
ما يلاق غير والدة لسة .لسة على عهدة .ينصح
ويربط بايدة على كتفك وجبينك باس
يقول انت سنين عمري .وشمسي يابنى وقمري
تطل الدنيا بتنور .وفى بعدك لالا ما تتصور
كيف الاحساس..


روعة المضمون والاحساس والشعور
يلا بالتوفيق ان شاء الله

[حـيـــــآة ❤]

مااجملها
بجد كلمات ولا اروع واحساس جميل

حسيت كلامك ا/خالد
دمت ف حفظ الله
موفق"

[مارد الغضب]

قصة تثير قضية مهمة
بل اكثر من قضية في الحقيقة
و لكن دائما يكون الاب هو الملاذ الامن
نلجأ اليه اذا قست الدنيا
فهو الحب الوحيد الذي لا شك فيه
دمت مبدعا علي الدوام
تحياتي لسموك

[فصيح]

الأب زما أدراك ما الأب هو صمام الأمان
حوار مؤثر بين طياته شجن ورغم ما فيه
من هذا الشجن إلا أنه حلق بنا وجعلنا نتفاعل بكل حرف
مشكور أإخوي على ما تفضلت به واجدت

[ويبقى الأثر]

كل مابقرا حرف عن الاب بدمع
وانت حروفك كلها احساس وجميله خالد

بالتوفيق يارب