واحد كداب

[a7med -3del]

متاثرتش في بعدك
وعيشت عادي لما غيبتي
انا لو هاختار بجد حبيبة
مش ممكن تكون انتي
كنتي عارف اني علاقتنا
حاجة ليها وقتها
الحكاية اصلا غلط
فين الغرام اللي انتهي
عارف كلامي بيجرحك
ومش بايدي اريحك
عايزاني يعني اضحك عليا
وانتي عارفة من البداية
اني دي اخرت هوايا
صعب جدا اكون ضحية
عايزة ليه تعيشي حالة
وكاننا اتنين احباب
انتي اقل علي فكرة
ومننفعش حتي اصحاب
انتي واحدة لقيتها سهلة
وانا كمان واحد كداب
اتنين عاشو وشافو
كل معني للضياع
هتفرق ايه دلوقت يعني
نفكر مين اللي باع
كنت واضح من البداية
وللنهاية
ملبستش قناع
كدابين.. عايشين سنين
وعارفين اننا خاينين
وكل واحد بيحب بطريقته
انتي عايزة تحسي حاجة
وانا بهرب من كل حاجة
ومحدش اتكسف
تبان حقيقته
وبوضوح
كان الممنوع مسموح
ولما كنت بقول هاروح
بلاقيني عاجز
عايز ومش عايز
وفرحت جدا لما غيبيتي
حبيت
بس بطريقتي

Ahmed adel
26-7-2016
باختصار
قلم لا يعرف الحدود

[ويبقى الأثر]

احساسها جديد
وحاله كتير منتشره
جميل قلمك فى تنوعه احمد واحساسه اللى بيختلف كل مره
ابدعت اخى
تقيبمى

[*فجر الاسلام*]

قلمك رائع ومتنوع
وجميل الموضوع واضح انك بتكتب من التليفون
ماينفعش تكبر الخط شويه
تسلم ايدك يدوم الابداع
تحياتى

[حـيـــــآة ❤]

عجبتني اوي ولمحت فيها قصه خداع

من الطرفين

جميله وبتحكي واقع

تسلم ايدك يا فنان
دمت ف حفظ الله ورعايته

[fanaa]

يعنى نقدر نقول انتو الاتنين اتسليتو ببعض
كلمات راقيه يابن والدى يسلم قلمك

[a7med -3del]

اقتباس المشاركة الأصلية كتبت بواسطة ☆منة الله☆ احساسها جديد وحاله كتير منتشره جميل قلمك فى تنوعه احمد واحساسه اللى بيختلف كل مره ابدعت اخى تقيبمى

من المواضيع اللي حبيتها وفيها فعلا جراءة
لو ماختلفتش مش هاتميز
دومتي رائعة

[a7med -3del]

اقتباس المشاركة الأصلية كتبت بواسطة fagr alislam قلمك رائع ومتنوع وجميل الموضوع واضح انك بتكتب من التليفون ماينفعش تكبر الخط شويه تسلم ايدك يدوم الابداع تحياتى

ههههههههههههت
غصب عني والله
كتبتبها من الموبايل وع القهوة كمان
قاعد مستني حد مجاش قولت اكتب
وللامانة الفكرة كلها جاتني لما سمعت اغنية ضعفت لرامي جمال
عجبتني مووووووووت
تحياتي يافجر

[*فجر الاسلام*]

اقتباس المشاركة الأصلية كتبت بواسطة show me the meaning of lonely ههههههههههههت غصب عني والله كتبتبها من الموبايل وع القهوة كمان قاعد مستني حد مجاش قولت اكتب وللامانة الفكرة كلها جاتني لما سمعت اغنية ضعفت لرامي جمال عجبتني مووووووووت تحياتي يافجر

ربى يسعدك
ولا يهمك بس اصل بصدع من قراية الخط الصغير
عشان كده قولتلك
رائع كلامك بالتاكيد ربى يرضى عنك تحياتى

[Lamees]

يعني هي علاقة مصالح
عشان كده لازم تنتهي
اعجبتني جدا
انا قريتها مرتين
من جمالها
بجد ابداع
جو القهاوي حلو بردو
تسلم

[a7med -3del]

اقتباس المشاركة الأصلية كتبت بواسطة lamees يعني هي علاقة مصالح عشان كده لازم تنتهي اعجبتني جدا انا قريتها مرتين من جمالها بجد ابداع جو القهاوي حلو بردو تسلم

داتتي تنوري اي موضوع لميس
شاكر جدا مرورك
وجو القهاوي واي مكان المهم اللي هيكتب