توقعات وآراء نصف النهائي ..!

[αЛαstoOorα]

توقعات وآراء نصف النهائي
/

حازم34

/
1-بعد ما غادرت المرحلة الآولي ^^
وشوفت المرحلة الثانيه ..تفتكر لو اتآهلت للمرحلة الثانيه كنت ممكن تفوز بالمركز الكام؟
2- آيه رآيك ف قصة المرحلة الثانية
3- آيه رآيك ف الآقلام اللي بتشارك ف المرحلة الثانيه وبعض القصائد اللي نزلت
4- تتوقع مين يوصل للنهاءيات بجدارة
5-آحسن قصيدة من وجهة نظرك ضمن المجموعة اللي نزلت؟
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
7-لو كنت بتكتب وبتنافس لسة ضمن المجموعة ف نصف النهائئ توقعاتك كنت نافست مين علي مركزك؟
8-هل ردود الحكام داخل القصيدة قبل خروج النتيجة بيكون شيئ مهم بنسبة للمشتركين
9- توقعاتك قصة النهاءيات تكون عن آيه؟
10-قول كلمة للمتسابقين
:::::::::
اهلين اهلين اهلين وهلا وغلا ومرحبا الشاعر القدير ابا الفوارس


لو واصلت كنت ممكن بقي اتاني شوي في الكاتبه واضع شعري كما هو منضبط عامي موزون


مشكلتي اني اكتب ممكن في خمس او عشر دقائق بس


ولكن في المراحل المتقدمه ممكن بقي بالورقه والقلم والممحاه واسطر بقي زي ايام الاختبارات

ههههههههههههههههه

يمكن انال مركز ما هههه


قصه المرحله الثانيه -- جميله وفيها القلم ممكن يكتب لانها عن الجمال والحنان وكما توقعت


انا ستكون عن الحب والفرح ولكن في قصائد البعض تاثرنا بها نظرا لمخاطبه الغالي الذي

رحل


الاقلام التي تشارك كلها اقلام اصحاب فكر راقي وجمال في التعبير


وايصال المضمون كلها اقلام مبدعه واتمني لها التوفيق ونراها علي علي الشاشات


بالنسبه للتوقع لمن يصل الي النهائي بجداره


فيه اقلام مميزه ومبدعه ومتاكد من وصولها


وخليها في بالي يا حبيبي هههههههههه


منهم راقي الحس -- ومبدع الاحساس -- وقياره الشعر

وعبير الكلمات --- وصدي الشعر --- وملهم الاحساس

وفيض الكلمات -- ونور وجمال


لو كنت وصلت للمرحله التانيه وفزت كنت هنافس علي المراكز من الاول للثالث بجداره طبعا اومال ايه


القصائد حقيقي كلها جميله خالص وتستحق التقدير


ولكن البعض مال الي الشعر الادبي شوي


لا افضل ان يكون هناك ردود للحكام داخل القصيده والا لابد ان يقول بدون ما نعرف

انه حكم كل ما للقصيده وما عليها ودا شئ مهم

توقعاتي تكون قصه النهايه عن مشكله اجتماعيه يعاني منها الشباب والفتيات

مثل اعراض الشباب عن الزواج او تاخر سن الزواج للفتيات


او مشكله صله الرحم

او مشلكه التشاجر بين الجيران الاصول مشكله نري فيه ابداع الشاعر العامي

لوصف الحال


كلمتي للمتسابقين


اهلين اهلين اهلين بالقامات الجميله والكبيره في الكلمه المقروءه التي لها تاثير

السحر واخراج المكمون

حقيقي بكم سعداء ومبسوطين ودايما لاقلامكم متابعين


التنافس جميل بالود والحب


اسعدتمونا كتير ونحن بكم سعداء


ادعوا ربي لكم بالتوفيق في كل مجالات الحياه


لكم مني خالص التحيه والتقدير



ولابو الفوارس ومنه الله شكري ومودتي وخالص امتناني


وللمنتدي الحب كله __________________________________________________ ______________________

شاعر الحب الحزين

شاعر الحب الحزين
/
1-بعد ما اتآهلت للمرحلة الثانيه ونزلت قصيدتك الرائعة توقعاتك تاخد المركز الكام ف التقييم؟

والله المرة دي التوقع صعب جدا ..بس ان شاء الله خير..وان شاء الله اقدر اوصل للمرحلة الأخيرة

2- آيه رآيك ف قصة المرحلة الثانية

لا حلوة وكان التفاعل معاها أحسن وأفضل من المرحلة الأولى

3- آيه رآيك ف الآقلام اللي بتشارك معاك ف المرحلة الثانيه وبعض القصائد اللي نزلت

المرحلة دي صعبة جدا ..والكل أبدع فيها بصراحة

4- تتوقع مين ينافس معاك علي مركزك

انا مش متوقع مركزي هيكون فين ..ومش عايز اظلم حد ..كل اللي معايا كتبوا بإحساس عالي

5-آحسن قصيدة من وجهة نظرك ضمن المجموعة اللي نزلت؟

في الوزن والتنسيق فجر أبدعت ..في الإحساس روني ..في التعبير وفن الكتابة آية يوسف..ومهيب اطربنا

والباقيين كذلك برده.. في الحقيقة كل قصيدة ليها شيء بيميزها عن غيرها ..وآية يوسف ممتازة

6- المرحلة التانيه بيغادر فيها 4 مشتركين
ف توقعاتك مين يغادر ومين يكمل

ما انا قلتلك صعب انك تتوقع في المرحلة دي..وهيكون فيه جهد مضاعف على لجنة التحكيم

7-لو خرجت ومتآهلتش للنهاءيات وكان دا بسبب التقيمات مع آنك كاتب قصيدة رائعه
ياتري هتحترم قرار التقييم كما آحترم البعض وشارك بعد المغادرة؟

شوف انا عمري ما فزت ف مسابقة دايما باخد مركز تاني او تالت ..يعني عادي.

اكيد طبعا هحترم قرار التقييم ..وهزعل عاللي هيغادر كمان..لأن بصراحة كلهم أمتعونا بإحساسهم

8-هل ردود الحكام داخل القصيدة قبل خروج النتيجة بيكون شيئ مهم بنسبالك؟

ما بفضلش ردود المقيمين على المواضيع ..خليها مفاجأة أحسن..لأن ممكن اشوف تقييمهم ف ردودهم من خلال كلامهم

9- توقعاتك قصة النهاءيات تكون عن آيه؟

انتا أدرى بقى يا مانش..واتمنى تكون قصة نستلهم منها الإحساس والإبداع

10-قول لمُشجعينك كلمة

بقول لكل المشتركين اللي انا بشجعهم وبحييهم على ابداعاتهم بقولهم ..بتمنالكم التوفيق

واللي بيشجعوني بقولهم بحبكم وبتمنالكم كل خير
__________________________________________________ __________________

Lamees

/
1-بعد ما اتآهلتي للمرحلة الثانيه ونزلتي قصيدتك الرائعة توقعاتك تاخدي المركز الكام ف التقييم؟
بتوقع اني اكمل وبس
2- آيه رآيك ف قصة المرحلة الثانية

القصة جات على الجرح بالنسبة لي وخاصا اني في محموعة
الاب
3- آيه رآيك ف الآقلام اللي بتشارك معاكي ف المرحلة الثانيه وبعض القصائد اللي نزلت
الاقلام لا غبار عليها
كلهم بحترمهم وبقدرهم
انا مش قريت كل القصائد لاني بعافية شوية
4- تتوقعي مين ينافس معاكي علي مركزك

طيب انا مش متوقعة مركز عشان كده مش عارفة
بس عموما الكل مبدعين كل واحد بطريقته
5-آحسن قصيدة من وجهة نظرك ضمن المجموعة اللي نزلت؟
زي ما قلت ظروف تعبي مش قادرة اتابع ربنا يستر في اللي جاي
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
دكتور عبد الله هيكمل هو وخالد
بس مين هيغادر الله اعلم
7-لو خرجتي ومتآهليتش للنهاءيات وكان دا بسبب التقيمات مع آنك كاتبة قصيدة رائعه
ياتري هتحترمي قرار التقييم كما آحترم البعض وشارك بعد المغادرة؟
8-هل ردود الحكام داخل القصيدة قبل خروج النتيجة بيكون شيئ مهم بنسبالك؟
انا مش عارفة مين في لجنة التحكيم
عشان كده مش واخدة بالي
9- توقعاتك قصة النهاءيات تكون عن آيه؟

قصة كفاح
10-قول لمُشجعينك كلمة

هو انا ليا مشجعين
طيب اقولهم بحبكم في الله


__________________________________________________ _________

د/ عبد اللَّه

أهلا بيك يا كبير..وبعتذر ع التأخير
إجاباتي المرة دي هتكون كلها دبلوماسية
فأقولك الله أعلم هاخد المركز الكام..لكن اللي أعرفه اني راضي عن اللي كتبته
القصة خرجت حاجات كتير جوانا ...رغم الوجع اللي سببته
الأقلام كلها أبدعت وشوفنا حاجات كويسة
الله أعلم
كل المواضيع اللي نزلت كويسه
الله أعلم
اه طبعا هحترم رأي لجنة التحكيم
كل الردود بتكون محفزة لأي حد وخصوصا من المقيمين
الله أعلم
بحبكو كلكو..بحبكو كلكو على بعضكو __________________________________________________ __________

ايمان طلعت

/
1-بعد ما اتآهلتي للمرحلة الثانيه ونزلتي قصيدتك الرائعة توقعاتك تاخدي المركز الكام ف التقييم؟

مع ان الردود عليها مشجعه جدا بس الله اعلم بالتقييم
فمش عارفه اتوقع الصراحه بس اتمنى التوفيق اكيد

2- آيه رآيك ف قصة المرحلة الثانية

قصه جميله جدا وخرجت من جوانا مشاعر كتير

3- آيه رآيك ف الآقلام اللي بتشارك معاكي ف المرحلة الثانيه وبعض القصائد اللي نزلت

اقلام كلها قويه والخواطر الحقيقه اغلبها رائع
4- تتوقعي مين ينافس معاكي علي مركزك
مش لما اعرف مركزي ابقي اقولك مين ينافس ^_^
5-آحسن قصيدة من وجهة نظرك ضمن المجموعة اللي نزلت؟
الكلمات كلها جميله
وكل مرحله الكلمات بتبقي اكتر ابهارًا
عجبتني كلمات دوك عبدالله و مهيب
واحساس خالد وايه
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
اللي متوقعه يكمل
دوك عبدالله
اطياف
مهيب
والله اعلم بالباقي
7-لو خرجتي ومتآهليتش للنهاءيات وكان دا بسبب التقيمات مع آنك كاتبة قصيدة رائعه
ياتري هتحترمي قرار التقييم كما آحترم البعض وشارك بعد المغادرة؟
انت عارف من الاول اني مش بكتب عاميه وكتبت كدة من باب المحاوله و ربنا وفقني و دخلت المرحله التانيه ودة انجاز ليا وسط الاقلام الموجودة
وكتبت وقولت في رد في الخاطرة ان الردود اللي شوفتها اقيم عندي من ميت مركز والف وسام
فطبعا مش هزعل وهحاول اكتب للقصه النهائيه كمان
8-هل ردود الحكام داخل القصيدة قبل خروج النتيجة بيكون شيئ مهم بنسبالك؟
مهم طبعا وكان له تأثير كبير جوايا
بس يارب تستمروا على كدة بس ^_^
9- توقعاتك قصة النهاءيات تكون عن آيه؟
الاولي كانت رومانسه والتانيه عن الام والاب يعني اتوقع التالته عن الوطن او دينيه كنوع من التنويع
10-قول لمُشجعينك كلمة
_

انتم حد لذوذ بحبكوا اوي ^_^
طبعا لولاكم ما كنت حاولت ولا وصلت للي وصلت ليه
ومن تشجعكم بكتب اكتر
بالتوفيق للجميع
__________________________________________________ ________

طارق الجميل

عضو مشارك

[COLOR=#]
/
1-بعد ما غادرت المرحلة الآولي ^^
وشوفت المرحلة الثانيه ..تفتكر لو اتآهلت للمرحلة الثانيه كنت ممكن تفوز بالمركز الكام؟
بعيد على إن ردودناالى ساعات فى ناس بتعتبرها غرور أو كبرياء ألآول
2- آيه رآيك ف قصة المرحلة الثانية
القصه صعبه صعبه جدا ومحتاجه شخص يكون متمرس فى كتابة القصص
3- آيه رآيك ف الآقلام اللي بتشارك ف المرحلة الثانيه وبعض القصائد اللي نزلت
كل الاقلام مختلفه وطبعا شوفت لهم قبل كدا كتابات تتخطى جمال التعبير
لكن انا صريح جدا وصراحتى للى مايعرفنيش بيزعل منى انا دخلت شوفت بعض اللى نزل وخرجت منه.. الا انى شايف ردود ليها وجهات نظرها تحترم لكن زى ماقولت النوع ده من القصص محتاجه متمرس ماتكنش دى اول مره بانسباله يكتب قصه فى قصيده
4- تتوقع مين يوصل للنهاءيات بجدارة
فى لجنه بتقيم ده وانا رايي خارج ا لتقييم ..... انا قولت انى شوفت البعض مش كله
5-آحسن قصيدة من وجهة نظرك ضمن المجموعة اللي نزلت؟
فى اللى انا شوفته لاتعليق
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
انا شايف انه ماكنش مفروض ارد على الرساله دى
7-لو كنت بتكتب وبتنافس لسة ضمن المجموعة ف نصف النهائئ توقعاتك كنت نافست مين علي مركزك؟
انا طول عمرى بكتب فى مكان لواحدى ماحدش بينافسنى فيه ومختلف عن الكل علشان كدا انا خرجت لانى مختلف وانا ماتكلمش عن مرحله ماوصلتلهاش
8-هل ردود الحكام داخل القصيدة قبل خروج النتيجة بيكون شيئ مهم بنسبة للمشتركين
انا بشوف ردودهم كلها تشجيعيه ومحايده ودا دليل على ان الحكم فى النهايه هو كمان محايد
9- توقعاتك قصة النهاءيات تكون عن آيه؟
اتمنى انها تكون على اى شئ اسهل عشان تكون المتعه فى خروج الكلمه تسعد كل من يمر بالاقلام الموجوده كلها
10-قول كلمة للمتسابقين
انا اتمنالهم التوفيق المرادى اللى هيصعد هيكون بجد يستاهل لانى من بعض الكتابات اللى شوفتها فى المرحله دى ماحسيتهاش حسيت ان الكتابه حاجه مصطنعه مش طالعه من القلب وانا دخلت تقريبا لنص المشتركيين ..... ياريت وجهة نظرى ماحدش يزعل منها انا انسان مرح جدا لكنى صادق مع نفسى ومع الغير جدا جدا جدا .... طارق الجميل
__________________________________________________ _________

اميرة الحب الضائع

-بعد ما اتآهلتي للمرحلة الثانيه ونزلتي قصيدتك الرائعة توقعاتك تاخدي المركز الكام ف التقييم؟

رائعه ربنا يخليك ويرفع من روحك المعنويه يا رب
امممم نفس توقعاتى فى المره الاولى هخرج فى التصفيات دى معنديش ثقه فى نفسى خالص

2- آيه رآيك ف قصة المرحلة الثانية
لاء جميله جدا وعجبتنى الفكره اوى والمشكله انى اخت وقت عقبال ما حولت الصراحه اوصل لكلام اقولو عن ماما لان بجد كنت كل اما اكتب كلمه احس انى بردو مقصره فى وصفى

3- آيه رآيك ف الآقلام اللي بتشارك معاكي ف المرحلة الثانيه وبعض القصائد اللي نزلت

اممممم متتوصفش الصراحه بجد روعه مش قراءت الكل بس فى المرحله دى بجد اكتر قصدتين عجبونى

مكافأة نهاية الخدمة (شاعر العامية)

و



يا خوفي يا أبويا لتسبني ..((شاعر العامية))

الاتنين بجد روعه

4- تتوقعي مين ينافس معاكي علي مركزك

انهون انا هاخد المركز الاخير لوحدى متخفش

5-آحسن قصيدة من وجهة نظرك ضمن المجموعة اللي نزلت؟
زى ما قولت

مكافأة نهاية الخدمة (شاعر العامية)

و



يا خوفي يا أبويا لتسبني ..((شاعر العامية))

6- المرحلة التانيه بيغادر فيها 4 مشتركين
ف توقعاتك مين يغادر ومين يكمل

امممممم الى اعرفه ان انا وحده من الاربعه غير كدا بجد الكل يستحق يكمل

7-لو خرجتي ومتآهليتش للنهاءيات وكان دا بسبب التقيمات مع آنك كاتبة قصيدة رائعه
ياتري هتحترمي قرار التقييم كما آحترم البعض وشارك بعد المغادرة؟

اكيد طبعا انا عجبانى فكرة المشاركه مش عشان الجوايز بنسبالى الجوايز تشجيع مش اكتر وانا عرفه نفسى مهما كتبت مستحيل اوصل للمستوى باقى المشتركين بسم الله ما شاء الله استذه

8-هل ردود الحكام داخل القصيدة قبل خروج النتيجة بيكون شيئ مهم بنسبالك؟

بنسبالى جدا لان حتى لو مش كملت بيدينى دافع انى لو خرجت افضل اكتب

9- توقعاتك قصة النهاءيات تكون عن آيه؟
زى العاده انت محدش يتوقعك

10-قول لمُشجعينك كلمة
بتكسف وربونا
طيب لو فى حد بيشجعنى بقولو والله بعمل الى اقدر عليه
ولو خرجت يعنى فى اقلام اروع متاكده انها تستاهل تكمل للاخر
__________________________________________________ _________

حيــــــاة ❤

حياة
/
بما آنك مُتابعه جديه لمسابقة شاعر العاميه
آيه رآيك ف المرحلة الآولي ..وآيه رآيك ف المرحلة الثانيه
المرحله الاولي كان كله داخل بنشاطه وبجد كله كتب كويس اوي سواء اللي بقي او اللي تم استبعاده وهما اقلام كبيره طبعا اللي طلعوا قبل اللي لسه متاهلين .. وادينا متابعين المرحله الثانيه ولقيت حماسهم زاد ممكن عشان الموضوع
2- تفتكري مين يكمل معانا ف النهاءيات من المشتركين ومين يغادر
هو بصراحه كل المشتركين بجد احساسهم عالي جداا وبتمني محدش فيهم يغادر
3- آفضل قصيدة قرأتيها ف المرحلة الثانية ولمين من وجهة نظرك
حاليا مقريتش كل المواضيع بس اللي اثرني بجد من اللي قراتهم كلمات ايمان طلعت ولسه هكمل قراءة البقيه
4- آيه رآيك ف قصة المرحلة الثانية ؟
اكتر قصخ ممكن يخرج من وراها احساس صادق وعالي من المشترك.. كنت حابه ادخل، اطلع بموهبتي انا كمان هههه
5- بتشجعي مين من المتسابقين للوصول للنهاءيات
كلهم بلا استثناء اقلام تستحق اللقب
6- توقعاتك قصة النهائي تكون عن آيه؟اصدقاء الطفوله
7- رآيك ف المسابقة ونظامها والشكل اللي بتتقدم بيه
مسابقه جميله طبعا من اول المواضيع والقصص واللجنه والمشاركين وكتاباتهم.. ربنا يوفقكم وتكملوا باذن الله
8- رآيك ف التقيمات وطريقة التحكيم ورآراء اللجنة ف بعض القصائد ع العام
اراء سديده نوعا ما اكيد وانت ومنه وا/اسلام اراءكم تحترم وربنا يسعادكم ويوفقكم
9- كلمة للناس اللي خرجت ف المرحلة الآولي والناس اللي هتخرج وتغادرنا ف نصف النهائيايوا
الناس اللي بتخرج متزعلش ابدا لانه الجميع والله بيطلع اللي عنده
لكن اللجنه بتبقي عايزه شئ معين ممكن تلاقي فيه نقص ف القصيده او حاجه مش موجوده كان يُأمل وجودها.. فالجميع بلا استثناء بيعمل اللي عنده.. وبجد شوفت حاجات جميله اوي وهما كلهم اقلام رائعه جدا جدا وموفقين بئا باذن الله
10-وآخيراً آيه رآيك ف طريقة التقييم والنظام اللي بيتقدم بيه

اكيد مش هيحصل اي ظلم لحد، لان بكونكم من اساتذه المنادي واراءكم تحترم بالطبع وكل واحد شايف اللي قدامه بيكتب ازاي وناقصه مقوم او لا..
فالنظام حلو نوعا ما.. بس محتاج تركيز اكبر ع الاحساس بالنسبه للمرحله دي
وبالتوفيق ليكوا

_______________________________________________

فصيح

عضو جديد

/
1-بعد ما اتآهلت للمرحلة الثانيه ونزلت قصيدتك الرائعة توقعاتك تاخد المركز الكام ف التقييم؟

طبيعي اتمني المركز الأول وعندي ثقة في قلمي والحمدلله ولو محصلش كفاية التجربة لوحدها كانت ممتعه

2- آيه رآيك ف قصة المرحلة الثانية

ممتازة وصعبة وسهلة ، صعبة لأنها مشاعر والكلام عن المشاعر لازم
يكون احساس مش مجرد رص كلام ، سهلة لأن دا أنت عايشه وبتعيشه والمفروض تترجمة بكل حواسك

3- آيه رآيك ف الآقلام اللي بتشارك معاك ف المرحلة الثانيه وبعض القصائد اللي نزلت

والله أقلام روعه لكاسة الاكاسة والقصائد اللي نزلت كلها مؤثرة والمشاعر
واضحه جدا

4- تتوقع مين ينافس معاك علي مركزك

احنا في مسابقة والكل بينافس المفروض على المركز الأول وكلهم ممتازين حقيقه

5-آحسن قصيدة من وجهة نظرك ضمن المجموعة اللي نزلت؟
تصدقني لو قلت كلهم روعه الله يكون في عون لجنة التحكيم

6- المرحلة التانيه بيغادر فيها 4 مشتركين
ف توقعاتك مين يغادر ومين يكمل

دي بئا بتاعة لجنة التحكيم وهما مسؤلين قدام الله

7-لو خرجت ومتآهلتش للنهاءيات وكان دا بسبب التقيمات مع آنك كاتب قصيدة رائعه
ياتري هتحترم قرار التقييم كما آحترم البعض وشارك بعد المغادرة؟

شوف أمنشاوي أنا عندي ثقة فيكم والله بس مش هعترض لو حصل لكن هزعل لو كنت أحسن من حد هيكمل بدون وجه حق ، وهقول تاني أنا مبسوط أني بينكم

8-هل ردود الحكام داخل القصيدة قبل خروج النتيجة بيكون شيئ مهم بنسبالك؟

أكيد طبعاً لان لجنة التحكيم مش هتقول أني حلو ترجع تصدمني بالتقيمات
فأن شايف أن كلامهم مرايه اللتقيمات بتاعتهم

9- توقعاتك قصة النهاءيات تكون عن آيه؟

أنا بقول عن مصر بئا أو الوطن الحب فيه بعيد عن مشاكله والسياسة
علشان ميحصلش انقسام

10-قول لمُشجعينك كلمة

أنا مجرد احساس ممكن يكتب ليكم والله ردوردكم ومروركم تاج على راسي
واتمني أكون عند حسن ظنكم بيا مشكورين والله على دعمكم ليه
___________________________________________

fanaa

فاني
/
فناااء لو سمحت
1-بعد ما اتآهلتي للمرحلة الثانيه ونزلتي قصيدتك الرائعة توقعاتك تاخدي المركز الكام ف التقييم؟
والله انا بالعاده مبتوقعش انا بتفاجئ بس اى مركز اخده ميهمش المهم نعدى
2- آيه رآيك ف قصة المرحلة الثانية
قصه صعبه اووى انك اصلا تكتب عن حد عمره ماهيتكرر وبالذات لو الام
3- آيه رآيك ف الآقلام اللي بتشارك معاكي ف المرحلة الثانيه وبعض القصائد اللي نزلت
طبعا كلها اقلام ماشاء الله الله جميله وصعب انك تقول اى رئى يكفى كل واحد فيهم وقصايدهم راائعه كفايا بس انها من قلبهم وحسسنها
4- تتوقعي مين ينافس معاكي علي مركزك
لما ابقى اخد مركز الاول بس لو حصل اين كان بقى فاهلا بيه
5-آحسن قصيدة من وجهة نظرك ضمن المجموعة اللي نزلت؟
والله صعب اختار بس الاعجبتنى بجد قصيده شاعر الحب
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
زى ماقولت قبل كدا مش بتوقع بصراحه بس انا ممكن اكون وحده منهم لان فيه اقلام انا مش جمبها حاجه
7-لو خرجتي ومتآهلتيش للنهاءيات وكان دا بسبب التقيمات مع آنك كاتبة قصيدة رائعه
ياتري هتحترمي قرار التقييم كما آحترم البعض وشارك بعد المغادرة؟
اكيد طبعا اصلها مش حكايه مين يكسب او يخسر كفايا بس اللحظه الحلوه الا بنتشارك فيها كلامنا دا وفرصه اكبر اننا خرج الاجوانا ونلاقى الايسمع
8-هل ردود الحكام داخل القصيدة قبل خروج النتيجة بيكون شيئ مهم بنسبالك؟
هو اينعم بقلق منو بس اكيد بيفرق
9- توقعاتك قصة النهاءيات تكون عن آيه؟
قولنا بتفاااااااااجئ انا مش بتوقع انا بنصدم بس ^_^
10-قول لمُشجعينك كلمة
هههه هو انا عندى مشجعين عمتا يعنى ربنا يخليكو بقى وتشجعونى عطول واينعم معرفكوش بس بحبكو ♥
_____
__________________________________________________ __________

مهيب الركن .

عضو فوق الوصف

1- التوقعات دى صعبه لأن الأقلام الموجوده كلها رائعه والتوفيق فى الأول
والأخر دا من عند ربنا ولجنه التحكيم كلنا ثقه فى حياديتها فى تقييم الأقلام

2- القصه رائعه برغم صعوبتها ولكن جمالها انها ممكن تخرج أحاسيس كتير

3 - كلهم حلوين ومميزين جدا واحساسهم عالى

4 - الكل بينافس لأن الكل أبدع

5 - صعب اقول أحسن قصيده لأن الكل من وجهة نظره ما خطه قلمه هو الأفضل
ولهذا السؤال يجب توجيهه لمن يقرأ القصائد من خارج المنافسه

6 - توقعات الخروج دى فى علم الغيب وصعب التوقع لأن الأقلام كلها رائعه

7 - طبعا هحترم القرار لأن المسابقه فى الاول والأخر تعبير عن
أقلامنا بغض النظر عن الحصول على مراكز

8 - الردود شئ مهم بس المفروض اى عضو فى لجنة التحكيم لا يأخذ
انطباعات مسبقه عن تقييمه ويضع ذلك فى رده
بل عليه بقراءة القصائد كلها مره واتنين
وان ينسى تماما أسم كاتبها أو اى مراكز حصل عليها قبل كده
او أى قصائد نزلها قبل كده لأن كل مسابقه ليها ظروفها الخاصه ولكل مقام مقال

9 - مش عارف والله القصه هتبقى ايه

10 - اقول للكل انكم اقلام رائعه جدا وانا على فكره قليل اما بكتب بالعاميه
بس اللى شجعنى على كده هو أقلامكم الراقيه
واى كانت النتيجه فليس لها تأثير على رقى أقلامكم وتميزها

تحياتى للجميع
__________________________________________________

Show me the meaning of lonely

[COLOR=#]/
1-بعد ما غادرت المرحلة الآولي بمركز 11 ^^
وشوفت المرحلة الثانيه ..تفتكر لو اتآهلت للمرحلة الثانيه كنت ممكن تفوز بالمركز الكام؟
افتكر لو شاركت كنت هافوز ب11 تاني
الموضوع بقي تعود علي فكرة.. بس عشان اقطع الكلام في الموضوع
انا يوم مادخلت مسابقة هنا كنت ممممم طب بلاش

2- آيه رآيك ف قصة المرحلة الثانية
قصة كئيبة جدا بصراحة ومتوقع كده حالة من الحزن عتمت علي المنتدي وفكرت الناس باوجاعها
3- آيه رآيك ف الآقلام اللي بتشارك ف المرحلة الثانيه وبعض القصائد اللي نزلت
4- تتوقع مين يوصل للنهاءيات بجدارة
مهيب الركن الاجمل وبتمني وصول عبد الله ولميس وفجر
بس الاماني غير الواقع اتمني ده وفصيح كمان خفيف عليوقلبي
5-آحسن قصيدة من وجهة نظرك ضمن المجموعة اللي نزلت؟
مهيب ابدع جدا
6- المرحلة التانيه بيغادر فيها 4 مشتركين
ف توقعاتك مين يغادر ومين يكمل
قولت فوق
7-لو كنت بتكتب وبتنافس لسة ضمن المجموعة ف نصف النهائئ توقعاتك كنت نافست مين علي مركزك؟
والله مش عارف علي حسب المعيار
يعني انا ثقتي اكبر من اني اخاف او اتوتر
كان مركزي اكيد 11 حتي لو 6
اتعودت صدقني وحبيت الموضوع اوي 😄

8-هل ردود الحكام داخل القصيدة قبل خروج النتيجة بيكون شيئ مهم بنسبة للمشتركين
9- توقعاتك قصة النهاءيات تكون عن آيه؟
مكرر
10-قول كلمة للمتسابقين
موفقين كلكم ومحدش يتاثر بخروج هي حالة توفيق ليس اكثر
واكسب احترام الناس قبل المسابقة
والاهم من كل ده المدوامة علي الكتابة بتصنع الفارق

/
دي كانت توقعات معظم الناس ف نصف النهائي
حين ظهور النتيجة
سلمو علي بعض هنا

[/COLOR] [/COLOR]

[*فجر الاسلام*]

اممممم انا بعد ماتخلص المسابقه هرفع عليك قضيه
العلاج على نفقة المنشاوى انا بقيت زى ده
ومعلش ماقدرتش اكمل قرايه
تحياتى ليكم وربنا يستر فى اللى جاى

[حـيـــــآة ❤]

بالتوفيق للمشاركين ولجنة التحكيم
موفقين

[Lamees]

مجهودك كبير اوي يا فارس
والموضوعات والتوقعات دي
حاجة بتعمل روح حلوة للمسابقة
وتنافس جميل
بحس بأهتمام منك كبير للمسابقة
ودي حاجة تشجع اي مشترك معاك
تنظيمك للفكرة واستخدامك ليها
حلو بجد
موفق فارس

[مهيب الركن .]

تمنياتى بالتوفيق لكل المشاركين
وشكرا للقائمين على المسابقه لمجهودهم الراقى

[fanaa]

وهتفضل المسابقه دى احلى لمه للاقلام مش اكتر
بالتوفيق للجميع

[اميرة الحب الضائع]

ربنا يستر بجد فعلا القصايد كلها روعه

ربنا يكون فى العون

[a7med -3del]

حظكو حلو اني خرجت علي فكرة 😉☺😄

[شاعر الحب الحزين]

تأخر النتيجة هو نتيجة إبداع المشتركين

بصراحة كلهم أبدعوا وبتمنالهم التوفيق

يعطيك العافية يا مانش على جهودك انتا والقائمين على المسابقة

ولجنة التحكيم ..وأبطال المرحلة التانية قدموا كتابات هتفضل شرف لقسم العامية

بالتوفيق ليهم جميعا ..والتوقعات والآراء كلها متشابهة بعض الشيء

ربنا يوفقكم ويسعدكم