ساعات ساعات

[شاعر الحب الحزين]

ساعات بتكون نيتك صافية

وتلاقي ناس كتير ضدك

ولو تبقى النية مش صافية

يصفالك ألف قلب ويودك

ناس عايزة الناس تحبها بالعافية

وناس قد ما تعليها بتهدك



ساعات الدنيا بتضحكلك من ضحكة حبيب

ولو فاتك تحس نفسك وسط الدنيا غريب

تضيق الدنيا بيك . تقسى الظروف عليك

لو هتفضل لمين هتفضل ..وعن مين ح تغيب

ما خلاص راحوا الأحبة .ورضيت وقلت قسمة ونصيب



ساعات من غير ما نفهم ونتأكد

بنصدق ناس وبنظلم ناس

نتحر ونتغر ونقول كلام كبير ونهدد

نظلمهم من غير إحساس



ما كدبش عليا غير اللي قاللي ف يوم

إن الدنيا دي حلوة ساعات ساعات

جربت أدوق حلاوتها مرة وفاتتني مظلوم

سجنتني بين حيطان حزن وآهات

نفس اللي قاللي ..رجع قاللي مفيش ضحك بيدوم

وانتا من كتر ما ضحكت قلبك مات

وعجبي ..


بخاف أظلم حد وبخاف اجرح

أصل ده مش دوري ف المسرح

دوري اعيش ف حالي

أيام وشهوووور وليالي

الفرح تمنه عليا غالي

خلاني بجد أخاف في يوم افرح

ولسه سايب ضحكتي ف كل مكان ومطرح

بس جوايا دموع وهموم لا يمكن ف يوم تتزحزح


في لمحة بصر بيعدي قدامنا شريط الذكريات

في لمح البصر عدى العمر وفات..ساعات ساعات



شـــــــــــــــــــــــــــــــ . حـــــــــــــــــــــــــــــ

[Lamees]

وهي ساعات وبنعيشها
حزن وفرح وهموم والآم
اوقات دموعنا بنحوشها
والقلب دايما متلام

عجبتني اوي يا خالد
تسلم ويسلم نبض القلم

[*فجر الاسلام*]

الهموم هتتزحزح وهتحلو وربنا ^___^
ربنا كبير
ربى يسعدك تسلم ايدك على روعة الكلام
تحياااااتى

[راجعة لحبيبى]

ربى يفرحك خالد
كلماتك حلوه
تسلم
لروحك السعاده

[وباء الحب]

عندك حق
هو انت شاعر ولا غش

[فصيح]

الله فلسفة حياه
وتجارب ، قلب أخضر الخير جواه
حكم تنضرب أمثال
تحية ليك بقدرك
شاعر الحب الحزين
مشكور أخوي

[يحيى الفضلي السودان]

نحن كل لحظة نعيشها
نبضة بقلبي بتدق
والحبة نبني بيتها
نعلي قدرها نحق


جميل يا نسمة المساء

[العاشق الذى لم يتب]

مش انت شاعرالحب الحزين
بس بلاش حزن كبيركده
ربنايفرحك حلودة
روعة انت وكلماتك

[شاعر الحب الحزين]

اقتباس المشاركة الأصلية كتبت بواسطة lamees وهي ساعات وبنعيشها حزن وفرح وهموم والآم اوقات دموعنا بنحوشها والقلب دايما متلام عجبتني اوي يا خالد تسلم ويسلم نبض القلم

دايما بنحوش دموعنا يا روني

الحمدلله على كل شيء


تسلمي لوجودك الطيب وتفاعلك الجميل

ربي يسلم نبض قلبك ويحفظك

أسعدتيني روني بتواجدك الطيب

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة fagr alislam الهموم هتتزحزح وهتحلو وربنا ^___^ ربنا كبير ربى يسعدك تسلم ايدك على روعة الكلام تحياااااتى

ونعم بالله سبحانه وتعالى

تسلمي للتواجد المليان تفاؤل يا فجر

نورتيني واسعدني حضورك الطيب

ربي يوفقك ويسعدك