الأهــَلي يجدد أماله بالفوز عل الوداد المغربي في أرضه ..

[سَـلمَى]

حـــَقق النـَادي الأهَـلي المصري أول فوز له في مجموعته في دور الأبــَطال
عل متصدر المجموعة الوداد المـَـغربي الذي يخسر أو جولاته في البطولة بهدف لصفر ..

وبهذا الفوز يستعيد الأهلي أماله في التأهل خاصة بعد تعادل أيسك مع زيسكو
في نفس المجموعة ..

فوز الأهــَلي عل زيسكو في القاهــَر .. وفوز الوداد عل أسيك في المغرب

ثم فوز الأهلي عل أسيك .. وعدم خسارة الوداد اما زيسكو في زامبيا

لو حصـَـلت النتايج ده بإذن الله كدا هبقى الأهلي مركز ثاني في المجموعة
ويتأهل هو والوداد للنصف نهائي . #لسه الأمل موجود ..

بالنسبة لأحداث المبارة ..

الأهلي لعب أفضل مبارة ليه في البطولة بالرغم من كافة الظروف ال حوليه
سواء من إصابات أو إحتراف لعيبة مهمة أو تدني مستوى الفريق في الفترة الأخيرة
ومننساش إنه بيلعب قدام متصدر المجموعة وعل أرضه ..

لكن وقت الأزمات الأهلي دايما بيظهر ..


الشوط الأول الأهلي بدأ مرتبك والواد بدأ بالضغط وضيع هدف محقق ال إتصدى
ليه ببراعة أحمد عادل عبد المنــَعمم ..

كان في أخطاء كتيرة في الشوط سواء من حسام غالي ال تمريراته أغلبها خطأ
او من صبري رحيل ال بيتقطع منه الكورة بسهولة ولا من الدفاع ال مكنش مغطى كويس

لكن عامة الفريق ظهر بشكل جيد وقدر في الدقايق الأخير إنه يضغط جامد عل مرمى الوداد
وممكن الجماهير إعتبرت نزول باسم علي بدل من السولية ال إتصاب هو ال عمل ال فارق

لإنه بمجرد نزوله عمل عرضية ممتاز وررجع التوزان للفريق وقدرو يبنو هجمات منظمة
لكن للأسف باسم كمان إتصاب وطلع بداله محمد هاني في الشوط الثاني
ال بردو كان قد المهمة وعمل متش جيد ..



الشووط الثاني بدأ بقووووة وسيطرة من النادي الأهلي وبعرضية من وليد سليمان
وبرأسية رامي ربيعة جه الهدف الأول المسسستحق للأهلي ..

الشوط الثاني في بدايته لحد الربع الأخير الأهلي كان ممتاز جدا ..

وليد سليمان وفتحي ثنائي ظهر بروح وقتالية كبيرة في الملعب والنتيجة زيي ما شوفنا
أداء رائع منهم ..

في أخر الدقايق قوة الأهلي البدنية قلت فبدأ ضغط الوداد عل مرمى الأهلي
لكن الدفاع كان بالمرصاااااد هو والمتألق أحمد عبد المنــَعم حارس مرمى الأهلي ..

طبعا علاامات إستفهام عل المستوى البدني والإصابات الكتيرة ال حصلت في المبارة ؟!!!!


الحمدلله عل الأداء والنتيـَـجة .. لكن مازل التأهل بعيد عل الأأهلي لكن ليس مستحيل

فرص المباريات الجاية مفروض تبقى سهلة للأهلي خاصة بعد عودة عبد الله السعيد
وتقيد الصفقات الجديدة زيي مروان محسن وعلي معلول ال هيدو إضافة قوية
للأهلي في مباريته الجاية في الأبطال ..

وربنا يوفق الأهــَلي ويلعب كل مبارياته بالروح والقوة ال شوفنها النهردا وأكــَتر ..

طبعا نـَـجم المبارة الأول هو حارس المرمى ( أحمد عادل عبد المنعم )

ال أنقذ هدف محقق .. وال إتصدى ل 3 تسديدات من أصل3
و2 عرضية من أصل 2 .. وخرج مرتين من المرمى لإبعاد إنفرادين
وعمل 13 تمريرة طولية ..

مبرووووووووووك الفوز يا أهلاوية وعقبال بقية المباريات بإذن الله ..

* هدف الفوز من رأسية رامي ربيعة (المدافع ) * :




.................................................. ................

ملاحظة : كتبت عن مبارة الأهلي لإني شوفتها .. بالنسبة لمبارة الزمالك
للأعضاء الزمالكوية أو ال شافو المبارة ياريت يكتبو عنها أو هيتم
نزول تقرير المبارة في قسم الأخبار ..


تــــَحياتي : ســَلمى ^-^

[العاشق الذى لم يتب]

تسلمى سلمى
وهذا الخبرالمفرح
والتحليل الرائع
بارك الله فيك

[♥○ moOoOoOna ♥○]

اللللللللللف مبروووووك للنادى الاهلى المصرى

مش جديد عليه انه يعمل اى انجاز حلو

اتعودنا على كده منه

بالتوفيق للاهلى دايماً

[۩۩ elMagic ۩۩]

بعد الماتش داا كده
احنا نقول لصبري شكرا وعمرو جمال شكرا
مش هازود بصراحه
الهجوم مكنش موجود اصلا
وكده الكوره في ملعب مروان ياخد على رتم اللاعيبه ويبدأ
يتحكم في الحته دي ويعيش بقى
عمرو خلاااص مستقبله ع الدكه او إعاره ف اى حته
الراجل بعد الصليبي مات اكلينكياً ،،
وعن صبري رحيل وااضح انه فاقد الامل خلاااص
مع ان كان المفروض يتظبط اكتر ويثبت نفسه النهارده عشان معلول
لكن كده السكه مفتوحه لمعلول عشان يعيش
وعبدالله السعيد كده يرجع من اصابته ويسلم لمروان الكرات
وباسم علي من حقه ياخد فرصه
هو بيعرف يلعب كويس لما بيبقى فتحي مغطى وراه الدفاع
عشان باسم ميوله هجوميه وعمل كذا كوره حلوين
ومازلت متمسك بعادل عبد المنعم ياخد فرصته كامله حتى لو غلط بعد كده
وشايف ان الشناوى دا جاى
عشان يخبط الحراس ف بعض مش محتاجينه دلوقت
بالتوفيق بقى للاحمر في اللى جاي
هو مش صعب عليه انه يفوز في كل لقاءاته اللى جايه
مش دي الفرق اللى يقف معاها الاحمر
هى بس مشاكل الاصابات وانتقالات اللاعبين دي
لكن الاهلى لها بقى
وبالتوفيق لكل الاندبيه المصريه
تسلمي سلمي للمجهود الطيب والمتابعه

[محمود الصاروخ]

تقريبا الاهلي كسب الماتش ده عشان مشوفتوش
والزمالك خسر عشان مشوفتوش برضه
بس انجاز يحسب للأهلي انه قدر يخرج من مركز الحصاله
الاهلي مشترك مع اسيك في مركز الحصاله تقريبا
ولكن الفوز في هذه المباراه يعيد الأمل من جديد
توقعاتي من البدايه عموما ان الاهلي هيصعد تاني
وتوقعاتي للبطوله سيكون الوداد وصانداونز في النهائي
مبروك للأهلي الخروج من مركز الحصاله

[سَـلمَى]

اقتباس المشاركة الأصلية كتبت بواسطة العاشق الذى لم يتب تسلمى سلمى وهذا الخبرالمفرح والتحليل الرائع بارك الله فيك

الله يسلمك يا كابتن ..

تشكر عل تواجدك ومروك ..

نـــــــــَورت ^^

[سَـلمَى]

اقتباس المشاركة الأصلية كتبت بواسطة ♥○ moooooona ♥○ اللللللللللف مبروووووك للنادى الاهلى المصرى مش جديد عليه انه يعمل اى انجاز حلو اتعودنا على كده منه بالتوفيق للاهلى دايماً

الحمـَـدلله ..

المهم دلوقتي يستمر في الإنجاز ده ويقدر يوصل للنهائي
إن شاء الله ..

يارب ..

تششكري ياجميلة عل المرور

نورررتيني جدا ^^

[سَـلمَى]

اقتباس المشاركة الأصلية كتبت بواسطة ۩۩ elmagic ۩۩ بعد الماتش داا كده احنا نقول لصبري شكرا وعمرو جمال شكرا مش هازود بصراحه الهجوم مكنش موجود اصلا وكده الكوره في ملعب مروان ياخد على رتم اللاعيبه ويبدأ يتحكم في الحته دي ويعيش بقى عمرو خلاااص مستقبله ع الدكه او إعاره ف اى حته الراجل بعد الصليبي مات اكلينكياً ،، وعن صبري رحيل وااضح انه فاقد الامل خلاااص مع ان كان المفروض يتظبط اكتر ويثبت نفسه النهارده عشان معلول لكن كده السكه مفتوحه لمعلول عشان يعيش وعبدالله السعيد كده يرجع من اصابته ويسلم لمروان الكرات وباسم علي من حقه ياخد فرصه هو بيعرف يلعب كويس لما بيبقى فتحي مغطى وراه الدفاع عشان باسم ميوله هجوميه وعمل كذا كوره حلوين ومازلت متمسك بعادل عبد المنعم ياخد فرصته كامله حتى لو غلط بعد كده وشايف ان الشناوى دا جاى عشان يخبط الحراس ف بعض مش محتاجينه دلوقت بالتوفيق بقى للاحمر في اللى جاي هو مش صعب عليه انه يفوز في كل لقاءاته اللى جايه مش دي الفرق اللى يقف معاها الاحمر هى بس مشاكل الاصابات وانتقالات اللاعبين دي لكن الاهلى لها بقى وبالتوفيق لكل الاندبيه المصريه تسلمي سلمي للمجهود الطيب والمتابعه

بص هو أينعم صبري وعمرو جمال مش في مستواهم
لكن إجتهدو كتير المبارة ده وشوفت صبري في النواحي الدفاعية كويس
وعمرو جمال كان بحااااول في كل كورة ..

وطالما بحاولو وبيجتهدو فهما عايزين يتحسنو
حبة حبة إن شاء الله يرجعو لمستواهم
ومعتقدش إنه المدرب هيستغنى عنهم لإنه واضح إنه محتاجلهم ..

إحنا دورنا ندعمهم ونقف جنبهم لعل وعسى يرجعو زيي ما كانو وأحسن ..

بس برجوع السعيد ووجود مروان وملعلول شكلهم هيقعدو في الدكة هههه

باسم علي كل ما ياخد فرصته يتصاب ياعيني
وبلا شك إنه عنده الكتير يقدمه ووضح لينا مجرد نزوله في الملعب
وبإذن الله تكون إصابته مش خطيرة ويرجع ياخد فرصته كويس ..

طبعا أحمد عااادل يستحق فرصته كاملة متكاملة قدر يثبت نفسه
وهو عرف دلوقتي إنه الجمهور أشاد بيه مفروض يتقدم أكتر وأكتر
وهو كان ناقصله قوة شخصية في الملعب ويتألق وأهو بانت في مبارة إمبارح
ولو إستمر إن شاء الله هيبقى أساسي كتير وربنا يوفقه ويوفقهم جميعا ..

بإذن الله يكون الأهلي أقوى من أي ظروف ويقدر يعدي المرحلة الجاية
ال تعتبر مصيرية لتأهله ..

الله يسسلمك يا ماجيكووو ..

تشكر عل التواجد والمشاركة والمرور المتميز كالعادة ..


منــــــَور ^^

[سَـلمَى]

اقتباس المشاركة الأصلية كتبت بواسطة محمود الصاروخ تقريبا الاهلي كسب الماتش ده عشان مشوفتوش والزمالك خسر عشان مشوفتوش برضه بس انجاز يحسب للأهلي انه قدر يخرج من مركز الحصاله الاهلي مشترك مع اسيك في مركز الحصاله تقريبا ولكن الفوز في هذه المباراه يعيد الأمل من جديد توقعاتي من البدايه عموما ان الاهلي هيصعد تاني وتوقعاتي للبطوله سيكون الوداد وصانداونز في النهائي مبروك للأهلي الخروج من مركز الحصاله

يبقى متشوفش عل طول يامحمود هههههههههه

مش إنجاز ولا حاجة ده الطبيعي إنه الأهلي يا إما في القمة
يا يوقف من تاني ويرجع للقمة ..

مهو مش زيي غيره ال كان دايما حصالة

وهااارد لك للزمالك لكن متأهلين متأهلين
ده إنتو 3 فرق بس ..

منوووور يا كابتن

[سارة بنت مصر]

الاهلى فعلا خرج من من الكبوه دى وممكن يرجع تانى لو كسب الماتشين اللى جايين

بس انا كزملكويه اتمنى خروج الاهلى لكن لو الزمالك وصل هو الاهلى هيبقى ماتش نهائي حلو