بنتي.. ياجمل حاجة حصلتلي

[a7med -3del]

حاجة اتاخرت كتير اوي اني اكتبها
بنتي وقلبي سيلا اللي في صورتي الشخصية دي
عمرها سنة اربع شهور و16 يوم بالتحديد
وبعتبر دي من اجمل واحلي الكلمات الي كتبتها
يارب يخليكي ليا ياقلبي

احلي حاجة حصلتلي
اكيد انتي
ولو سالوني مين اجمل
هاقول بنتي
في برائتها
في لعبها
ملامحها
حتي شكلها
مين في الدنيا دي زيها
وهيا الدنيا وحبيبتي
ياجمل حاجة حصلتلي
تقول بابا
الاقي الدنيا تتغير
الاعبها
وكاني طفل صغير
شقاوتها
ويا ضحكتها
في زعلها
ولما اسكتها
من وسط كل الناس
دي اللي بجد ملكتني
واجمل حاجة حصلتلي
في عينيها
كل معني جميل
اختصرتني في واحدة بس
والاسم اسيل
بابا دي لما تقوليها
بعشقها بالتفاصيل
حتي في زعلها
بتبان جميلة
وهي دي اميرتي
بنتي
ياجمل حاجة حصلتلي

Ahmed adel
28-7-2016

[Aya 7ekaya]

ماشاء الله

ربنا يحفظها ويخليهالك ويخليك ليها
تكبر وتشوفها عروسه كمان ^^

[*فجر الاسلام*]

الله الله جميله اوى
ربنا يخلهالك ويحفظها ويبارك فى عمرها
تحياتى

[رحيق الحياة]

ماشاء الله
كلماتك جميلة 🌷
ربنا يحميها وتشوفها أحلي عروسة 🌹

[fanaa]

كلمات جميله جدا

ربنا يخليهالك يارب وتفرح فيها وتشوفها احلى عروسه فى الدنيا

[Lamees]

قمر ما شاء الله
ربنا يحفظها من العين
ويبارك فيها
الاولاد دول نعمة من عند ربنا
لازم نحمد ربنا عليها

[احساسى صحيح]

عسولة اووى ما شاء الله ربنا يحفظها ويخليهالك يا رب
اجمل مشاعر هى ما تكتب لأغلى ما نملك
ان شاء الله تفرح بيها وتشوفها عروسة ^^
تسلم كتير ابو حميد
رائع فى كل ما ملكته من قريحة

[واد حبيب]

ما شاء الله زي العسل
ربنا يخليها لك ويبارك فيها
تسلم يا غالي

[حكاية حب]

الله عليك يا شوووووو

كلماتك جميله ومحسوسه

ربنا يخليلك سيلا وتفرح بيها وتنور حياتك

سيلا بنوته عسوله وجميله ربنا يحفظها ويرعاها

واكيد انت كمان خلوق ومحبوب من الجميع

مودتي وتقديري يا شووووووو

[حكاية حب]

احلي خمس نجوم لعيون سيلا