يوميات طالب كسلان .........حيــــــاة ❤

[اميرة الحب الضائع]

ازيكو اجودعان طبعا اتاخرت اوى فى تنزيل الحلقه والنهرضا معنا فضايح جوجو هاجر وقعت ومحدش سما عليها معنا النهارضه حيــــــاة ❤ من مبدعى المنتدى ويلا نشوف تاريخ الفشل المشرف كان المفروض بيبقا فى اسئله بس هاجر فصلتنى مش لقيه كلام وخليت بس تعليقات على كلما ولما قولتلها افتكريلى كام موقف كدا من الدراسه ههههه يادي الفضايح (دا احنا لسه بنسمى فضايح ايه اهدى ) بصي مره لما كنت في السعوديه في سنه 2اعدادي (2 اعادى مشوار الفشل من بدرى) كنت ماشيه ف الممر مع صحبتي وعمالين نشتم في مدرسه عندنا كان اسمها امل كنت بكرهها اووي بتاعة الرياضيات كان ثقيله اوي هههه كنا ماشين نشتم فيها بصينا ورانا لقيناها ماشيه ورانا ههههههه (يا عينى اتنفختو خافو ربنا يا ظلمه بتشتمى المدرسه فى الممر طب استنى اقعدى فى حته لوحدك عشان متتكشفيش ) .... في موقف كمان بس في 3اعدادي مع نفس المدرسه دي (لاء بقا انتى مصممه تستفزى الست ليه كدا يابت ) كانت غايبه عشان امها كانت متوفيه روحنا كولنا صوتنا وزغرطتنا تخيلي بقي لما الفصل كله يصوت هههه (يا مفتريين عليكو ربنا شمتنين فى الابله بتعتكو ) المهم مدرسه سمعتنا من برا راحت كتبتنا تعهد وخليتنا ننضف حمامات المدرسه ههه (هههههه هى حصلت حمامات وتعهد ما انتو مسجلين خطر ) في مصر بقي البلاوي كتيره هههه (ال يعنى بره مصر هو الى مكنش فضايح فضحتينا برمصر يخربيتك ) كان عندنا حصه العاب ف تانيه ثانوي واحنا متعودين كل خميس نرش بعض بالميه (طب سؤال لو لبى اشمعنى الخميس ليه مش التلات او الحد محسسانى انكم بتصلو قيام الليل ) المهم كانت الميس غايبه نزلونا الحوش في خرطوم كدا بيبقوا مركبينوا ف حنفيه ههههههه اشتغلنا بقي واستحمينا وعينك ماتشوف الا النور وبتوع الكانتين طلعوا معانا وكانت هيصه هههههه (يا حلوة فرح هو الناس كلها ظيطه فكرين نفسكو فى مارينا ) مين شافنا بقي هههه ميس العربي ودي كانت شديده وكانت علينا الحصه اللي بعدها صفيتنا كدا طابور جنب بعض ف الحوش ننشف واحنا واقفين هههه كان يوم مسخره ياميرو (يا عينى مش متخيله المنظر الصراحه ) السنادي بقي كانت كلها مهاازل (يا ابنتى انتى حياتك كلها مهازل حتى السنه بتاعت تحديد مصيرك مهزله اما نشوف ) افتكر اول السنه خالص كنت باخد مع مدرس تاريخ تبع الاخوان اووي هههه (مالهم الاخوان ابوت شكلى هضربك ) كنت لسه جاياله جديده فقالي انتي جديده صح قلتله اه الحصه اللي بعدها قالي انتي مش غريبه عليا انتي كنتي بنظاره؟ وانا اقول الراجل اتحول ههههه (ههههه مش انتى البت العسل الى كانت هنا امبارح ) في نص السنه كدا مره قالي انتي اتحجبتي امته هههههههه (مش انتى الى كانت بتلعب تحت البيت زمان وكنت برش عليكى ميه ) كان فاضله تكه ويقولي فين طقم سنانك هههههههه (فى البيت عشان مش يبوظ ) يابنتي مسخره اظن كفايه كدا انا مواقفي يامه (هههههه فعلا مسخره شكلك مقضيها كدا على طول ) نورتى يا موزتى ويسعدنى اقولك فضحتك يا جوجو يلا بصى للكاميراه وشاورى باى باى فتكو بعفيه تحياتى ميرا

[واد حبيب]

سيبك من ده كله
المهم انتي نضفتي الحمام كويس ولا لا
هههههههه
حلقه جميله يا اميره
وضيقه دمها خفيف
في انتطار الحلقه اللي جايه

[*فجر الاسلام*]

ماطلعتيش هينه ياجوجو كل دى مصايب
اعقلى بقى احنا كبرنا ورايحين الجامعه :d
ربى يسعدكم جميله الحلقه

[جبل عالي]

حلوة فكرة البرنامج وحلوة الضيفه جدااااا
وانتوا الاتنين زي السكر
ربي يسعدكم ويوفقكم ياقمرات
احلى حاجه ذكريات الفترة دى الصراحه

[حـيـــــآة ❤]

هههههههههههههه
وانا اللي مفكره انك بير
يابنتي احنا لما كنا ف السعوديه كنا شله مكونه من 24بنت
8بس مصريين والباقي من مختلف الجنسيات
يعني تخيلي كدا لما نتفق ع مصيبه ولا نتجمع ف الحوش، ههههه
اجارك الله
بخصوص سؤال اشمعنا الخميس منا قلت عشان حصص الالعاب
ههههههه
بالنسبه للاخوان انا لامع اخوان ولا مع سيسي وبشتم فيهم الاتنين
بس كدا عشان شكلي هتمسك :/
منتظره الضيف التاني حبيبتي
موفقه ياقلبي

[ملك جبال الاحزان]

مواقف المدارس مفيش احلى منها
وخصوصأ ايام ثانوى واعدادى
ياريتها تعود تانى
منورين يا قمرات

[فداااااااااااء]

هههههههههههه والله بتجننى يا هاجر هههههه انتى مجرمة كبيرة يا بنتى وانا اللى فاكراكِ هادية هههههههههه

حلقة حلوة اوى سلمتى اميرة

[۩۩ elMagic ۩۩]

حتى البنيه بتاعت الرياضه مش طايقينها
الماده دي لا دين لها فعلا
مشحوره معاها كل الشعب
محدش عارف يفك رموزها
مواقف حلوه بقى
واهوو خلصتى الفشل وداخله على فشل اكبر
هروب من المحاضرات وتريقة ع الدكاترة
والسكاشن والشيتات
حياه تانيه
تسلموا للمجهود الطيب
يدوم التميز

[ندوشه 2011]

والله انتي زي العسل ربنا يوفقك فاضل تكه ويقول فين طقم السنان فصلتيني عشان ماتبقيش تتريقي عالمراقب أبو عيون ملونه الحال من بعضه..تسلمي حبيبتي

[وباء الحب]

هههههه
بجد موت ضحك
هههههه
تسلمي موضوع حلو