شبكة فضة...

[SaMa.]

النهردة شوفت الصورة دى شبكة فضة
لعروسة انضمت لحملة مقاطعة الدهب عشان ارتفاع اسعارو....
عاوزة اعرف رئيكو ي بنات
توافقى تيجيلك شبكة فضة؟
ولا كفاية دبلة دهب وخلاص ..؟
ي تري رئيك هيختلف ان العريس بتحبية ولا جوازة عادية؟
كمان عاوزة اعرف رئي الولاد ف الفكرة ..؟

[جبل عالي]

هتابعكم واشوف الاراء ايه
....

[حازم34]

اهلين اهلين اهلين اهلين


القلم الراقي والفن الجميل سما


نورتي بموضوع مهم جدا


اولا ناتي الي نظره الاسلام


قال الرسول صلي الله عليه وسلم


لاحد الصحابه وكان فقيرا ما معني الحديث


التمس ولو خاتما من حديد


الرجل القادر ماديا مطال بحاجات كتير


هب اني املك من المال الكير وجئت للزواج من انسانه احببتها حقا لخلقها وتربيتها وقافتها وطبعا دينها


اظن الواجب ان يدفع مهر لابيها علي حسب غناه وان يتولاها في كل شئ


وان يحضر لها ما تحب وتهوي


ولا يطالب اهلها بجنيه واحد يدفعونه



اما الفقير بمساعدته من اهل العروس صدقيني هيكون خيرا لهم


سيكون الزواج برعايه الله وتوفيقه -- اقلهن مهرا اكثرهن بركه --- ان يكونوا فقراء يغنيهم الله من فضله


والحياه الزوجيه بعد ذلك هيا حياه حب ابديه لاتنتهي الا بالفراق الا وهو الموت


الحياه الزوجيه غير هيكون فيها اندماج جميل علي حسب معامله الزوج


لو حبوب وجميل صدقوني هيكون اهل العروس كلهم جنبه الزوجه يعني


اما لو نكدي وبخيل تبقي شورته مهببه ويعزلوه عنهم تماما


الحياه الزوجيه عاوزه دراسه علي النهج الجميل


هيكون الكل يعيش في بوتقه واحده


ويا ما اعرف ناس تزوجوا بفضه واصبحت الزوجه تملك الكير والكير من حب زوجها وماله واغنت اهلها


واعرف اغنياء الزوجه انفصلت عنه وكرهت كل شئ واتعبت اهلها معها


يجب التسهيل ولكن بحذر فهناك ذئاب تلتهم ولا تسال


يعني لابد من السؤال عنه ودينه وخلقه واهله مش بالحب بس انت غالي علي


بالحب وحده انت نور عيناي لا القلب والعقل لهما دور


يسلموا يارب

[Aya 7ekaya]

انا متضامنه جدا مع الفكرة من باب التيسير
فى جوازات كتير بتقف على حاجات تافهه
والشباب دلوقتى مش لاقين شغل
بس انا لو ف نفس الموقف هجيب دبله دهب وبس
مش بحب الفضه اوى ف دبله دهب كافيه جداا

[Muslimah]

والله لا ذهب ولا فضة
الماس احلي من الاتنين ههههههه

[YOo YA]

والله الفضه جميله اوي
وسواء دبله بس او شبكه فضه
هو حد طايل العريس اصلا هههه

[حـيـــــآة ❤]

ربنا ورسولنا الكريم وصونا باليسر
وحاجه زي دي بتوقف وراها حالات يامه
الشباب مش لاقيه تاكل اصلا..
والله حرام واقفين الحال كله
انا مع الفكره دي، جدا واوافق موافقش ليه
انا اصلا مبحبش الدهب ههههههههه
بس فعلا فكره تحترم جداا لان فيها تيسير للامور
ومفيهاش حاجه ابدا اما الفتاه تتغاضي عن الماديات دي
موفقه حبيبتي موضوعك جميل

[Eng Esraa]

عموما انا بحب الفضة جدااا و كنت بتمني اصلا
ان شبكتي تكون فضة مش دهب بعيدا بقا عن ايه اغلي او ارخص
بالنسبة لي مش هتفرق غير ف الحاجة اللي بحبها..
بس طبعا كلام الناس مش هيخلص كل واحد هيشوف حاجة زي دي
بالطريقة اللي هو مقتنع بيها و بس .. لاكن انا بالنسبة لي هي حاجة جميلة جدا
الفكرة جميلة يا قمر .. تسلمي

[*فجر الاسلام*]

والله فكره المقاطعه حلوه
وانا اول مره اشوف فضه فحلو اوى الانسان لو كويس مش هتفرح فضه ولا دهب قليل
ربنا يصلح الحال

[فارس الكلمة]

أنا مع فكرة المقاطعة للذهب لغلو سعره
ولكن أنا ضد فكرة الشبكة الفضة لأن مهما كان سعرها مش هتوصل 1000 جينه
فيكون الموضوع دة سهل على الشاب وممكن يفرط فى العروسة لانه تحصل عليها بسهولة
ولكن هناك حل وسط على أهل العروسة أن يكونوا وسطاء فى طلباتهم
وعلى العريس أن يتقى الله فى من أكرمه الله بأن تكون شريكة حياته
وأن يعاملها بما يرضى الله ورسوله
لإنكم إستحللت فروجهم بكلمة الله فاليكن الله رقيب عليك فى كل تصرفاتك معها والله الموغف