صفحـــة واتقفلـــت

[شاعر الحب الحزين]

صفحة واتقفلت ومش مستعد افتحها تاني

ولو اللي جواها يهمني مبقاش يهمني تاني

كنت معاكم قاتلني همي ويأسي

سيبوني أبيعكم لو مرة من نفسي

مكنتوش حاسين بيا وياما جيتوا عليا زي زماني

افتحوها لو تقدروا ..عمركم ما هتقدروا

مش هتلاقوا حد زيي روحوا بقى ودوروا

عصمت العشرة فإيديا وهانت عليا من بعد هواني

تزعلوا أراضيكم تخاصموني أروح اصالحكم

كان قلبي عليكم وقلبكوا على مصالحكم

ولإيمتا هفضل اسامحكم ..اخطائكم هدت فيا كياني

اكبر خاين هو اللي كنت بقول عليه وفي

أتاريه زيهم لقيته ف شدتي بيبعد ويختفي

ده انا كنت بيه مكتفي ..مع إنه عمره ضحى عشاني

وهتفرق إيه بيهم ومن غيرهم هعيش عادي

والصفحة اللي قفلتها مش هفتحها المرة دي

اخترت أفضل لوحدي ..يمكن من غيرهم الحزن ينساني



يارب طال الإختبار ..يارب طال الإنتظار

هو كان بلاء منك ولا انا مش بعرف اختار

يارب انا بعتهم ..مش فاضللي حد

قربني منك ما تبعديش عنك..بإيديك الأقدار

هتسبني لمين..هتسيبني حزين كده ومحتار

انتا سامعني هما مش سامعيني

معاهم قفلت صفحتي ومعاك فتحت الصفحة وبدأت المشوار

متحوجنيش لحد بحبه وهو كارهني

قويني على فراقهم.قدرني على نسيانهم .متخلنيش بين جنة ونار

أنا ليك سلمت أمري..تقربني منك وتبعدني عن كل خاين غدار




شــــــــــــــــــــــــــــــــــــــ . حــــــــــــــــــــــــــــــــــــــ

[فارس الكلمة]

شاعر الحب الحزين
صفحة وأتقفلت تانى
هنا كلامك سهل وبسيط
تكلم نفسك مرة وتلومها أخري
سردت حكاية هجر فى صورة الغدر
ورسمت فراق الحبيب للمحب فى سطوراً ونثر
رفقاً بنفسك ولا تجهد قلبك
فسوف تصادف من للحب يبادل
كن واثقاً بأن الحب تبادل المشاعر
وليس الحب من طرف واحد يفوز به الشاطر
أخى الفاضل
نصيحتى لك لو قفلتى الصفحة فلا تعود لها تانى
فالحب ليس سلعة يملكها أنانى
كن على يقين بأن قلبك نظيف وسوف يجد من للحب يفانى
أخى الفاضل تقبل مرورى عليك بكل سرور
وأشكرك على منحك لى الفرصة بأن أنثر لك السطور
فى رعاية الرحمن أتركك وسوف أنتظر منك القادم من السطور
فارس الكلمة

[*فجر الاسلام*]

معاهم قفلت صفحتي ومعاك فتحت الصفحة وبدأت المشوار
الله الله الله عليك يا استاذ رغم ان كلامك جه على الجرح وقفلنا صفحات كتير
لحد الكتاب ماقرب يخلص بس نهيتها بحاجها جميله اوى
ربى يسعدك جميل اوووووى الموضوع
تحيااااااتى

[فداااااااااااء]

البعض تقفل صفحاتهم من حياتنا الى الابد... لان ما اقدموا على فعله صعب ينسي... ولو انك تعيش وحيد أفضل من انك تعيش مع قلوب هؤلاء
أسعدك الرحمن اخى شاعر
كلمات جميلة لكن الحزن يغمرها
دام قلمك بالسعادة نابض

[العاشق الذى لم يتب]

متهئلى انت زعلان من حد
ولايمكن انافهمت كده
رائع انت فيماتكتب
لك عظيم تحياتى

[حكاية حب]

عناد القلب والشوق

لكني اشعر بين كلماتك بالحنين

ابدعت اخي

موفق

[Lamees]

اي قرارات في حياتنا
مش بنقدر عليها
غير لما ندعي ربنا
يقوينا ويكون جمبنا
اكتر حاجة عجبتني
اعترافك بصعوبة قرارك وضعفك
واستعانتك بالله

رائع خالد
مع انها موجعة
تحيتي

[حازم34]

رغم كلمات الالم وقفل الصفحات ولكن القلوب الجميله ممكن تفتحها تاني


وتقبل الاعذار


قلبك قلبك وفيه حنين


والاستعانه بمن يملك القلوب الرحمن الرحيم هو من يقويك او يشرح صدرك لفتح الصفحه تاني


هيا الصفحات بتقفل فقط في حاله الغدر والخيانه


اما لو كانت الاعذار مقبوله ممكن نفتح لهم الصفحات تاني بس اللحظه بتكون ونكتب ما في القلب


والقلب بيقول اه بس لو اتصلوا الان وكلمونا هنقبل وتبدا الفرحه من تاني


يسلموا شاعرنا الجميل علي غلق الصفحات رغم الحنين


مبدع انت ربي يسعد قلبك

[فصيح]

ونعما بالله عزيزي شاعر ومن لنا غيره حين تغلق الابواب
وحين نهون في عيون الاصحاب وحين الغدر من الاحباب
يالله كم كلماتك اشعلت الغصه ، اتمني تكون فقط مجرد حاله
للكتابه ، احساسك شاعرنا هنا قوي واصل
اتمني لك السعاده

[شاعر الحب الحزين]

اقتباس المشاركة الأصلية كتبت بواسطة فارس الكلمة شاعر الحب الحزين صفحة وأتقفلت تانى هنا كلامك سهل وبسيط تكلم نفسك مرة وتلومها أخري سردت حكاية هجر فى صورة الغدر ورسمت فراق الحبيب للمحب فى سطوراً ونثر رفقاً بنفسك ولا تجهد قلبك فسوف تصادف من للحب يبادل كن واثقاً بأن الحب تبادل المشاعر وليس الحب من طرف واحد يفوز به الشاطر أخى الفاضل نصيحتى لك لو قفلتى الصفحة فلا تعود لها تانى فالحب ليس سلعة يملكها أنانى كن على يقين بأن قلبك نظيف وسوف يجد من للحب يفانى أخى الفاضل تقبل مرورى عليك بكل سرور وأشكرك على منحك لى الفرصة بأن أنثر لك السطور فى رعاية الرحمن أتركك وسوف أنتظر منك القادم من السطور فارس الكلمة

سلمت أخي الحبيب فارس الكلمة

لتلك الكلمات التي كانت كالبلسم تطيب بها الجروح

الحكاية اكبر من الحب أخي الحبيب

كل الاحترام والتقدير لشخصك الجميل النقي

كم أنا سعيد بتواجدك هنا وبصدق تفاعلك

سلمت يا أمير الردود لمنحي ضياء تواجدك القيم هنا

أسعدتني بروعة الحضور ونقاء شخصك

ربي يوفقك ويسعدك