الحلقه الاولى من ( 20 سؤال ) مع ( ...... )

[morshooo]

بسم الله الرحمن الرحيم

مزاج الخير

بعد المعاناه الى فى المنتدى

وهروب الاعضاء للساحل و الغردقه وشرم

قررت انى انزل توبيك مهم جدا يعبر عن اعضاء المنتدى

ونعرف منهم ياترى مخبين ايه علينا والحمد لله البرنامج دا

الوحيد فى العالم الى هيقربنا اكتر لاعضاء المنتدى

تعالو نشوف اول ضيفه

حصل معاها ايه

اولا قولى
والله العظيم اجاوب بصراحه
اديكى حلفتى والحمد لله

دول 20 سؤال
مطلوب منك تجوبى عليهم وتحاولى ترغى فى الاسئله
الى ممكن تحبى توضحى فيها حاجا يعنى بلاش تردى ب كلمه واحده




1/ اوعدى الاعضاء ان اجاباتك كلها هتكون بصراحه ؟
والله اجاباتي هتكون صريحه




2 / مسجله اسم مامتك ايه على الموبيل وباباكى ؟
many
و
dad




3 / عامله موبيلك بباسورد والا لا ؟

اها بباسوورد



4 / لو حد مسك موبيلك بتقلقى والا عادى مسموح للجميع يشوف ويفتش فى موبيلك ؟
ههههههه لا مش اي حد



5 / مامتك شبه مين من الفنانيين ؟
ماما شبه نفسها




6 / لو قداكم تسيبى البيت وتعيشى مع حد تانى هتختارى مين سواء معرفك او شخصيه
عامه ؟
عمري ما اعمل كدا اصلا مهما حصل




7 / بتحبى الورك والا الصدر فى الفراخ ؟
ايه الاسئله دي هههه باكل الورك



8 / جربتى قبل كدا تعملى دماغ بسيجارة او شيشه او اى حاجا ؟
لا طبعا!




9 / لو الشبكه هتجيلك فضه هتوافقى والا لا ؟
ليه موافقش انا مش هوقف حالي عشان الدهب انا اساسا مبحبوش




10 / لو اتقدملك ( محمد رمضان ) بعد ما جاب عربيتين بحوالى 6 مليون هتوافقى
عليه ؟
بكرهه ومش عارفه معجبين بيه علي ايه




11 / بعد انتشار بيومى فؤاد فى رمضان الى فات تقترحى عليه يظهر فى ايه تانى ؟
ف جهنم ان شاء الله هههه هو دمه خفيف وبحب تمثيله




12 / تحبى خطيبك يكون خام والا كان مقضيها ؟
ومين فينا مش عايزه خطيبها يبقي خام..




13 / لو واحده صحبت نامت 5 سنين وصحيت النهاردة هتقوليلها ايه ؟
صحي النوم




14 / ايه رد فعللك لو شوفتى البنطلون المقطع من ورا نزلت مصر وبنات لابساها ؟
هتف ع اللي لابسه.. مع العلم اني مره عملتها مع واحده لبسها معجبنيش




15/دخلي كلمه (ياروح امك) في اغنيه؟
طب اسمع اقولك ياروح امك.. انساني وروح اقعد عند امك

دى من تأليف الضيفه والله




16 / مامتك بتصحيكى ازاى وانتى نايمه ؟
محدش بيصحيني انا بصحي مني لنفسي وبصحيهم كمان




17 / ايه اكتر جمله مامتك بتقولهالك وهى مدايقه منك ؟
ربنا ياخدك ويخلصني منك ياخلفتي السودا

الله مامتك بتقول أقاويل مأثورة




18 / اخر مره اتعكستى امتى وقالك ايه ؟
كانت ف اواخر امتحاناتي وطبعا كنا ف رمضان وهو قالي يخربيتك احنا ف ايام مفترجه.. معرفش انا ماشيه بلحترامي اصلا!
مع العلم انه كان راجل كبير!!




19 / وانتى قاعدة لوحدك اليومين دول بتغنى اغنيه ايه ؟
عمري ابتدي تامر حسني




20 / ايه رئيك فى البرنامج ؟
اسئله غريبه بصراحه
برنامج جميل موفق باذن الله



كانت معكم من قلب الحدث الهام

حيــــــاة ❤

[توحد ارواح]

حياة منوره واجابات جميله مختصره وصريحه
ربنا يخلى مامتك يارب هى بتحبك وبتستغفر ع طول هههه
شكرا ا/ مورشو ع البرنامج وبانتظار الضيف القادم

[واد حبيب]

طيب انتي بتكرهبني ليه يا حياة
كده انا اغير اسمي من محمد رمضان اي سعفان رمضان ههه
حلقه جميله واجابه دمها خفيف من حياه

[جبل عالي]

يعيني ع الحلو لما تغيظه اسئلة مورشووووو

اللي محدش يعرفه انه بقا اسمه كرشوووووو😂😂😂





لالالا فعلا حمدالله ع السلامه عم كرشوووو
وفكرة تناسب الجو الغريب اللي عايشين فيه ده


اما بقا الضيفه ...حياه اجاباتك ف الصميم ومختصرة
انا عارفه انك عاصرة ع نفسك لمونه يابنتي
هييه هنعمل ايه ...ادي الله وادي حكمته ...هههه
وبخصوص المعاكسه واللي ف رمضان
ربنا يهدي ويعفو عن العقول دي بجد ...
ربنا يحميكي يارب ويخليلك مامتك وبباكي وكل حبايبك




منور اعم بقااااا
ومتتاخرش ف اللي بعده وحياة محمود اشيخ😂😂

[Aya 7ekaya]

تدبيسه م الاخر
واجابات هاجر جميله طبعا

[شاعر الحب الحزين]

معاك حق يا مورشو البرنامج ده فعلا

بيعرفنا على الأعضاء من زوايا تانية وخاصة بيهم

هاجر كنتي منورة الاستضافة بإجاباتك وروحك الطيبة

شكرا يا مورشو عالحوار والاسئلة الغريبة المختلفة الجريئة

ف انتظار الضيف القادم بإذن المولى سبحانه وتعالى

ربي يعطيكم الصحة والعافية

[حـيـــــآة ❤]

كانت تدبيسه فعلا هههه
مجهود جميل مورشو
بانتظار الضيف القادم
دمت في حفظ الله

[فداااااااااااء]

ههههه تدبيسة حلوة لضيفة احلى هجورة الأمورة ههههه حلوة دى هههه إجابات جميلة قمرى سلمتى
سلمت اخى مورشو ودام نشاطك الجميل

[حـيـــــآة ❤]

لا حلوه يامروه هههههههه
نورتي ياحبي

[فصيح]

ههعععههعه
ايه يا عم الاسئله دي ، نجم والله اصلي يعني
ست البنات حياه اجاباتك عقله جدا تحيه ليكي
مشكورين وموفقين